բարի առաւօտ։
#էկրանահան #քաղաք #առաւօտ #տրամ #տրամուայ #մաեմօ #գիշեր #անկապ
տեսէ՛ք ուր ա արեւը։ (:
#մաեմօ #էկրանահան #քաղաք #արեւ
փայնֆոնի վրայ postmarketos֊ում խցիկը սարքեցին՝ հիմա նկարելու կոճակը սեղմելիս չի մեռնում megapixels֊ը։ բայց սեւ֊սպիտակ նկարներ ա տալիս։ ստուգեցի՝ նաեւ հում dng ընդլայնումով նիշքերը։
հետաքրքիր ա, որ maemo֊ում նկար անել լինում ա՝ ու լինում ա libcamera֊ի միջոցով։
պէտք ա տեղակայել harbour-pinhole ծրագիրը։ ham֊ը էս պահին ցոյց չի տալիս էդ յաւելուածը, պէտք ա apt֊ով տեղակայել։
դա ոնց որ sailfish֊ի piggz֊ի խցիկի յաւելուածը լինի, նոյն պատկերակով ու ինտերֆէյսով։
երեւի դրա պորտն ա՞։
ինչեւէ, նորմալ գունաւոր նկարներ ստացուեցին։ ճիշտ ա, էս յաւելուածը հում նիշք չի թողնում, աւաղ։
libcamera֊ի կայքում բաց նախագծերի մէջ կայ omap3 չիպսէթների խցիկների աջակցութիւնը՝ n900, n9, n950, droid 2, երեւի դրանց վրայ աշխատանք գնում ա։
աւաղ droid4֊ի կամ droid3֊ի մասին, որ omap4֊ի հիման վրայ են հաւաքած, խօսք չկայ։
ինչեւէ։
#մաեմօ #լինուքս #դիւրակիր #անկապ #խցիկ #ֆոտօ
չեմ յիշում ինչ վիճակում էի 54 տարի առաջ։
#էկրանահան #մաեմօ #փայնֆոն #տեք
երէկ մի այլ ընկերոջս տեղակայեցինք մաեմօ լեսթէ (փաստացի դեբեան, նոկիայի նախագծուած հիլդոն դէսքթոփով)։
իր դրոիդ չորսը եկել էր կոտրուած էկրանով։ սիրտս ցաւում էր, որ իրան էդպիսի սարք հասաւ։ բայց նա գտաւ համացանցում էդ մեքենայի համար դիջիթայզեր։ ես հա, հեռախօսին էլ եմ մեքենայ ասում, զի ինչպէս եւ կարգիչը՝ մեքենայ ա։ կարգիչ չլինելը՝ ծրագրակազմի սահմանափակում ա։
ես էլ մեկնաբանեցի, որ իմ կարծիքով լաւ բան կանի, իսկապէս, քանի արդէն էս կոտրուած էկրանով մեքենան ունի, ծանօթացնի իրան նաեւ լաւ էկրանի հետ՝ եւ էկրանը կօգտագործուի, եւ նա կունենայ լաւ էկրանով մեքենայ, եւ աշխարհում կը լինի մի չկոտրուած էկրանով սարք աւել։ ու թէկուզ նա յետոյ այն չօգտագործի՝ գուցէ մէկ ուրիշին տայ կամ վաճառի, բայց կիրառելի կը լինի։
կան, օրինակ, կոպիմիստներ, որ հաւատում են՝ պատճէնելու գործընթացը սուրբ ա։ հարարին ասում ա՝ էսօր շատերը դատայիստ են։
ես զգացի, որ ես հաւատում եմ որ վերանորոգումն ու վերօգտագործումը՝ սուրբ են։
նախ իհարկէ, ազատ ծրագրակազմն էլ ա այն, ինչ թոյլ ա տալիս, ոչ միշտ, բայց թոյլ ա տալիս ունենալ ամենաժամանակակից ծրագրեր թէկուզ եւ այդ հին սարքի վրայ։ թոյլ ա տալիս օգտագործել այն էսօր, չնայած իր բնիկ ծրագրակազմը վաղուց չի թարմացուել։ երբ կարդում ենք հեռախօսների մասին, գրում են՝ գալիս ա անդրոիդ էսինչով, կը ստանայ էսինչ թարմացումը։ ու վերջ։ ու էդ սարքը առնուազն դառնում ա անապահով նոյնիսկ, խոցելիութիւններով։
ազատ ծրագրակազմն էդ խնդիրը լուծում ա։ եթէ կարողանում ենք սարքը կոտրել, իսկապէս տիրանալ իրան ու ապա տիրութիւն անել, հոգ տանել՝ դրա համար յաճախ՝ փոխել ծրագրակազմը։ իհարկէ կատարեալ աշխարհում երբ ձեռք ենք բերում սարք՝ կը նշանակէր նաեւ ունենք իրաւունք դրա ծրագրակազմը փոխելու՝ բայց էսօր միշտ չի էդպէս։ ու թեէ էդպէս չի՝ կոտրելն էլ ա սրբութիւն։ զի կոտրում ես, որ կարողանաս հոգ տանել սարքի մասին, որ ինքն էլ հոգ տանի քո մասին։
ազատ ծրագրակազմը նաեւ ծրագրակազմ վերանորոգելու կամ վերօգտագործելու խնդիրն ա լուծում։ բաց ա՝ լինում ա նորոգել։ եւ բաց ա՝ լինում ա վերօգտագործել։ ինչպէս, ի դէպ, այո՝ նոկիայի միջավայրը էսօր կարողանում ենք օգտագործել ոչ միայն նոկիայի մեքենաների վրայ։
