>beware of he who would deny you access to the information, for in his heart he dreams himself your master
զգուշացիր նրանից, որ զրկում է քեզ տեղեկութիւնից,, զի իր սրտում քեզ տիրելու երազանքն է։
#էկրանահան #գրադարան
— ընկեր միրզոյեան, ասենք իրան, ինքը լափթոփ ա բացել — կատակեցի մտքումս։ (:
միրզը առաջ կը երազէր մէկը գար, լափթոփը բացէր, իսկ հիմա էնքան շատ են լափթոփ բացել ցանկացողները, որ մնացածին տարածաժամանակային շարայարութիւնում (կոնտինուումում) տեղ չի մնայ։
ինչի համար շատ ուրախ եմ, զի, մասնաւորապէս, ուզում եմ գրադարանը կենսակայուն լինի։
#միրզոյեան #գրադարան #երեւան #քաղաք #ֆոտօ #շարայարութիւն #տարածաժամանակ
ուրեմն էսպիսի ծրագիր կայ՝ flickcurl — շատ գործ ա արուած, շատ հետաքրքիր նախագիծ ա։
c֊ով ազատ ու լրիւ իմպլեմենտացիա ա flickr֊ի api֊ի։
ամէն ինչ կարող ես անել։ եւ փնտրել, եւ վերբեռնել եւ պիտակել, եւ աւելացնել ալբոմի մէջ։
վերջն ա։
միայն մի խնդիր ունի՝ չի աշխատում։ (:
ես յիշում եմ, դեռ շատ տարիներ առաջ այն փորձել էի, ու պայթում էր։
պայթում էր, ասում էր՝ free(): double free detected in tcache 2։
այսօր էլ ա նոյն ձեւ պայթում։
ոնց որ քաղաքապետարանից հող ուզես, յետոյ վերադարձնես, զի չես օգտագործում, յետոյ խառնուես ու էլի վերադարձնես։ ու քաղաքը պայթի։ ա չէ, քաղաքը չի պայթում, բայց դու ես պայթում։ քո այլ հողերով յանդերձ։
ու մարդիկ չեն իմանում c֊ն ինչ հին ու ահաւորն ա։ ես դեռ չեմ ասում որ անկանխատեսելի վարքագիծ կարող ա ունենալ ծրագիրդ։ ըստ ստանդարտի։
պարզապէս հմուտ ծրագրաւորողները գիտեն՝ սէնց բաներ գրել չի կարելի, զի յետոյ չգիտես ինչ ա լինելու։
բայց c֊ն մէկ ա ունի այդ «լատիներէնի» հմայքը, այն դիւթում եւ կախարդում ա, ձգում ա մարդկանց։
չէ՞ որ իրանով են գրել unix֊ը։ ախր այլ բան չունէին՝ դրանով են գրել։ հազիւ էլ դրանով են գրել, թէ չէ մինչ էդ մեքենայական կոդով էին գրում։ algol֊ն ունէին, բայց դա էլ կեանքից հեռու մարդիկ էին ստեղծում։ կեանքին մօտ այն բերեցին հետագայ թարմացումներով, եւ տարբեր ուղղութիւններ վերցնելով՝ ժան իշբիան ու նիկլաուս վիրտը։ (գուցէ կարելի ա նաեւ նշել լուկա կարդելիի, գրեգ նելսոնի եւ այլ հաւէս մարդկանցով օլիվետտիի ու դեքի թիմը)։
իհարկէ, յետոյ եկած լեզուների դիզայնի կորպորացիաների ստեղծագործական փորձերը, չնայած c֊ի շատ խնդիրներ լուծել են, բայց գուցէ եւ աւելի ահաւոր հրէշներ են ստեղծել։
(էսքան ասում եմ, բայց ես կը նախընտրեմ c֊ով ծրագրաւորող աշխատել, քան շատ ու շատ լեզուներով։ չնայած ահաւոր, ահաւոր ա։)։
ու էդ flickcurl֊ի հեղինակը չէր կարողանում խնդիրը լուծել տարիներ շարունակ։ իսկապէս բարդ ա շատ բան ֆիքսելը։ գուցէ էդքան կամք կամ ժամանակ չի տրամադրել, բայց՝ բարդ ա։ աւելի լաւ ա էդ խնդիրը ստեղծելու հնարաւորութիւն չունենալ ի սկզբանէ։
ինչեւէ։
