վերջին շրջանում մեքենաս տուել էի «ֆիքսերի»՝ մի տղայի, որ լրագրողներ էր տանում տարբեր տեղեր՝ արցախում, հայաստանում։

վերջերս էլ պատմեց, ինչպէս շուռնուխ գիւղ էր հասել մի լրագրողի հետ։ լրագրողն ունէր երկար մազեր՝ պոչիկ, ու ականջօղ։ գիւղացիները կասկածանքով վերաբերուեցին լրագրողի արտաքինին, ու ճշտեցին վարորդից՝ արդե՞օք նա գէյ չի։

վարորդը համոզեց որ չէ՝ գէյ չի։

յետոյ հասկացաւ որ լրագրողին բարդ կը լինի շփուել մարդկանց հետ էդ տեսքով, հանեց իր գլխարկը՝ ու շատ խնդրեց, որ լրագրողն այդ գլխարկով շրջի։

տեսայ այդ գլխարկը՝ սրտիկներով էր, ու վրան գրուած էր՝ «LOVE SOCHI» թէ նման մի բան։

ու այդ սրտիկներով գլխարկն արդէն գիւղացիների համար լրիւ օկ էր, աւելորդ հարցեր չէր առաջացնում։

ու տէնց։

#սիւնիք #շուռնուխ #մշակոյթ #հանդուրժողականութիւն #պատերազմ #պատմութիւն

բնօրինակ սփիւռքում(եւ մեկնաբանութիւննե՞ր)

պաւել ֆելգենգաուերին ռուսերէն էի հետեւում, լաւ ա որ ազատութիւնն իրան գտաւ, հարցազրոյց վերցրեց՝

եթէ մինչև սեպտեմբերի 27-ը պատերազմն էր անխուսափելի, այժմ խաղաղութիւնն է անխուսափելի, ասում է ռազմական փորձագէտը

հայաստանի եւ տարածաշրջանի մասին են խօսում, պատերազմի։ ինձ համար նոր բան չկայ, զի ես իրան այլ տեղերում հետեւում էի, բայց առաջարկում եմ կարդալ՝ շատ ողջամիտ մարդ ա ու լաւ մասնագէտի տպաւորութիւն ունեմ։

մէջբերում եմ, սակայն, լրիւ այլ հատուածներ, որ մեզ ուղղակիօրէն չեն վերաբերում՝

Դէ, մենք ինքներս շատ բան գնում ենք դրսից: Քանի որ մինչ Ղրիմը դա հիմնական աղբիւրն էր։ Ղրիմից առաջ միայն Ամերիկայում տարեկան 1,5 միլիարդ դոլարի հասնող գնումներ էինք արել։ Դա հենց այն է, ինչ կոչւում է երկակի օգտագործման ապրանքներ։ Այսինքն՝ էլեկտրոնային շղթաներ, յատուկ պողպատներ, յատուկ պլաստմասսա։ Երբ նրանք սկսեցին փակել այս հնարաւորութիւնը, շատ մեծ խնդիրներ առաջացան։ Շատ լուրջ նախագծեր հետաձգուեցին անորոշ ժամկէտով, քանի որ մենք չունենք մեր սեփական բաղադրիչները։

Ռուսաստանը դեռ խնդիրներ ունի անօդաչուներ պատրաստելու հետ, բայց Չինաստանը դա անում է։ Ռուսական անօդաչու թռչող սարքերը, որոնք առայժմ կարող են իրականում գործել, Իսրայէլից գնուածներն են՝ Searcher-2-ները, որոնք արտադրւում են Ռուսաստանում արտօնագրով և կոչւում են «Ֆորպոստ»։ Եւ սա մինչ այժմ մեր հիմնական անօդաչու սարքն է: Այն հարուածային չէ, բայց քիչ թե շատ տեղեկութիւններ է հաւաքում, և նրա շնորհիւ մենք լաւ ջարդեցինք ուկրաինացիներին, պարտութեան մատնեցինք Ուկրաինայի զինուած ուժերին՝ Իլովայսկի կաթսայում։ Դրանք բոլորն անօդաչու թռչող սարքեր էին, որոնք կապուած էին հրետանու և բազմակի արձակման հրթիռային համակարգերի հետ։ Եւ կրկին՝ մենք գիտէինք, թէ որտեղ են գտնւում ուկրաինացիները և ինչ են նրանք անում, բայց նրանք չգիտէին, որ մենք հատել ենք սահմանը և մտել Դոնբաս։ Նրանք պարզապէս դա չգիտէին, չգիտէին որտեղ, ինչ։ Նոյն իրավիճակը, ինչ ունեցան հայերը։ Այն ժամանակ մենք ինչ-որ բան գնեցինք Իսրայէլից։