էսօր վերօգտագործումը յաճախ ասոցացւում ա ճարտարապետութեան հետ՝ եւ իսկապէս, մարդկութիւնն էդքան կառուցելու խնդիր չունի, ինչքան՝ վերօգտագործելու արդէն կառուցուածը։ դա հայաստանին չի վերաբերում, զի մեզ մօտ կառուցուածն էնքան անորակ ա, իսկ տարածաշրջանը վտանգաւոր, որ միայն կարեւոր, նշանակութիւն ունեցող շէնքերն են որ պէտք ա ամրացնել ու վերօգտագործել, իմաստ չկայ ամէն խրուսչեօվկան ամրացնել՝ աւելի ճիշտ ա փոխարէնը լաւ նախագծուած եւ իրականացուած նոր շէնքեր ու թաղամասեր սարքել։ բայց դա էլ ա վերօգտագործում՝ տարածքի, հոգ տանել ա, յոյս ունենալ ա։
արդէն ամէնը պարզ ա, բայց եւս մի օրինակ կարող եմ բերել՝ ֆոտօ խցիկներն ունենում են չիպեր, որ օրինակ հաշւում են պահաժամը, բացուածքը։ էդ չիպերը «general computing device» չեն՝ քասթըմ սարքած են որ կոնկրէտ մի հաշուարկ անեն։ ու երբեմն փչանում են։ շատ մարդ, ի դէպ, նախընտրում ա լրիւ մեքանիկական խցիկներ, զի էլեկտրոնիկայի խնդիրները շատ աւելի բարդ ա, երբեմն իրատեսական չի լուծել, իսկ մեքանիկական խնդիրները աւելի հեշտ՝ կարելի ա օրինակ պէտք եկած ատամնանիւից տպել, կամ պատուիրել որ կտրուի։ եւ հասկանալն ա հնարաւոր՝ եթէ մեքանիկայից հասկանում ես։ եթէ էլեկտրոնիկայից հասկանում ես՝ միշտ չի բաւական որ նորոգես՝ էդ չիպը որ փչացել ա՝ ոչ գիտես որ ոտիկին ինչ ա ստանում, ինչ ա տալիս, ոչ գիտես որտեղից էլ դրանից ճարես՝ էլ չի արտադրւում՝ գուցէ միայն այլ փչացած խցիկից։
եւ օրինակ պոլարոիդ sx-70֊ը կուլտային սարք ա, էն սարքերից ա, որ չես ուզում փչացած մնայ։ եւ մարդիկ հասկացել են, թէ չիպը ոնց ա հաշւում, ու ազատ նախագիծ են արել, արդէն «general computing» սարքով՝ «arduino» մեքենայով, ու կարողանում են էսօր փչացած չիպերի փոխարէն դրանք օգտագործել։ եւ կրկին՝ աշխարհում լինում ա մի պոլարոիդ sx-70 շատ, դու ունես իրանից, եւ ինքն էլ քեզ ծառայում ա, ուրախացնում ա, կոմֆորտ ա ստեղծում։
ամէն։
#վերօգտագործում #վերանորոգում #հաւատք #կրօն #պատմութիւն #ազատութիւն #ծրագրակազմ #տեք #մեքենայ #խցիկ #ֆոտօ #լինուքս #մաեմօ #տիրութիւն #հոգատարութիւն #կեանք
ես վերջապէս հասկացայ, իմ վերակենգանացուած live wallpaper֊ի այս պաստառն ինչ պիտի ցոյց տայ։ ահա, ցոյց ա տալիս որ մէյլ ունեմ՝
վերջին թարմացումը մի քանի բան ուղղեց, ու modest֊ը՝ լռելեայն մաեմօյի մէյլ կլիենտը, սկսեց ինքնուրոյն ստուգել մէյլերը՝ նախկիում պիտի անէր, բայց չէր անում։
ու ահա, ծանուցումները ստանում եմ, բայց նաեւ այդ պաստառի վրայ են երեւում։
ու արգելափակուած էկրանի վրայ էլ ա երեւում, որ մէյլ ունեմ։ արդէն մոռացել էի ոնց էր n900֊ի վրայ։
#մաեմօ #էկրանահան #ազատութիւն
ուզում եմ ասել, մաեմօ֊ի տակ ծրագրերը, որ տեղակայում էք, յաճախ մի քանի կիլոբայթ են։ բառացիօրէն։ երբեմն՝ 7 կիլոբայթ, երբեմն՝ 12 կիլոբայթ։ էս անգամ եղաւ 79՝ հիմնականում դրանից քիչ ա լինում։
#մաեմօ #էկրանահան #ազատութիւն
այսօր ուզում էի մէջբերել ու հասկացայ որ էստեղ չեմ վերբեռնել որեւէ բան mstardict֊ի մասին։
ահա՝
#մաեմօ #բառարան #յաւելուած
հետաքրքիր նախագիծ։
#արեւային_էներգիա #արեւ #էներգետիկա #բլոգ #ցոգ #էկրանահան #մաեմօ #փորձառութիւն
քրոմիումը դրոիդ4֊ի վրայ կարողանում ա եօթիւբի վիդեօն 144֊ով ցոյց տալ։
#էկրանահան #մաեմօ
արտեֆակտներ
#էկրանահան #արտեֆակտ #արտեֆակտներ #մաեմօ
hv3 դիտարկիչն եմ բացայայտել։ բայց մոբայլի վրայ յարմար չեղաւ։ հաւէս ռենդերեց մելնիկովայի համայնքի գրերը։