ի դէպ, էս գիշեր կարողացայ այդ խնդիրը շրջանցել, տառապելով git֊ի master֊ի ելատեքստի վրայ։ ինձ դա պէտք ա որ մատեանից սինք անեմ նկարները ֆլիքր։ նախկինում այլ ծրագրով էի անում, որը չէր կարողանում պիտակել, օրինակ։ միայն վերբեռնում էր։
#տեք #ծրագրաւորում #արհեստ #արուեստ #ծրագրաւորման_լեզուներ #գրադարան #լատիներէն #իւնիքս #պատմութիւն #անկապ
evince֊ը հիմա, գոնէ gentoo֊ում, ունի libhandy֊ից կախուածութիւն։ դա գրադարան ա, որ librem նախագծի շրջանակներում ա ստեղծուել՝ gtk ծրագրերը աւելի մոբայլ դարձնելու համար։
dino֊ն էլ ունի handy ճիւղ, ուր libhandy֊ն ա օգտագործում։
երբ squeekboard ստեղնաշարի հայերէն շարուածքներն էի աւելացնում, նկատեցի որ phosh նախագծի ամէն ինչը տեղափոխուել ա gnome֊ի ենթակառուցուածքներ։
այնպէս որ libhandy֊ն երեւի իրենք են ինտեգրում, եւ մոբայլին աւելի լուրջ ուշադրութիւն ա դարձնելու հէնց գնօմ նախագիծը, որը բաւական շատ ռեսուրսներ ունի։ միւս կողմից, նաեւ ունի այնպիսի պատմութիւն, որ շատ շատերին ստիպել ա gnome միջավայրից չօգտուել։
#ինտերֆէյս #ծրագրակազմ #ազատ_ծրագրակազմ #նորութիւն #տեք #տեքնոլոգիաներ #գրադարան #ազատութիւն
եւս երկու յօդուած մեդուզայից, նաեւ երեւանի մասին՝
https://meduza.io/feature/2022/04/05/mesto-gde-budet-vozmozhnost-otdyshatsya
https://meduza.io/feature/2022/03/23/my-zdes-ponimaem-chto-voyna-eto-ploho
այս վերջինում ասում ա՝ չաթերում հարցնում են որտեղ հաշիշւ բացել, եւ որտեղ աշխատել, եթէ ոչ միրզոյեան գրադարանում։
#երեւան #միրզոյեան #գրադարան #յօդուած #յղում #պատմութիւն
https://soundcloud.com/inkyfromthetape/2021-07-03-gradaran-camp-stepanavan
#ստեփանաւան #լսելիք #գրադարան #քեմփ #էլեկտրոնային #տժժիկ
փնտրում էի վեկտորային գուի լիբեր, ու ուզում եմ հասկանալ, արդեօք դա լաւ միտք ա, էսօր, ու գտայ սա՝ https://littlevgl.com/, լրիւ այլ բան, բայց ահաւոր հաւէս ու հետաքրքիր նախագիծ։
#ծրագրաւորում #միկրոկոնտրոլեր #գրադարան #գիֆ #ներդրուած_համակարգեր #գրաֆիկա
էսօր գրադարանների մասին էի 99% անտսեանելին լսում, ասում ա՝ սֆ֊ի երկրաշարժից յետոյ, երբ հինգ հարիւր հազար գիրք ընկան հատակին, գրադարանը նախ ստեղծեց սրահ ուր ամենապահանջուած գրքերը դրուած էին, յետոյ էլ սկսեց գործընթաց՝ բոլոր գրքերը նշուում էին՝ կանաչ՝ եթէ վերջին տարուայ մէջ այն վերցրած կան, դեղին՝ եթէ երկու տարուայ մէջ, ու կարմիր՝ եթէ երկու տարուայ մէջ չեն վերցրել։
ու կարմիրները հանում են գրադարանից, ռադ անում։
դա ոնց որ լինուքսի մեմորի բուֆերներ պահել լինի՝ էն որը հաւանական ա, որ կօգտագործուի, յիշողութեան մէջ ա պահում, որ դիսկին դիմումները կրճատի։
իմ լիքը մասնագիտական գրքեր որ առել եմ նահանգներից այդպէս են՝ նշած ա որ գրադարանից հանուել են։
ու ես չեմ հասկանում՝ ինձ համար գրադարանը նէնց տեղ ա, ուր կարող ես գնալ, ու գտնել անցեալ դարի սկզբի գիրք, եթէ պէտք ա։ կամ աւելի հին։ անկախ նրանից՝ պահանջուած ա թէ չէ։ կարող ա վերջին անգամ էդ գիրքը հիսունականներին են վերցրել։