#պաւել_ֆելգենգաուեր #աթս #պատերազմ #ռուսաստան #ուկրաինա #անօդաչու #ղրիմ #հարցազրոյց

բնօրինակ սփիւռքում(եւ մեկնաբանութիւննե՞ր)

ընկերներիցս մէկը դրսում էր սովորում, իր մօտ էնտեղ յարաբերութիւն ստացուեց ռդ֊ից աղջկայ հետ, միասին էին ապրում, ու տէնց։ երբ նա պիտի վերադառնար հայաստան, վիզան սպառուել էր, մնալու ձեւ չունէր, աղջկան առաջարկեց գալ իր հետ։ աղջիկը դէ հազիւ պրծել էր սովէտի վիճակներից, ու յոյսեր ունէր մնալ եւրոպայում, գուցէ տեղափոխուել աւելի հարուստ երկիր, ոչ թէ գնալ նոյն, իր համար, հետխորհրդային տեղերից մէկը։

ու այդ տղան չնայած շատ տխուր էր այդ պատմութիւնից, բայց եւ ինձ ասում էր՝ հասկանում եմ, էշ երկիր ա, մեզ համար նշանակութիւն ունի, նա ո՞ւր գար։

պատերազմի առաջին թէ երկրորդ օրը գնաց կամաւոր։ մի քանի օր առաջ վերադարձել ա, ողջ առողջ ա, ինչի պատճառով շատ ուրախ եմ։ ցուցակները թարմացնելիս իր անունն էլ էի փնտրում, էլ չեմ փնտրի։

բայց ասածս այն ա, որ ինձ թւում ա շատ բնութագրող որ «էշ երկիր» ասողն ա առաջին օրը գնում այն պաշտպանելու, ոչ թէ նա ով «մենք ամենավերջն ենք» վիճակներով ա։

ու որ «հայրենասիրութիւնը» աճում ա ռազմաճակատից հեռանալու չափով։

#պատերազմ #խաղաղութիւն #սէր #յարաբերութիւն #յարաբերութիւններ #քաղաքականութիւն #հայրենասիրութիւն #ռազմաճակատ #սովետ #հայաստան #պատմութիւն #անկապ

բնօրինակ սփիւռքում(եւ մեկնաբանութիւննե՞ր)

#արցախ #հայաստան #պատերազմ #2020 #հրադադար #երթուղային #առաւօտ


Avatar @{ Nikea Rurounin ; nikea@spyurk.am} 26.10.2020, 12:33:27

առավոտ շուտ գյուղից եմ գալիս ու բոլորը պատերազմից են խոսում։ դե հրադադար ա, էս անգամ Ամերիկան ա ասում։ տո չէ, դա ոնց կարա դուխ անի Ամերիկայի գլխից թռնի։ Չէ, պահելու են էս։ միջին տարիքի մի տղամարդ քմծիծաղ էր տալիս։ Չե՞ս հավատում, հարցնում էր կողքի նստածը, այ կտեսնես։

9-ի կողմերը ինչ-որ բան կարդաց ու հիստերիկ ծիծաղ բռնեց։ ասում էր՝ էս էլ խախտեցին, ժողովուրդ, բա հո չէին պահելու։ Հետո ընթացքում խոսքի մեջ ասեց, որ իր տղան էլ ա առաջնագծում։ Ախպերն էլ 2 օր առաջ գնաց։ Բա դու ինչի՞ չես գնում։ Դե չեն տանում, այ ախպեր։ Առողջ տղամարդ ես, քեզ ինչ ա էղել, ինչի՞ չեն տանում։ Դե հիմա չեն տանում։

Հետո ամբողջ ընթացքում համարյա բոլորը լուռ էին։ Տեղ հասանք, նստարանի կողքից վերցրեց ձեռնափայտը որ մինչև էդ ոչ ոք չէր նկատել ու կաղալով, դժվարությամբ իջավ ավտոբուսից։ Չեն տանում։


բնօրինակ սփիւռքում(եւ մեկնաբանութիւննե՞ր)

ոչ մի հատ ռազմական վիդեօ չեմ դիտել։

չեմ կարողանում։ հայկին էլ՝ repatriarch, որ սովորաբար նայում էի՝ էլ չեմ բացում։ եթէ թաթուլին եմ տեսնում սիւիլնեթի նիւթերից մէկում՝ դա եմ բացում։