#դիտարկիչ #էկրանահան #կօնդ #մաեմօ #հվ3 #մելնիկովա #հայերէն
ե՞ս։
#էկրանահան #մաեմօ #դիտարկիչ
փայնֆոնի վրայ տեղակայեցի միջավայր, որ postmarketos֊ում կոչւում ա gnome-mobile, դրա փաթեթն ա՝ postmarketos-ui-gnome-mobile։ իրականում դա նոյն գնօմն ա, պարզապէս աւելացուող, գերժամանակակից կոդով, որը միջավայրը դարձնում ա փոքր էկրաններին կիրառելի։
ու գիտէք, ահագին հաւանում եմ այն։
իրենք գրում են, որ փայնֆոնի երկաթը թոյլ ա դրա համար։ գրում են՝ չգիտենք էլ ինչի վրայ փորձէք։ փայնֆոնի երկաթը թոյլ ա, բայց դրայւերների վիճակը քիչ թէ շատ լաւ ա։ փայնֆոն պրօ֊ի երկաթն ուժեղ ա, բայց դրայւերների վիճակը դեռ լաւ չի։ նոյնը «ուան փլաս»֊ի մասին են գրում։
ես զգում եմ, որ «ֆօշ»֊ից ծանր ա, բայց նէնց չի որ կիրառելի չի։ մի քիչ երկար ա սթարտ լինում։
ինչն ա հաւէս՝
— «մինիմայզ» արած պատուհանների մէջ երեւում են թարմացումները, դրանք էկրանահաններ չեն։ ես դրա վրայ «բզիկ» ունեմ, մարդիկ կան ում էդ մէկ ա, բայց ինձ մաեմօ֊ից յետոյ դա շատ պէտք ա։
— պատկերակները հեշտ ա տեղափոխել, վերադասաւորել։ կան նաեւ պատկերակների խմբեր, բայց ես դրանք չեմ օգտագործում։ ընդամէնը պատկերակներ քո ուզած ձեւով վերադասաւորելը, ինչպէս դա հնարաւոր ա սէյլֆիշի մենիւ֊ում, ինձ շատ պակասում էր «ֆօշ»֊ում եւ նոյնիսկ մաեմօ֊ում։
— շատ հաւէս անիմացիա ա, երբ ծրագիրը «մինիմայզ» անելու համար ներքեւից քաշում ես վերեւ, մենիւն ա դուրս գալիս, ծրագրի պատուհանն էլ փոքրանում ա, քիչ քիչ գնում բաց ծրագրերի ցանկում աւելանում։ հետ առաջ կարող ես տանել, վայելել անիմացիան։
ծրագրերը փակւում են անդրոիդի պէս, ներքեւից վերեւ ցանկի միջի քարտը տշելով՝ ձեւ, որ գալիս ա, երեւի, hp֊ի մոբայլ ինտերֆէյսից։ ինձ աւելի ա դուր գալիս մաեմօ֊ի ձեւը, երբ բոլոր պատուհանները տեսնում ես ոչ թէ մի շարքով, այլ՝ մի քանի։ ու աւելի արագ կարող ես ընտրել, որն ես ուզում, առանձ շատ ձախ֊աջ գնալու, ինչպէս «ֆօշ»֊ում ստիպուած ես անել։
ընդհանուր առմամբ, շատ կենդանի միջավայր ա երեւում, երբ պատկերակները կարողանում ես վերադասաւորել, ինչ֊որ բան որին կպնում ես՝ արձագանքող ա։
ինչն ա վատ՝
— գնօմի շարուածքներն աշխատում են, բայց միայն երկաթէ ստեղնաշարից դեռ։ լռելեայն փայնի եւ բացատի ստեղներով շարուածքը փոխւում ա, տեսնում ես էկրանին որն ես ընտրում, եւ կարողանում ես սկսել գրել։ բայց հպէկրանի ստեղնաշարի վրայ այդ ընտրածդ շարուածքը չի երեւում՝ իրենք դեռ չունեն, չեն կարողանում հպէկրանով ցոյց տալ դա։ այնտեղ ընդամէնը մի, qwerty ստեղնաշար կայ։ դեռ։ ասում են՝ կաւելացնեն այդ հնարաւորութիւնը։
փայնֆոնի երկաթէ ստեղնաշարի վերեւի շարքում թ֊ից աջ, ծ ու ց տառերը բացակայում են, պէտք ա սեղմել աջ ստեղները ներքեւի շարքում, դրանք այնտեղ են։ ընդհանուր առմամբ, եթէ երկաթէ ստեղնաշար օգտագործել՝ լինում ա։ հպէկրանով հայերէն գրել էս պահին չի լինի։
— «լանդսքէյփ» ռեժիմում աջ մասը էկրանի կամ չի ցուցադրւում, կամ շատ են թռթռոցներն էկրանի, յաւելուածների, մենիւ֊ի։ գրեթէ կիրառելի չի էդ վիճակում։ ինչը վատ ա այն առումով, որ երկաթէ ստեղնաշարով հէնց այդպէս ես ուզում աշխատել։ յաճախ պահում եմ հեռախօսը դիմանկարի ձեւով, բայց հաւաքում եմ երկաթէ ստեղնաշարի վրայ՝ մի ձեւ։
#ազատութիւն #միջավայր #գնօմ #ֆօշ #փայնֆոն #հեռախօս #խելախօս #սէյլֆիշ #մաեմօ
դինօն տաքացնում ա դրոիդ չորսը՝ շաատ շատ։
ու նոյնիսկ առանձնապէս բան բացաց չի՝ երկու֊երեք չաթ ա, ուր բան չի կատարւում։