հա յետոյ ինչ։ գրադարանում ըստ սահմանման պէտք ա ամէնը լինի։
ու էն որ իրենք հանում են՝ չեմ հասկանում։ ու աւելի շատ եմ սկսում գնահատել ամազոնը՝ որ հին գրքեր առնեմ, ու ռութրեքերը՝ որովհետեւ էնտեղ պահուած ա էն, ինչ էլ չի արտադրուում։ ու դա երաժշտութեանն էլ ա վերաբերում, հին մաստերինգով ձայնագրութիւններ կան։
մէկ էլ ասացին, որ 2013֊ից տպուած գրքեր աւելի ու աւելի շատ են առնում։ ու ինձ դա հոգեհարազատ ա, հետեւից լուսաւորուած էկրանից կարդալ չեմ սիրում, քինդլին եւ այլ ընթերցիչներին չեմ հարմարուում մի քանի պատճառով, եւ անհարմար ա, եւ ազատ ծա չի, ինչ կարդում եմ՝ իսկական գրքից եմ կարդում համարեա գրեթէ միշտ։ չնայած հիմա քիչ եմ կարդում, չգիտեմ։
#գիրք #գրադարան #սֆ #ալգորիթմ #երաժշտութիւն
ջոկեցի, որ երբ չաթում կիսւում եմ, ստեղ չեմ կիսւում։ ուզում էի ասել, որ պարզւում ա, ֆրիթայփ գրադարանի առաջին վարկածը նաեւ պասկալով կար գրած, դոսի ու ուինդոուսի համար, որ դելֆի֊ով կազմարկուի։
իսկ հիմա լազարուսի մաս ա։
#պասկալ #գրադարան #էկրանահան
վանաձորում պէտք է բացել մասնաւոր գրադարան։
#գրադարան #վանաձոր
այսօր թուանշային գրադարանը ամերիկեան համալսարանի մանուկեան դահլիճում ներկայացրել է իր նոր կայքն ու դիւրակիր ծրագրերը։
կայքը, պարզւում է, ունի նաեւ բառարան։ ընտրեցի պատահական մի բառ, ու փնտրեցի՝
Ժողովուրդ՝
Յետոյ նայեցի ինչպէս է այս բառը երեւում այն բառարանում, որ ես կարողացել էի քաշել enacademic֊ի կայքից եւ կազմել ազատ ֆորմատի բառարան այս յատուկ այդ համար գրուած ծրագրի օգնութեամբ։ Ահա, այսպէս է երեւում Սեյլֆիշ ՕՀ֊ի «Սիդուդիկտ» ծրագրով՝
Մի հատ էլ բառ, թուանշային գրադարանի բառարան՝
իմ պատրաստած բառարանը՝
Թւում է թէ թուանշային գրադարանը օգտուել է իմ աշխատանքի արդիւնքներից։ եւ դրանք գոնէ ինչ֊որ մէկին պէտք եկան, եւ հասանելի կը լինեն մարդկանց իրենց կայքի միջոցով։ (:
կամ էլ մենք օգտուել ենք նոյն աղբիւրից։ այդ դէպքում, տեսնես իրենք ինչպէ՞ս են վերցրել տուեալները, ու ո՞րն է իրենց աղբիւրը՝ էնակադեմիկի բառարա՞նը, թէ՞ այլ աղբիւր է։
հ․ գ․ եթէ իրենց կայքից անկախ բառարանից օգտուելու ցանկութիւն կայ, ապա ահա «ստարդիկտ»֊ի ֆորմատով պատրաստի նիշքերը։
մինչ։
այսօր թուանշային գրադարանը ամերիկեան համալսարանի մանուկեան դահլիճում ներկայացրել է իր նոր կայքն ու դիւրակիր ծրագրերը։ կայքը, պարզւում է, ունի նաեւ բառարան։ ընտրեցի պատահական մի բառ, ու փնտրեցի՝
Ժողովուրդ՝
Յետոյ նայեցի ինչպէս է այս բառը երեւում այն բառարանում, որ ես կարողացել էի քաշել enacademic֊ի կայքից եւ կազմել ազատ ֆորմատի բառարան այս յատուկ այդ համար գրուած ծրագրի օգնութեամբ։
Ահա, այսպէս է երեւում Սեյլֆիշ ՕՀ֊ի «Սիդուդիկտ» ծրագրով՝
Մի հատ էլ բառ, թուանշային գրադարանի բառարան՝
իմ պատրաստած բառարանը՝
Թւում է թէ թուանշային գրադարանը օգտուել է իմ աշխատանքի արդիւնքներից։ եւ դրանք գոնէ ինչ֊որ մէկին պէտք եկան, եւ հասանելի կը լինեն մարդկանց իրենց կայքի միջոցով։ (:
