կարդում էի fpc-3.0֊ին վերաբերող մեկնաբանութիւնները, պարզւում է այլեւս գրեթէ չեն գրում՝ «ո՞ւմ է սա պէտք, երբ կայ…», կամ «թաղէք», կամ «դեռ կենդանի՞ է»։ ընդամէնը տասնհինգ տարի պահանջուեց, որ հասկանան՝ նորմալ նախագիծ է, զարգանում է, շարունակելու է զարգանալ, համայնք կայ, հետաքրքիր բաներ անում են, լաւ է որ կայ, չի պատրաստւում մեռնել։ կենդանի է եւ վազում է։ ։Պ
#համայնք #պասկալ #ազատ_ծա #մեկնաբանութիւն #նախագիծ
Այս ինչ հետաքրքիր նախագիծ է։ Երեխաների համար հանրագիտարան է։ Հայերէն չկայ աւաղ։
#վիքի #հանրագիտարան #նախագիծ
իսկ թիֆլիսն այնպէս է նախագծուած, որ մեքենայով գնում ես, գնում ես, չես կանգնում։ դրան աջակցում են միակողմանի փողոցները։
նաեւ այդպէս աւելի քիչ հաւանական է, որ ասենք լուսակիրին կանգնես՝ խփեն։
առհասարակ, քանի որ արագ են քշում — զգօն են, ու վթարներն այնտեղ անհամեմատ աւելի քիչ են։
#դիզայն #նախագիծ #քաղաք #թիֆլիս #թբիլիսի #զգօն
վօկի պէս նախագծեր հայաստանում ցուցադրելը ոնց որ երբ արուեստի դպրոցի ուսանողը բերում է տուն իր կտաւը, ցոյց է տալիս։ իսկ տնեցիները նայում են այդ նկարին, նայում, ու ոչ այնքան հասկանում են ինչով է իրենց զաւակը զբաղուած եւ ինչու։ ասենք հարեւան Գուգոն, ով վերնիսաժում է վաճառում, հասկանալի գործ է անում։ իսկ սա ի՞նչ է, որ բերել է ցոյց է տալիս։
երբ այսօր հարցրին բարքեմփի պոտենցիալ շուեյցարական հիւրի մասին ու ես կարճ բացատրեցի ինչի մասին է նա, Հարութն ասաց՝ «աութ օֆ թիզ փլանեթ»։
եւ իսկապէս։
այսօր էլ մէկն ուղարկել էր քոմփիւթեր սայնս ֆիքշն վեց գործերի մասին գրառումը։ այսինքն, ֆանտաստիկա է այս ամէնը։ ինչպէս այլմոլորակայինները եւ ուրուականները։ ու վիշապները։
#օբերոն #վօկ #նախագիծ #տուն #արուեստ #հայաստան #մոլորակից_դուրս #ֆանտաստիկա #բարքեմփ #վիշապ #իսկապէս
այսպիսի սպանիչ կայք կայ հրէաների կեանքի մասին եւրոպայում։ ասենք այսպիսի պատմութիւններով։
ու գիտէ՞ք ինչ են անում իրենք այդ լուսանկարներում։ իրենք աշխատում են, իրենք ժպտում են, սովորում են եւ հանգստանում։
#հրէաներ #եւրոպա #նախագիծ #պատմութիւն
կայ մարդ որպէս նպատակ եւ մարդ որպէս միջոց։ ու կայ նախագիծ որպէս նպատակ եւ նախագիծ որպէս միջոց։
այսինքն նախագիծ անելու մոտիւը կարող է լինել որ նա կայանայ ասենք, ինչ֊որ բանի հետ կապ ունենայ, վեհ լինի, ճանաչուած լինի, ինչեւէ։ անկապ մոտիւ է, ըստ իս։ չգիտեմ, արդե՞օք լաւ կանի։
ամենակարեւորը՝ ես չեմ կարողանում, չեմ ուզում աջակցել նախագծի երբ հասկանում եմ, զգում եմ, որ այն միջոց է, ոչ թէ նպատակ։ ապա ես ոչ թէ նախագծին եմ աջակցում, այլ այդ մարդու այլ նպատակին, որի միջոցն է միայն նախագիծը։
(այսպէս, եթէ ես զգում եմ, որ ինձ մանիպուլացնում են որ ես ինչ֊որ բան անեմ, իսկ ես առանց այդ էլ էի ուզում դա անել, ես դա չեմ անում։ որ մանիպուլացնողը մանիպուլյացիայի համար դրական հաստատում չստանայ։)
(այլ հարց է, որ մարդիկ կան առհասարակ ոչ մի բան չեն անում։ ոչ մի։)
#շարժառիթ #մոտիւ #գործ #մարդ #նախագիծ #միջոց #նպատակ
ուրեմն, ձախական գաղափարների հանդէպ իմ թերհաւատը պայմանաւորուած է մրցակցութեան բացակայութեամբ ու պլանային տնտեսութեամբ։ ես համոզուած եմ, որ մրցակցութիւնը շատ լաւ է, ու տեսնում եմ, ինչ լաւ է որ ամդ֊ն մրցում է ինթելի հետ, եւ ազատ սիլանգը՝ ազատ ջիսիսի֊ի հետ։ կրակոտ աղուէսը քրոմիումի հետ։
ու իրարից գաղափարներ են վերցնում, ինչպէս իրենք են ասում՝ «ցրում», ու ստեղ արդեն ես չեմ կարծում, որ ցրել է, ես կարծում եմ, որ էվոլիւցիա է, ու ընդհանուր առմամբ ասենք զննիչների կամ կոմպիլյատորների պորուլյացիան զարգանում է, ուժեղանում։
իսկ հայերը, իչնպէս ասում են, չգիտակցուած ձախոտ են, ու գուցէ այդ պատճառով է որ երբ ուզում ես ինչ֊որ բան անել, ասում են՝ այսինչը արդեն անում է, կամ ասում են՝ իրեն հարցրու/տեղեակ պահիր, կամ ասում են՝ առաջարկիր դուք միասին զբաղուէք։ ինչի՞ միասին։ մարդիկ տարբեր ձեւ են մտածում, ու նոյնիսկ այդ զոյգերով աշխատելու՝ ծրագրաւորելու միտքը ինձ անյաջող է թւում։ Շատ հազւադէպ են կազմաւորւում լաւ աշխատանքային կոլեկտիւներ, ու եթէ լինում են, ապա ինքնաբերաբար, ոչ թէ այդպէս։
ասելով՝ այնինչը անում է՝ դու չանես, կամ արա իր հետ, դու էվոլիւցիան ընդհատում ես։ ասում ես՝ մի ծնուիր, նոր թռչուն, արդեն կայ թռչուն։ մի ծնուիր նոր զննիչ՝ արդեն կայ զննիչ։ ու կարծում եմ, շատ լաւ կը լինի, եթէ ոչ մէկ այդպիսի առաջարկներ չլսի, ու իր ուզած գործն անի, անկախ ուրիշներից։
ու տենց