իսկ փիջինով բացում եմ քսանից շատ պատուհան չաթերի, ամէն մէկի մէջ ակտիւութիւն կայ, ու փիջինը շատ թեթեւ ա նստում մոտորոլա դրոիդի վրայ։
չեմ իմանում ինչ են արել դինօյում, որ էդքան վատ ա։ յուսամ ինքը gtk3֊ը չի։ օրինակ, ինչ տան պանակս լոկալ չի կարգչում նկատում եմ, որ դինօն եթէ մի քիչ վատ կապ ա՝ չի հասցնում գրել֊կարդալ, ու տէնց կախած ա մնում։ ինքը շատ ա ուզում գրել֊կարդալ, գուցէ իր տուեալների բազայի դիզայնի պատճառով։ ու հետեւաբար, նաեւ emmc֊ն ա շատ մաշելու։
#դինօ #փիջին #մոտորոլա_դրոիդ4 #դրոիդ4 #դրոիդ #լինուքս #մաեմո #մաեմօ
մաեմօ֊ն անցնում ա յաջորդ դեբեանի/դեւուանի վարկածի՝ chimaera֊ի։
էս գիշեր պորտ արեցի իմ բոլոր փաթեթները chimaera֊ի՝
photolightmeter
9x9-sudoku
lagrange
maefat
msid
mstardict
leafpad
live-wallpaper
shermans-aquarium-maemo
ուրա՛, ընկերներ։
հիմա փորձեմ անել dist-upgrade, տեսնեմ ինչ կը լինի։
#մաեմօ #լինուքս #դեւուան #թարմացում
մենք շատ տպաւորուած էինք նոկիա ն900֊ի մաեմօ ֆրեմանթլ համակարգով՝ այն անասելու կիրառելի եւ սիրուն էր այն ժամանակուայ, եւ աւելի ուշ անդրոիդների համեմատ։
նաեւ այն ունէր շատ հարուստ խանութ, որը լրացւում էր բաւական մեծ համայնքի կողմից։
լաւ կողմերի մասին շատ էր ասուել, ամենակարեւրները երեւի՝ իրական, լրիւ «զինուած» լինուքս համակարգ, որն ունի ազատ աշխարհի ժառանգութիւնը, իրականում բազմախնդիր լինելն էր ու հասցէագրքի հետ ինտեգրուած հաղորդակցութիւնը։
իսկ հիմա ուզում եմ գրել՝ ինչի ա այսօրուայ մաեմօ լեսթէն այն ժամանակուայ ֆրեմանթլից լաւը։
նախ՝ դէ ազատ ա, ու համայնքի գործ ա։ ես ինքս իրան քանի անգամ աջակցել եմ։ չաթում կարելի ա քննարկել եւ ազդեցութիւն ունենալ։ ճիշտ ա դա նաեւ փոքր համայնքի մասին ա։
նախկին մաեմօն դեբեանի վրայ չէր հաւաքած, այլ նոկիայի դեբեանի ֆորքի վրայ։ ու դա շատ էական ա, զի դեբեանի ժառանգութիւնը, հնարաւորութիւնները, ամբողջութեամբ օգտագործել չէր լինում, ընդամէնը միացնելով դեբեանի շտեմարանները։
պէտք էր նոյն սորսը վերցնել ու հաւաքել մաեմօ֊ի փաթեթ, տեղաւորել այն մաեմօյի շտեմարաններում։
դրանից նաեւ բխում էր որ նոկիան շարժառիթ չունէր պահել համակարգը դեբեանի հետ համատեղելի։ ֆրեմանթլի դիզայնում լրիւ երեւում ա տտ կառավարիչների մտածողութիւնը՝ վերցնել «օփեն սորս» եւ այն օգտագործելով ստանալ «պրոդուկտ»։ ինչքանով ա այդ «պրոդուկտը» համատեղելի եղած համակարգերի հետ՝ իրենց չէր հետաքրքրում։
արդիւնքում ամենավատ ժառանգութիւններից, ինչ մենք ֆրեմանթլից ստացել ենք՝ ահաւոր ստեղնաշարն ա։ ոչ միայն այն գրում ա իր իսկ բացած պատուհանի մէջ, եւ ոչ թէ այնտեղ, ուր կուրսորն ա, այլ եւ այն ուղարկում ա ոչ թէ ստեղնաշարի «քիյկոդ» այլ իւնիկոդ կոդ էքսօրգին։
իսկ էքսօրգը չի հասկանում դա առհասարակ։ էդ պատճառով նոկիան տուել էր շատ տգեղ լուծում՝ ինչպէս նոր ասացի՝ իրենք շարժառիթ չունէին մնալու համատեղելի ափսթրիմ դեբեանի հետ, եւ փոխարէնը ֆորք են արել gtk֊ն եւ qt֊ն։ «կօգտագործենք օփեն սորս մեր պրոդուկտը սարքելու համար»։ եւ իրենց gtk֊ն այպէս ասած «hildonized» էր, այն ունէր փաթչեր, որոնց միջոցով միայն նոկիայի gtk֊ի ֆորքն էր, որի մէջ հնարաւոր էր գրել վիրտուալ, հպէկրանի ստեղնաշարով։
իհարկէ, դա gtk2֊ն էր։ ու էդ փաթչերը, գոնէ լաւ ա, ազատ էին, ու այդ պատճառով ա որ էսօր մենք կարողանում ենք այդ փաթչերը կիրառել եւ մաեմօ֊ի շտեմարաններում ունենալ մեր gtk2֊ի ֆորքը։ այդ պատճառով ա որ հպէկրանի ստեղնաշարով հայերէն լինում ա գրել pidgin֊ում, բայց ոչ dino֊ում, որն արդէն gtk4֊ով ա գրուած առհասարակ։
