ինչ֊որ տանն եմ, ուր պարբերաբար հեռուստացոյց եմ հանդիպում։ էսօր էկրանի անկիւնում գրուած էր՝ «free news» ու տակը հայերէն՝ կարդացի «ձրի նիւս», շատ ուշ նկատեցի որ իրականում «ձրի» չի՝ «ֆրի» ա։
առաջին անգամ իմացայ «բումերանգ» կարճամետրաժների մասին, ուշ սովէտի շրջանում ընդունուած էր չինովնիկներին, կամ տարբեր բաներ ծաղրող ֆիլմեր անել։
բայց ես տեսայ մի քանի սեւ սպիտակ նիւթ, որ չեմ գտնում համացանցում։
մէկում ծաղրում էին քաղքենիութիւնը, ապահով ընտանիքի հարսանիք էին ցոյց տալիս, ու մարդիկ բարձրացնում էին աստիճաններով զոյգի համար հեռուստացոյց, կահոյք։
ինչն ապշեցրեց՝ շատ ընդարձակ աստիճանավանդակ, հետաքրքիր աստիճաններ, որ հարթակները իրարից առանձին օդում կախուած էին։ չեմ իմանում ինչ շէնք էր, ոնց որ բնակելի շէնք էլ չլինէր։
իսկ յետոյ սեւ սպիտակ մուլտ էր, ապշելու, հետաքրքիր ա որ թուի էր՝ թռչունները բանուորներ էին, ում փող են տալիս, ու իրենք սկսում են պատեր քանդելուց, ու պատուհաններ դնելուց, յետոյ կահոյք են սարքում, իսկ յետոյ սկսում են շէնքի մէջ տարբեր տեղեր առաջ տալ (մի պահ շատ հաւէս մոդերնիստիկ տեսք ձեռք բերեց շէնքը), յետոյ աստիճաններ են աւելացնում դրսից, պատշգամբ հռոմէական սիւներով, ու մեքենայի համար ճանապարհ ներքեւից ինչ֊որ յարկ։
յետոյ շէնքը փլւում ա, ու լիքը շտապ օգնութիւններ են քշում։
իսկ յետոյ անցան գունաւոր էպիզոդների, երեւի աւելի նոր էին։ էնտեղ էլ ծաղրում էին «անգործ մելոմանների», որ կիթառ են նուագում ու ուրախանում են, փոխարէնը, երեւի, գնան գործարանում աշխատեն։ իրենց ամէն տեղից տշում են, վախեցնում «թաղային» կանչելով։ վերջում էդ տղաներից մէկը հարցնում ա՝ «ախր ի՞նչ ենք ձեզ արել, խանգարո՞ւմ ենք, մեզ համար երգում ենք», ու իսկապէս, ի՞նչ են արել։ բայց իրենց դէ վերջում տշում են, ու իրենք փախչում, ու դէ կարգինը յաղթում ա։
#բումերանգ #ֆիլմ #հայֆիլմ #կարճամետրաժ #սովետ #սովէտ #ֆիլմ #պատմութիւն
փաստօրէն այդ «երազողները» ֆիլմում ներկայացնում են սեւանի գրողների տունը։ ու ըստ երեւոյթին ճաշարանի տակ, ստուերում սեղաններ էին շարում, սրճարան էր։
իսկ ֆիլմը նոր չի որ պեղել են։ առաջին անգամ ես այս ֆիլմի մասին իմացել եմ իննսունականներին, Արթուր Գրիգորեանի հաղորդումից, ուր նա հոլովակներ էր ցոյց տալիս։ ու մի հաղորդման մէջ հայկական հոլովակների պատմութիւն էր ու այս ֆիլմից հատուածներ դրեց։ ես յիշում եմ այն «ռակետա»֊ով շրջելիս կադրերը, եւ աղջիկներին։
ու յետոյ յիշել էի ֆիլմի անունը ու պարբերաբար փնտրում էի համացանցում։ բայց արդէն վաղուց մոռացել եմ ու ահա յայտնուեց, այն էլ աղմուկ հանելով։
հա դէ ահագին թոյլ է, իհարկէ, սցենարն էլ, ռեժիսորական աշխատանքն էլ, «հելփ»֊ում հաւէս փախած սցենար կար, այստեղ իրենք պարզապէս տեղեր փոխելով երգում են հիմնականում, ու աղջիկների առաջ ինքնացուցադրւում։
սակայն ես չեմ եկել այն քննադատելու, ինքը իհարկէ հետաքրքիր է նրանով որ եղել է նման փորձ այն ժամանակ ու դա շատ հաւէս է։
#սեւան #հայաստան #ճարտարապետութիւն #ֆիլմ #երազողները #պատմութիւն #1969 #հոլովակ #կարճամետրաժ #սեւանի_գրողների_տուն
Your browser does not support the video tag.
գտնւած է Արեգի միջոցով։
այս ֆիլմը առցանց փաստօրէն միայն այստեղ է։
ogv֊ով իմ մատեանում պահեցի։
(watch the “Noah” movie here or here
գտնւած է Արեգի միջոցով։
#love #screencast #internet #movie #short #culture #սէր #էկրանահան #համացանց #ֆիլմ #կարճամետրաժ #անկեղծություն #հարաբերություն #մշակոյթ #մշակույթ #անկեղծութիւն
via @{մայոր Թոմ (Major Tom) ; unamutaba@spyurk.am}
#georgian #georgia #short #vano-burduli #graffiti #censorship #dictatorship #cortazar #julio-cortazar #վրաստան #վրացական֊կինո #վրացերեն #կինո #կարճամետրաժ #գրաֆիտի #գրաքննություն #դիկտատուրա #կորտազար #վանո֊բուրդուլի #թբիլիսի #արվեստ
