երէկ ասացի, որ դպրոցականներին պէտք ա տանել աղդամ։ որ աղդամը չպէտք ա վերակառուցուի ու դառնայ քաղաք։ որ աղդամը պէտք ա մնայ այս վիճակում։ ու այնտեղ տանել մարդկանց երկու նպատակով՝ նախ, որ իրենք պրծնեն խօսել իրենց զոհ վիճակից։ զզւցրիք, իսկապէս։ ու որ իրենք ջոկեն, ինչ ահաւոր բաներ կարող են անել, ու սարսափեն։

#աղդամ #ակնա #պատերազմ #պատմութիւն

բնօրինակ սփիւռքում(եւ մեկնաբանութիւննե՞ր)

երէկ մի հատ ռուսաստանցի աղջիկ պատմում էր, թէ, փարթի էլ չէր, անկապ նստած թէյ էին խմում, առանց երաժշտութեան, առանց ալկոհոլի, հարեւաններն եկան, ասացին՝ աղմկում էք։

ասաւ, եթէ տասնմէկնանց մէկ րոպէ լինէր, այլ ձեւ կը խօսէին, կասէին՝ ոստիկանութիւն կը կանչենք։ իսկ հիմա, ընդամէնը՝ աղմկում էք։ ասաւ, թէ ասացին՝ բարձր էք ծիծաղում, մենք ծիծաղը լսում ենք։

ու մենք խօսեցինք, թէ սա հակաուտոպիայի պէս ա։

ասենք, մի երկիր կայ, ուր ծիծաղելն արգելուած ա։ անբարոյական ա համարւում համ էլ։

ու տէնց ոստիկանութիւն են կանչում, ոստիկանները գալիս են, դուռը կոտրում են, գոռում են «նա պըլ», ու տանում։

իսկ որոշ մարդիկ հանդուրժող են։ ասում են՝ դէ հասկանում եմ, իրենք էլ ծիծաղող են։ դէ թող ծիծաղեն, բայց իրենց տանը, ու նէնց որ չլսուի։ թէ չէ, երեխաս տեսնի որ ծիծաղում են, ի՞նչ կը լինի։ կարող ա նա էլ մեծանայ, ծիծաղող դառնայ։ իսկ ոմանք՝ չէ, էս ծիծաղողներին պէտք ա հաւաքել ռադ անել էս երկրից։

բայց իրական դիկտատուրաներում, ինձ թւում ա, տխրելն ա արգելուած։ իսկ ծիծաղելը՝ խնդրեմ։ զի կեանքը լաւն ա։ իսկ տխրելով դու շեշտում ես, որ գուցէ եւ այնքան էլ չէ։

#դիկտատուրա #հակաուտոպիա #անկապ #պատմութիւն

բնօրինակ սփիւռքում(եւ մեկնաբանութիւննե՞ր)

ասում ա՝ հահ֊ում (հարաւ աֆրիկեան հանրապետութիւնում, այն ոչ թէ ինչ դուք մտածեցիք) բոորը հաուս են լսում։

https://www.youtube.com/watch?v=2NhJu0Nz9oE #հաուս #քաղաքականութիւն #պատմութիւն

https://t.me/lseliq/223

բնօրինակ սփիւռքում(եւ մեկնաբանութիւննե՞ր)

ուրեմն պատմում են, թէ իննսունականների վերջում սէնց «բիզնես» կար, մի զօրամասից աւտոմատներ էին ուղարկում նորոգելու, մթոմ զինուորները մասեր են կորցրել, այդ մասերն առանձին տանում էին նորոգողներին, ու փողերը կիսում։

յետոյ մտածեցին՝ ինչի՞ ենք էդքան բան տանում բերում, աւտոմատները մնում էին տեղում, միայն թղթերն էին գնում գալիս։

յետոյ էլ մտածեցին՝ ինչի՞ ենք էդ աւտոմատների ցուցակները ամէն անգամ նորից կազմում, ու նոյն համարներով աւտոմատներ էին հա ուղարկում սարքելու։

այդպէս էլ բռնուեցին, բարձրաստիճան պաշտօնեաներից մէկի աչքով ընկաւ, մտածեց՝ էս ինչի՞ են միշտ նոյն համարներով աւտոմատները փչանում, ու տէնց։

այստեղից մորալներ ինքներդ հանէք, իմ գործը պատմելն էր։ #պատմութիւն

բնօրինակ սփիւռքում(եւ մեկնաբանութիւննե՞ր)