հիմա էս մարդիկ պլանաւորում են ինտեգրել հիլդոնացումը նոր gtk֊ներում եւ qt֊ներում։ էսօր լուծումը դա ա։
այլ ծրագրերի մէջ գրել չի լինի։
հիմա էլ աւելի բարդ՝ հին ծրագրերը որ աշխատեն, հինդոնացուածները, կայ ստեղնաշարի հիլդոն բեքենդ։ իսկ կայ եւ նոր բեքենդ՝ x11֊ի համար։ այն, ի դէպ աւելի քիչ բագոտ ա ու աւելի լաւ ա աշխատում։
ու էդ խնդիրը՝ որ x11 բեքենդով չի լինում ներմուծել հպէկրանի ստեղնաշարից ես մասաաաամբ լուծեցի գեներացնելով սի վերնագրային նիշք ու մարդիկ արեցին էս քոմիթը ու հիմա հնարաւոր ա գրել ամէն լեզուով ու ամէն ծրագրի մէջ, բայց՝ պէտք ա իքսն իմանայ որ լեզոոով ես գրում։ այսինքն, հայերէն գրելուց առաջ պէտք ա անել՝ setxkbmap am ու ապա նոր հպէկրանի ստեղնաշարը հայերէն կը գրի՝ բայց ամէն ծրագրի մէջ։
ստեղ էլի խնդիրներ կան։ զի հայերէն գրելիս եթէ պէտք ա գրես օրինակ թիւ, ապա չես կարող, պէտք ա անես ապա setxkbmap us, ու նոր գրես թիւ։ ու էդպէս հա փոխես մեփերը։ սա լաւացնելու կարիք ունի, օրինակ կարելի ա, ամենավատ դէպքում, մէփ կազմել, թէ որ մաեմօյի ստեղնաշարը համապատասխանաում ա որ xkb լեզուին ու էդպէս աննկատ փոխել։
հիլդոնայզդ ծրագրերի մէջ գրելը խնդիր չի՝ հանգիստ գրում ես։ դէ, մեզ սովորականի պէս յարմար չի, բայց լինում ա։
բայց իրականում ստեղնաշարը երեւի պէտք ա ինչ֊որ աւելի լաւ ձեւով փոխուի։ դա աւելի շատ աշխատանք ա, ու պէտք ա մտածել՝ ինչպէս։ ես էս պահին պատրաստ չեմ ֆորք անել, եւ էդքան շատ բան փոխել, բայց հնարաւոր ա, եթէ հին մաեմօյի հիլդոնայզդ ծրագրերի վարքագիծը չփչացնէք, ու մի խելացի լուծում տաք՝ ընդունեն։
սա գրեցի որ նկարագրեմ՝ ինչի ա լեսթէն աւելի լաւը։ երբ վատն ա՝ ունի էդ նոկիայի տտ կառավարիչների որոշումների ժառանգութիւնը։ երբ լաւն ա՝ նրանից ա որ չունի։ նրանից ա որ ունի օրինակ նոկիայի ինտերֆէյսի դիզայներների որոշումները։
երբ լաւն ա՝ նրանից ա որ այսօր էլ պէտք չի փաթեթաւորել mcabber֊ը մաեմօյի համար՝ էն ա դեբեանի ռեպօներից վերցնում ես։ առաջ եղած խանութների հարստութեան զգալի մասը՝ դեբեանից վերցուած ու նորից փաթեթաւորուած ծրագրերն էին։
երեւի էսքանը։ ու կարեւոր չի կարդաք։ բլոգն ու «սոց․ ցանցը» լաւ են հէնց նրանով, որ մարդը հանգիստ կարող ա գրել, արտայայտուել, իսկ թէ ով կը կարդայ՝ էական չի։ նա արտայայտուեց, էներգիա ծախսեց, որոշ չափով բաւարարուեց որ մէջը չի պահել, ասել ա։ ու էդ արդէն լաւ ա։
ու տէնց։
#մաեմօ #պատմութիւն #նոկիա #ն900 #ազատութիւն #նախագծում #ստեղնաշար
եթէ մաեմօ֊ն թարմացնելիս ունեցել էք խնդիր՝
dpkg-divert: error: 'diversion of /lib/udev/rules.d/85-input-devices.rules to /lib/udev/rules.d/85-input-devices.rules.leste-orig by leste-config-droid4' clashes with 'diversion of /lib/udev/rules.d/85_input-devices.rules to /lib/udev/rules.d/85-input-devices.rules.leste-orig by leste-config-mapphone'
ապա լուծումը՝
sudo dpkg-divert --remove --rename /lib/udev/rules.d/85-input-devices.rules
էս պահին ե՛ւ leste-config-droid4 եւ leste-config-mapphone փաթեթները պէտք ա լինեն համակարգում։
#մաեմօ #լինուքս #դեւուան #դրոիդ4 #էկրանահան
մաեմօ լսեթէն պատրաստւում ա openfest միջոցառմանը։
այլ նկարներ այստեղ
չգիտեմ, արդեօք շուտ չի այն տարածելը, զի էսօր, երեւի բարդ ա այն օգտագործել անփորձ մարդուն։
