https://www.youtube.com/watch?v=giQxUkZ4Anc

հետաքրքիր ա որ մեր կարգինը՝ հիմնականում ոչ կիրթ եւ աղքատ դասակարգերի մօտ ա տարածուած։ իսկ իրենց կարգինը տարածուած էր միջին դասակարգի ու ապահով մարդկանց մօտ։

երեւի նրանից ա որ մեր միջին շերտը՝ կիրթ են, եւ կիրթ լինելով արդէն գիտեն ինչ ա եղել անցեալում, եւ թեթեւ են տանում։

#զարգացում #հանրութիւն #պատմութիւն #ամն #բարքեր #կարգին #մարդիկ

բնօրինակ սփիւռքում(եւ մեկնաբանութիւննե՞ր)

հա, բայց ի՞նչ անես էն սարքերի հետ, որ այֆօնի պէս են՝ ունեն մի կոճակ։ այֆօնն ինձ համար ամենաչկիրառելի սարքն ա։

այլ հարց կայ՝ ի՞նչ գրել ձեռնարկի մէջ, եւ ո՞րն ա համարւում ինտուիտիւ։ արդե՞օք այֆօնը ինտուիտիւ ա 19֊րդ դարի մարդու համար։

էսօր էլ՝ տեքնոլոգիաներ կան որ ինտուիտիւ են որոշակի բեքգրաունդ ունեցող մարդկանց համար։ ու դա մասնագիտական հմտութիւն չի։

ես հասկանում եմ, որ արտադրողին պէտք ա հնարաւորինս մեծ սպառման շուկայ, բայց եւ ինձ թւում ա՝ բոլորին լաւ կը լինի, եթէ հանրութիւնը լինի աւելի զարգացած, եւ ոչ ձեռնարկ կարդալը խնդիր լինէր, ոչ էլ աւելի կիրառելի սարքերը թուային սարսափելի։ #տեքնոլոգիաներ #մարդիկ


Avatar @{ fstoppers (unofficial) ; fstoppers@spyurk.am} 30.08.2020, 20:31:23

Stop Telling People to Read the Manual

image

#opinion posted by pod_feeder_v2


բնօրինակ սփիւռքում(եւ մեկնաբանութիւննե՞ր)

ես սիրում եմ «բնորոշ» բառը։

— ծեր աւտոկրատներին բնորոշ ա… — լրիւ պուտինեան ռուսաստանի չինովնիկին բնորոշ վարքագիծ… — ութսունականների պոպ մշակոյթին բնորոշ…

ու ես կարդում եմ թղթեր, յօդուածներ, ուր դիտարկում են մարդկանց, հանրութիւնները, եւ պատմում, որ էս ժամանակաշրջանի եւ տեղանքի մարդկանց բնորոշ էին սէնց ու սէնց բաներ։

հիմա, արդե՞օք դա նշանակում ա որ բոլոր այդ մարդկանց։ կամ բոլոր դիկտատորներին։ կամ չկան այլ չինովնիկներ։ իհարկէ՛ կան։

երեւոյթի լինելը չի նշանակում բացառութիւնների բացակայութիւն։

ու ես այդպէս էլ չեմ հասկանում ինչո՞ւ մարդիկ, ում ես պատմում եմ, որ իրենց խնդիրները բնորոշ են՝ բնորոշ են հայաստանի էսինչ ժամանակների պատաու խնդիրներին, կամ էսինչի վարքագիծը բնորոշ ա հայաստանի էսինչ դասակարգի աղջկայ, էս ձեւով ճաշ եփելը բնորոշ ա էսինչ ժամանակին, եւ այլն՝ չեն սիրում, նեարդայնանում են, երբ իրենց վերաբերողը բացատրում են հանրային տենդենցներով եւ յատկութիւններով, եւ ոչ որպէս հէնց իրե՛նց, հարազա՛տ եւ ուրո՛յն, իւրահատուկ խնդիրներ կամ պատմութիւններ։

դրանից շատերի՝ զրոյց շարունակելու ունակութիւնը կտրուկ նուազում ա, եւ իրենք զգում են իրենց չհասկացուած եւ ֆրուստրացուած։

#հանրութիւն #մարդիկ #ժամանակ #տարածութիւն #բնորոշ #յատկութիւն #տենդենց #ոգի #ժամանակաշրջան #ճաշակ #քաղաքականութիւն

բնօրինակ սփիւռքում(եւ մեկնաբանութիւննե՞ր)

ես նոյնիսկ էն ժամանակ, երբ մկան տան նկարները հրապարակեցին՝ չէի ջոկել։ նոր եմ ջոկում։