կամ էլ մենք օգտուել ենք նոյն աղբիւրից։ այդ դէպքում, տեսնես իրենք ինչպէ՞ս են վերցրել տուեալները, ու ո՞րն է իրենց աղբիւրը՝ էնակադեմիկից բառարա՞նը, թէ՞ այլ աղբիւր է։ հ․ գ․ եթէ իրենց կայքից անկախ բառարանից օգտուելու ցանկութիւն կայ, ապա ահա «ստարդիկտ»֊ի ֆորմատով պատրաստի նիշքերը։
մինչ։
#բառարան #գրադարան #էկրանահան #թուանշային_գրադարան #հայերէն #Յոլլա #սեյլֆիշ
#գրադարան #հայերէն
հանրային գրադարանում կայ աղջիկ, ով ocr֊ում է յայտը եւ ներմուծում ԱԼԵՖ համակարգ։ Ես կարեկծեծի որ մեր ձեռագիրը ստիպուած է հասկանալ, նա էլ ասաց որ թուային ձեւով դի լինում դիմել։ միայն փնտրել։
#գրադարան
#լուսանկարներ #ինքնանկար #երեւան #գրադարան #աստիճան #բակ
սա ինձ շեֆս ուղարկեց այսօր «թաքնուել չի լինում» մեկնաբանութեամբ։ ։Ճ
#գրադարան #համացանց
կարեւոր է ցանկութիւններն արտայայտելը։
#էկրանահան #գրադարան #ցանկութիւն
Մատենաշարային եւ պարբերական հրատարակությունների առցանց հանգույց՝
http://serials.flib.sci.am/openreader/test/index.html
#գրքեր #գրադարան #գրականություն #գիտություն #պատմություն #հետազոտություն
#Ռոբերտ_Շեքլի #Շեքլի #գրադարան քարտ #գրականություն #Robert-Sheckley #Sheckley #library #literature
դե գնացի ես այդ Խնկո Ապոր գրադարանի կողքի արձանի մոտ։
կպա վիվասելի ինտերնետին, որից պետք է միայն դեպի գրադարան բաց լինի։ արձանի հետեւից գրված է, մտեք karda.am
դե մտա։
եւ ի՞նչ։
այնտեղ կա ռուսերեն ու անգլերեն գրականություն։
որ քաշել են այլ կայքերից, ու փակցրել այստեղ։
հա հետո՞։
մթոմ որ ի՞նչ։
ես առանց այդ ձեր վայֆայի ուրեմն չգիտեմ, հա՞ ոնց պիրատված գրքեր քաշել։
ու ոչ մի գիրք հայերեն, ի դեպ։
այսինքն, սա կրկին ցուցադրական ու լրիվ անիմաստ փողի ծախս էր՝ այսինքն — ռասպիլ։
Սղոցեք, Շուռա, սղոցեք։
Զզվում եմ ձեզնից։
Ի՞նչ կլիներ, գնայիք գտնեիք նրանց ով ունի թվային տեքստեր՝ հրատարակչությունները, գրողների միությունը, պայմանավորվեիք հեղինակների ու թարգմանիչների հետ, ու կազմեիք իրոք ուրույն էլեկտրոնային գրադարան։
Կամ թվայնացնեիք այն գործերը, որ թվային չկան։
փողը բա էլ ինչի՞ համար եք վերցրել։
ինչի՞։
որ քաշեք ու միրոր անեք այլ գրադարանները՞։ այն էլ պատճենաշնորհի խախտումո՞վ՞
դե էլ ա Գասպարը դեռ իննսունականներին lib.ru֊ի հայելի էր ստեղծել ֆրինեթ օգտագործողների համար։ Սաղ ֆրինեթը այնտեղից էր կարդում։ Մթոմ ի՞նչ մի նոր բան եք արել որ չկար՞։
Ու ի՞նչ եք ձեզնից էդքան գոհ որ էդքան գործ եք արել։
Լավ բա էն գրողների կայքը, writers.am։
Դա ի՞նչ է որ տենց գոհ եք։
Լրիվ ռասպիլ է։
Մի հատ էլ մետրոյում ՔյուԱռ կոդերով տարածում եք։ Կրկին՝ երեւալ ու չլինել։ Քովերը կա, հերիք է։ Մեկ է ո՞վ է մտնելու։
Բա ինչի՞ համար են ձեզ փող տվել, քովերի՞ թե՞ բովանդակության։
Առաջին հերթին մենք ենք մեղավոր։
Որ սրանց հանդուրժում ենք։
Այդքան ագահ ու տգետ մարդ ո՞րտեղից։
Համակարգն է աճեցնում, միջավայցը։