բայց ես վայելում եմ ամէն օր, droid4 սարքի վրայ։
իհարկէ, նաեւ այս հարցն ա՝ ոչ բոլորն ունեն էդ սարքերից, որոնց վրայ մէյնլայն լրիւ ազատ միջուկը լաւ աշատում ա։
մարդիկ ունեն հիմնականում անդրոիդ սարքեր, կամ հին անդրոիդ սարքեր (ու դրանք քուալքոմ չիպսետներով են), որոնց վրայ գուցէ կը փորձէին տեղակայել լինուքս։ ու եթէ այդպէս, դա կը լինի պոստմարկէտը։
բայց դէ լաւ, էդքան գործ են անում, երեւի պէտք ա ներկայանալ այնտեղ։ երեւի կը բացատրեն, որ դեռ շատ բան կայ անելու, ու գուցէ գրաւեն նոր նախագծողների։
#մաեմօ #քարոզչութիւն #ներկայացում #փառատօն
#էկրանահան #անոնռադիօ #մաեմօ #կոնսոլ
սա էլ տեսանիւթ՝
https://toobnix.org/w/5f3i2SmCNxCMTnMV3Rxkkg
#էկրանահան #մոտորոլա_դրոիդ4 #մաեմօ #արուեստ
այ սրա համար եմ սիրում մաեմօ֊ն՝ աւելի ճիշտ՝ hildon desktop֊ը։ որ ամէն պատուհան անմիջապէս հասանելի ա, ու ամէն պատուհան անմիջապէս կարելի ա ընտրել։
օրինակ, phosh֊ում այդպէս չի, հորիզոնական գծի վրայ պէտք ա սքրոլ անես, մինչեւ գտնես քո ուզած պատուհանը։ այն էլ՝ էկրանահան ա ցոյց տալիս, ոչ թէ իրական ընթացիկ պատկերն այդ պատուհանի՝ դախ, ինչպէս անդրոիդում։
ու տեսնում ես ոնց ա թարմանում ամէնը։
ու հաւէս ա որ մաեմօ֊ի նախագծողները գիտեն՝ պէտք ա այնպէս աշխատել, որ hildon desktop֊ը լինի պարզապէս եւս մի աշխատանքային միջավայր՝ փոքրիկ էկրանով սարքերի համար, ու լինի այն օգտագործել ոչ միայն մաեմօ֊ում, այլ եւ ցանկացած լինուքս դիստրիբուտիւում։
ու տէնց։
#մաեմո #մաեմօ #մաեմօ-լեսթէ #էկրանահան
թարումեանի «զրոյցներ համակարգչի մասին» գիրքն առաջին անգամ հրատարակուել ա 2003 թուին՝ թղթի վրայ։
2012֊ին թարումեանն այն հրապարակել ա որպէս էլ․ գիրք։
բացել էի մաեմօ֊ի ընթերցիչով, բայց այն արագ պայթում էր այս գրքի վրայ՝
տեսէ՛ք, էս դրոիդի էքսօրգի դրայւերի խնդիրն ա, որ տէնց սիրուն «արտեֆակտներ» ա տալիս։
յետոյ բացեցի evince֊ով՝
գրքի յղումը՝ @{https://xn–y9aai3au2bc2f.xn–y9a3aq/գրառում/author/antranigv/}֊ից։
շատ հաւէս ներածութիւն ա իրականում, ազատ գիրք ա, կարող էք խորհուրդ տալ ընկերներին։
#գիրք #թարումեան #հայերէն #տեքնիկա #պատմութիւն #մաեմո #մաեմօ #էկրանահան #ընթերցիչ
պատմել էի որ կենդանի պաստառների յաւելուածը վերակենդանացրի, աշխատեցրի նոր մաեմօյի տակ։
հետաքրքիր ա որ մոտորոլա դրոիդ4֊ի էկրանը, որ աւելի մեծ ա, քան նոկիա ն900֊ի էկրանը, ամբողջութեամբ չի ծածկում նկարը, ու երեւում ա, ինչպէս են ամպերը գալիս աջից, եւ ինչպէս ա տրամը դուրս գալիս նկարի սահմաններից։
երբեմն էլ արեւը կամ լուսինն ա նկարից դուրս, յետոյ կամաց կամաց գալիս ա նկարի մէջ։
#էկրանահան #պատմութիւն #գրաֆիկա #ծրագրակազմ #սքրինսէյւեր #ազատ_ծրագրակազմ #ազատ_ծա #վերօգտագործում #վերակենդանացում #քաղաք #տրամուայ #ամպ #ամպեր #շէնք #մաեմօ #մաեմո #մաեմո-լեսթէ #մաեմօ-լեսթէ #պաստառ #կենդանի_պաստառ #անկապ
շերմանի դոքափը յիշում էք, աշխատեցրել էի, հիմա էլ մաեմօ֊ի live-wallpaper փաթեթը աշխատեցրի, ու shermans-aquarium լայւ պաստառը շինեցի։
ահագին տառապեցի, պէտք եկաւ պորտ անել gstreamer-0.10֊ից որը աւելի քան տաս տարուայ ա, էսօրուայ gstreamer-1.14֊ի։
իսկ ես դրանից բան չէի հասկանում։
նաեւ ասեմ ձեզ, սի֊ն ահաւոր հին աղբ ա։ ու էդ պատճառով ա որ pkg-config, autoconf, ու նման բաներ ունի։ որ մի ձեւ լուծեն, էն էլ վատ են լուծում։
ինչեւէ։
ահա էկրանահաններ, որ ուզէք, մինչեւ յայտնուի պաշտօնական ռեպօներում՝