էս մարդիկ ունեն «ինքնութեան ճգնաժամ»։ ըստ որում զարմանալի չի, զի շատ տարածուած ա։ մենք բոլորս գիտենք մարդկանց, որ նոյնականացնում են իրենց աշխատանքի վայրի հետ։ ու չգիտեն, ինչ անել իրենց կեանքի հետ, եթէ չլինեն էն ինչ կան, ու լինելու համար վատ թէ լաւ, մի ձեւ չանեն էն գործը, որը ըստ պաշտօնի պիտի անեն։

ու բոլոր դիկտատորների խնդիրը դա ա։ իրենց աջակցող պատգամաւորներինը։ իրենք չգիտեն, ի՞նչ անել իրենց կեանքի հետ։

իրենք բագրատեան չեն, որ գնան աշխատեն մի այլ տեղում։ լտպ չեն, որ գնան գիրք գրեն։

էդ խնդիր ա, երբ չգիտի ինչ անել իր կեանքի հետ՝ երկրի ղեկավարը։

իսկ դրսում մտածում են այլ խնդրի մասին, այնտեղ որ գուցէ անցնեն հիմնական եկամտի։ որովհետեւ ապա հարցն էն ա, ոնց անել, որ էն մարդիկ, ում համար աշխատանք չի էլ լինի, պարզապէս չգժուեն իրենց հիմնական եկամտով ապրելիս։ վարկածներ կան, որ էն «շատ քնել ա պէտք», եւ նման հետազօտութիւնները առաւել եւս ակտուալ են էդ հեռանկարում։

ու տէնց։

#քաղաքականութիւն #մարդիկ #ինքնութիւն #աշխատանք #պաշտօն #զբաղմունք #ազատութիւն

բնօրինակ սփիւռքում(եւ մեկնաբանութիւննե՞ր)

Լատինինան ասումա , որ ունի սիրած գիրք, ու դա «Գետախորշեր»֊ն ա, Շի Նայանի հեղինակած XIV֊րդ դարի չինական վէպ ա։ Ասում ա, որ վէպը իհարկէ նման չի եւրոպական գործերի։ Իր մէջ կայ եօթանասուն գլխաւոր հերոս։ Դա գիրք ա հանրութեան մասին, որում գործում են մարդկանց յարաբերակցութիւնների երկու համակարգ․ մէկը հիմնուած օրէնքի, միւսը՝ անձնական յարաբերութիւնների վրայ։ Ու այդ գրքում ցոյց ա տրւում ինչպէս երբ նման հանրութիւնում օրէնքները սկսում են խախտուել ամենավերեւում՝ բոլոր ամենալաւ մարդիկ, իրենց անձնական յարաբերութիւնների պատճառով, աստիճանաբար դառնում են աւազակներ։

#կոռուպցիա #լատինինա #հանրութիւն #գիրք #վէպ #մարդիկ #շի_նայան #գետախորշեր #քաղաքականութիւն #համակարգ

բնօրինակ սփիւռքում(եւ մեկնաբանութիւննե՞ր)

մի քանի տեղից լսել եմ, որ սրա ու նրա ծանօթները որ եկել են սփիւռք կամ թութ, ու չեն մնացել՝ պատճառաբանել են՝ ձեզ մօտ շատ տեքնիկական ա, բան չենք ջոկում, հետաքրքիր չի։

ուզում եմ ասել՝ տեքնիկականը կապ չունի։

մարդիկ միշտ չի որ նկատի ունեն ինչ ասում են, կամ գիտակցում են, որ այլ բան են ասում, քան իրականում ա։ ինձ թւում ա՝ իրենց դուր չի գալիս։ գուցէ չեն էլ գիտակցում ինչը դուր չի գալիս։ երբ իրենց հարցնում են՝ իրենք փնտրում են պատասխան։ առաջին եկած պատասխաններից ա լինում՝ տեքնիկական ա շատ։

ինձ թւում ա էդ պատճառաբանութիւնը կարեւոր չի, ու դէ բոլոր պատճառաբանութիւնները։

կայ պատճառ, որը հետաքրքիր ա իմանալ, բայց երեւի հարցերով ու պատասխաններով չենք իմանայ։

բայց մարդիկ զգում են, որ իրենց լաւ ա կամ վատ ա, ձգում ա, կամ չի ձգում։ ու կարեւոր չի ինչ են ասում։ ինչ֊որ այլ բան ա կարեւոր։ #մարդիկ

բնօրինակ սփիւռքում(եւ մեկնաբանութիւննե՞ր)