երբեմն անհանգստութիւնից դրդուած թարմացնում եմ լուրերը, բայց դրանցից մէկ ա բան պարզ չի։ երեւի թարմացնում էի որ տեսնեմ արդեօք վերջը նշմարւում ա։

էս երկու օրը չեմ էլ թարմացնում՝ ոչ մի լաւ բան չեմ հասկանայ դրանցից։

նախարարութեան կոչին արձագանքել եմ։ բայց ինձ թւում ա իրենց իմ մարգինալ հմտութիւնները պէտք չեն, իսկ ես չեմ կարող ուրիշ բաներ անել։

ու տէնց։

#մամուլ #պատերազմ #անկապ

բնօրինակ սփիւռքում(եւ մեկնաբանութիւննե՞ր)

վաչագանը պատմում էր որ շատ վաղուց եղել ա շուշում կազմակերպած միջոցառմանը, ուր կային տեղացի երեխաներ, ու ինչ֊որ զինուորական էր խօսում եւ իրենց բացատրում էր որ իրենք միշտ ապրելու են պատերազմի պայմաններում։

ինձ թւում ա էդ լաւ օրինակ ա ցոյց տալու, ինչքան անհեթեթ ա միշտ պատերազմի պայմաններում ապրելու պատրաստ լինելը։ ու անհեթեթ ա մարդուն պատրաստել դրան։


իմ չորս ռուսախօս գործընկերներից երեքը ղրիմի անեքսիայի ժամանակ ասում էին՝ նահանջելու տեղ չկայ, հետեւում մոսկուան է։ ըստ որում պարզ չէր ով էր իրենց վրայ յարձակուել (ենթադրւում էր որ ամն֊ը) ու ոնց որ թէ նահանջել էլ պէտք չէր որովհետեւ իրենք էին ղրիմը գրաւել, ոչ թէ մէկը յարձակուել էր իրենց վրայ։

բայց նահանջելու տեղ չունէին ու պիտի ղրիմը գրաւէին։ այլապէս հետեւում մոսկուան էր արդէն։

այստեղի մեկնաբանութիւններիցս։

#պատերազմ #խաղաղութիւն #ղրիմ #նահանջ #անեքսիա #ընկալում #քաղաքականութիւն

բնօրինակ սփիւռքում(եւ մեկնաբանութիւննե՞ր)

ասք ոսկէ ձկնիկի մասին։

ստալինը մտածում էր, որ վրաստանին լաւ բան ա անում, աբխազիան միացնելով, բայց իրականում շատ վատ բան արեց։

աբխազիան էդ պահին առանձին սսհ էր, ու աւելի փոքր։ ներառելով իրան վրաստանի կազմում, իրան միացրին մի երկու վրացաբնակ շրջան, որ վրացիների քանակը շատացնեն։

իսկ աւարտուեց նրանով, որ էդ վրացիներին էլ հանեցին, ու աւելի մեծ կտոր կտրուեց վրաստանից։

այսպէս եւ ադրբեջանցիները կը շահէին եթէ չորս հազար քառակուսի կմ լղիմ֊ը զիջէին հայաստանին։ այն էլ ադրբեջանաբնակ շուշին հանելով։ կը ստացուէր հայաստանից կտրուած փոքր պատանդ անկլաւ։

եւ ի՞նչ էին անելու էդ անկլաւում, ո՞նց էին խանգարելու իրենց։

փոխարէնը կոնֆլիկտի արդիւնքում ադրբեջանցիներ հանուեցին կապանի գիւղերից, մեղրուց, ամասիայից, սեւանի ափերից։ իսկ իրենք արդէն այսօր էստեղ բաւական մեծ տոկոս էին կազմելու բնակչութեան, եւ իրենք չորսի փոխարէն տաս քառակուսի կմ են կորցրել։

ելցինի քաղաքականութիւնն էր թւում մինչեւ չեչնեայի պատերազմը շատ ողջամիտ՝ բոլորին բաժանում էր այնքան ինքնիշխանութիւն, ինչքան ուզեն ու կը մարսեն։ փորձեց դաշնային պայմանագիր կնքել։ ի՞նչ էին անելու ասենք նոյն թաթարներն իրենց ինքնիշխանութեամբ, ո՞նց էին վնասելու ռուսաստանի ամբողջականութեանը։

#քաղաքականութիւն #պատերազմ #խաղաղութիւն #ստալին #ելցին #պատմութիւն #աբխազիա #վրաստան #լղիմ #արցախ #ազատութիւն #անկախութիւն

բնօրինակ սփիւռքում(եւ մեկնաբանութիւննե՞ր)