նախ պէտք ա կարգաւորումների ապլետը գտնել, աշխատեցնել։ չգիտեմ ինչի առանց պատկերակ ա, դա պէտք ա ֆիքսել՝
յետոյ դրա մէջ պէտք ա մեր ուզածն ընտրել, թէ չէ այլ շատ կենդանի պաստառներ կան՝
ու ահա՝
#էկրանահան #պատմութիւն #շերման #կոմիկս #արուեստ #գրաֆիկա #ծրագրակազմ #սքրինսէյւեր #ազատ_ծրագրակազմ #ազատ_ծա #վերօգտագործում #վերակենդանացում #ձուկ #ձկներ #կրիա #մաեմօ #մաեմո #մաեմո-լեսթէ #մաեմօ-լեսթէ #պաստառ #կենդանի_պաստառ #անկապ
մտածում էի tooter յաւելուածը սէյլֆիշի վերցնեմ, փոխեմ, սկսի աշխատել socialhome֊ի հետ։ յետոյ յիշեցի որ վատ եմ սովորել՝ էդ մաեմօ֊ի տակ ա որ ssh֊ւում ես հեռախօսի վրայ ու շինում ես, իսկ սէյլֆիշի համար sdk ա պէտք քաշել, տեղակայել, որը ինձ մօտ չի աշխատի եւ չի տեղակայուի զի wayland ա ուզում։
էհ։
#սէյլֆիշ #մաեմօ #յաւելուած #նախագծում
ահ ինչ յաճելի ա։
#մաեմօ #էկրանահան
մէկ էլ պատկերակը լինուքսի վարկածում փոխեցի, սինք արի անդրոիդի վարկածի հետ։
այն creative commons֊ի տակ էր ֆլիքր֊ում, թէ չէ նախկին պատկերակը անկապ գտած ֆոտո էր։
ու lux֊ն ա ցոյց տալիս հիմա, երկու վարկածում էլ։
ու հաւէս ա, որ «ֆրէյմուորք» լափթոփիս վրայ էլ ա նատիւ աշխատում։
զի լինուքսն իրա լուսաչափը տեսնում ա։ (:
էհ։
#լինուքս #ծրագիր #յաւելուած #ֆրէյքմուորք #լափթոփ #մաեմօ #մաեմո #մաեմօ-լեսթէ #էկրանահան #ֆոտօ #լուսանկարչութիւն
գրուեմ հէնց մաեմօյի ֆայրֆոքսից այն մասին, որ լագրանժ ջեմինի դիքարկիչն արդէն հասանելի ա մաեմօյի շտեմարաններում։
ցանկոմ երեւացող «մգուտենբերգ» եւ «սլիփ անալայզեր» յաւելուածները շինեցի, փոփոխեցի, բայց աւելի շատ միջամտութեան կարիք ունեն։
օինակ՝
ու դրանք շտեմարանում չկան։
իսկ լագրանժը հաւաքել եմ հեռախօսային ինտերֆէյսի հնարաւորութիւնը միացուած՝
սա գրում եմ ֆայրֆոքսից՝
դէ մինչ։
#ջեմինի #ջեմինայ #լագրանժ #մաեմօ
ուրեմն, ամաչելու սխալ եմ գտել իմ, փլէյ վերբեռնած, անդրոիդի վարկածի photolightmeter֊ի մէջ։
բայց դէ ո՞րտեղից իմանայի, դոկումենտացուած չի, ԱԶՆԻՒ ԽՕՍՔ։ (:
լինուքսում հեշտ ա՝ պարզապէս ֆայլից կարդում ես։ դէ էլի լաւ դոկումենտացուած չէր, բայց եղաւ ջոկել։ տառապեցի, փորձեցի, ջոկեցի։
իսկ անդրոիդում ահագին բարձր մակարդակի ափի ա, ու ո՞վ կը մտածէր, որ սենսորը կարող ա «ստոպ» արած վիճակում լինի, ու այն պէտք ա «ստարտ» անել։ չեմ էլ հասկանում ինչ ա դա նշանակում, զի արդե՞օք նոյնը չի՝ միջուկը լինուքսն ա, մի ֆայլից երբ կարդում ես՝ տուեալները ստանում ես։
բայց, ի դէպ, անդրոիդների տակ, էդ նոյն /sys/bus/iio/devices֊ի մէջ չեմ գտնում լոյսի սենսորի նիշք։
ու դէ, չգիտեմ որտեղից ա անդրոիդի ափի֊ն վերցնում որ տայ։
բայց ինչեւէ, ընդամէնը այս երկու տողն ամէնը փոխեցին։
ու ստուգեցի՝ անդրոիդի ու փայնֆոնի վրայ, լրի՛ւ նոյն ցուցմունքներն են հիմա տալիս երկու յաւելուածները՝ մէկը լինուքսի, մաեմօ֊ի, միւսը՝ անդրոիդի, շատ հաւէս ա։
վիդեօ կանեմ, կը հրապարակեմ։
ու տէնց։
#լուսաչափ #լուսանկարչութիւն #ֆոտօ #լինուքս #մաեմօ #անդրոիդ #յաւելուած #պասկալ #տեք
ահ, ինչ լաւ են ապտակել սէյլֆիշը մաեմօ֊լեսթէի յաճախ տրուող հարցերում։
#մաեմօ #մաեմօ-լեսթէ #էկրանահան #սէյլֆիշ #օպերացիոն-համակարգեր #անգլերէն #ազատութիւն
ինչն ա ապշեցնում մաեմօ լեսթէ կիրառելիս, դա այն ա, որ ինչպէս եւ հին մաեմօ հինգում, շատ յաւելուածներ զբաղեցնում են ահաւոր քիչ տեղ, երբեմն՝ տաս կիլոբայթից քիչ, յաճախ՝ հարիւրից քիչ։