Փտաց միջավայր է, այդ պատճառով էլ սենց է։
Ու կշարունակվի։
Մինչեւ չփոխեք վարչակարգը, հետո էլի չփոխեք, հետո էլի, մինչեւ իրենք չզգան որ իրենց ամեն սխալի համար պատասխան են տալու, դատվելու են, նստելու են։
Մինչեւ չիմանան որ բկին է կանգնելու կերածը։
ու տենց
#հահ #գրադարան #երեւան #aua #library #yerevan
ինչ հավե՜ս է այստեղ
#հահ #գրադարան #երեւան #aua #library #yerevan
#Երեւան ֊ի #գրադարան ֊ները http://kg.am/hblov6b ֊ գուգլի քեշում, իսկ այս հղումը իմ համար չաշխատեց։ http://www.yerevan.am/1-304-Երևանի%20գրադարանները.html
_ու տենց _
#գրադարան #Երեւան
համացանցում մարդիկ հայտնվում են ու կորում։
նրանք հայտնվում են ֆորումներում, չաթերում, սոց ցանցերում, մատյաններում։ հետո կորում են։
հայտնվում են, որովհետեւ նրանց պետք է իմանալ որ «կան», պետք է կայանալ ու ճանաչվել խմբի մեջ։ պետք է, ի վերջո, պարտյոր գտնել։ չէ՞ որ ֆեյսբուքը սեռական բորսա է։
ոմանք մնում են։ մնում ու գրում են չնայած ընտանիք ունեն, չնայած աշխատանքը լիքն է, գրում են քնի հաշվին կորզած ժամանակում, երբեմն։
ինչի՞ են հեռանում նրանք, ով կորել են։ կորել են, որովհետեւ իրականում իրենց հետաքրքիր էր սեռական բորսայում գնում կատարել։ նրանք ցուցադրեցին հատկանիշների իրենց փաթեթը, գտան, ձեռք բերեցին, ու կորան։ այլեւս բան պետք չէ։
մնում են նրանք, ում հետաքրքրությունները ավելի լայն են։
ով գիտի, որ հասարակությունը իրենց պետք է, ում անհանգստացնում են այդ հասարակությունում իրադարձությունները, իրենց իսկ համար, իրենց շահերի պատճառով։ պարզապես մի քիչ ավելի խորն են նայում, գիտակցում են, որ իրենց կյանքը իրենց իսկ ընտանիքով չի սահմանափակվում ու ավելի բազմաշերտ է։
չեն լքում նաեւ այն մարդիկ ում էգոն միշտ շոյել է պետք։ եթե չհոգնեն սոցիալ շոյանքներից մի օր։ հոգնելը բարդ է, որովհետեւ փառքը անցողիկ է։ պետք է նոր միշտ բան անել/ասել, որ քեզ հասանելի շոյանքի փայը ստանալ։
էլի տարբեր ձեւի մարդիկ կան, բնականաբար։ կան կգբշնիկներ, կան լրագրողներ, կան մարկետոլոգներ, ում մասնագիտությունն է նետում օնլայն։
բայց երբ ես նայում եմ այն ամբողջ տեղեկատվության հոսքին, որ թափվում է համացանցում, ես ակամա մտածում եմ՝ գնայիք քոնթրիբյութ անեիք wikisource-ում։ Այնտեղով կայանայիք։ Երբ վիքիի «հաքաթոնը» եղավ, հատուկ լուսանկարում էի, որոգհետեւ համոզված էի, շատերը եկել են, որ իրենց լուսանկարները ցանցում հայտնվեն, որ նրանք ինչ որ բան են արել։ Իսկ իրականում վիքիների աշխատանքը աննկատ է հասարակության համար։ Ոչ ոք դրա համար չի շոյի։
Բայց կարելի է անել, կարելի է անել, ու շեյր անել ֆեյսբուքում։ Տեսեք, նոր գիրք եմ ավելացրել, կամ նոր հոդված։ Պարզապես բարդ է դա, ժամանակ է խլում շատ։
Ու չի գնահատվում։ Մի խոսքով էֆեկտիվ չէ որովհետեւ մենք տենցն ենք։
Մենք տենցն ենք։
Ես այսօրվանից wikisource-ին կփորձեմ ավելի շատ ժամանակ տրամադրել։
Այսքանը
ու տենց