#մաեմօ #էկրանահան #պատմութիւն #յաւելուած
#մաեմօ #մաեմօ-լեսթէ #դիւրակիր #օպերացիոն_համակարգեր #հեռախօս
https://talk.maemo.org/showthread.php?t=101042
#մաեմօ #սէյլֆիշ #ջենթու #լինուքս #ծրագրակազմ #ազատութիւն
ինչի եմ նաեւ սիրում մաեմօն կամ սէյլֆիշը՝ իրական բազմախնդիր լինելու համար։ մինիմիզացուած դիտարկիչի մէջ վիդեօ ա նուագարկւում, ու դա ակնյայտ երեւում ա երբ նայում ես ինչ բացած ծրագրեր ունես։
#մաեմո #մաեմօ #սէյլֆիշ #իւնիքս #լինուքս #էկրանահան
այսօր գրեմ «ազատ» լինուքս հեռախօսների մասին, նման ա վիճակը եւ այլ սարքերի հետ, բայց աւելի արտայայտուած։
մենք չենք ակնկալում որ լինուքս միջուկ ունեցող հեռուստացոյցը մեզ չի հետեւի։ եւ հասկանում ենք, ինչ ա անում անդրոիդ սմարտֆոնը։
նոկիա ն900֊ը (եւ բոլոր նոկիայի մաեմօ սարքերը) թւում էր իսկապէս բաւական ազատ սարք։ միջուկի ելատեքստը հասանելի էր, եւ կարելի էր այն ինքնուրոյն շինել։ հետեւաբար կարելի էր փոխել դրայւերներ՝ օրինակ fcamera նախագիծը փոխել էր խցիկի եղած դրայւերները եւ նոր դրայւերներով լինում էր raw նիշքեր գրել։
այլ կարեւոր առանձնահատկութիւն՝ «բութ լոադերը» բաց էր՝ կարելի էր ցանկացած այլ օհ, ցանկացած այլ միջուկ լոադ անել։
եւ ազատ միջուկը երկաթի բաւական աջակցութիւն ունէր նորմալ աշխատելու համար։
այո, կային նոկիայի փակ ծրագրեր։ բայց կարելի էր դրանք հանել, կամ առհասարակ այլ օհ օգտագործել՝ լրիւ ազատ։
ապագայ նոկիա ն9֊ը դեռ էլի համեմատաբար ազատ սարք էր՝ կարելի էր օհ֊ը, միջուկը փոխել։ բայց եղած միջուկն արդէն վերահսկող էր, ունէր «aegis» ենթահամակարգ, եւ նոկիայի փակ ծրագրերը՝ օրինակ քարտէզի յաւելուածը, չէր աշխատի այլ միջուկով, քան հէնց այդ նոկիայի լռելեայն պաշտօնական միջուկը։
«jolla» սարքը ընկալւում էր որպէս ազատ լինուքս սմարտֆոնների վերածնունդ։ մինչդեռ՝ աննախադէպ քիչ իրաւունքներ էր տալիս օգտուողին։ այդ ժամանակ արդէն այօս սարքերը վայֆային կպնելիս փոխում էին ցանցային քարտի «մակ հասցէները» օգտատիրոջ գաղտնիութիւնն ապահովելու համար։
«jolla» սարքի հետ դա հնարաւոր չէր՝ միջուկի մէջ եղած փակ դրայւերները հնարաւորութիւն չեն տալիս քարտի «մակը» փոխել։ այդ համար պէտք են վայֆայ քարտի ազատ դրայւերներ։ ինչպիսի յաջողութիւն՝ չիպսետի ազատ դրայւերներ կա՛ն։ բայց միջուկը միայն բինար ա, իսկ բութ լոադերը՝ փակ։ միջուկը փոխել չի լինի։ հետեւաբար համայնքն անզօր ա այդ սարքի գաղտնիութիւնն աւելացնելու գործում։
ընկերութիւնը վերջերս ընդհատեց «jolla» սարքերի սպասարկումը, եւ մենք բնաւ չունենք իրենց օհ֊ին այլընտրանք։ «սէյլֆիշ»֊ի վարկածներ կան ամենատարբեր հեռախօսների համար, բայց ոչ հէնց «jolla» ընկերութեան «jolla» հեռախօսի համար։
սպասարկումը ընդհատուեց ըստ երեւոյթին այն պատճառով, որ բինար միջուկի վենդորը որոշեց դադարեցնել այդ միջուկի սպասարկումը, եւ թարմացումներ չէր տրամադրում։ կամ «jolla»֊ն որ առանց այդ էլ լաւ վիճակում չի, որոշեց այլեւս փող չծախսել նոր միջուկներ լիցենզաւորելու համար։
իսկապէս ազատ նախագծերում էդպէս չի լինում։ եւ իսկապէս ազատ նախագծերը խուսափում են փակ միջուկներից կախուածութիւնից, փոխարէնը նախընտրում են օգտագործել ազատ միջուկ։
«sony xperia open devices»֊ներն էլ բաց չեն՝ այո, շատերն են թոյլ տալիս բեռնիչի մէջ գրել։ բայց առանց սոնիի միջուկի եւ այլ բայնարիների, որոնց մէջ մեծ հաշուով անյայտ ա ինչ կայ, սարքերը չենք կարողանում օգտագործել ոչ sailfish֊ի, ոչ էլ lineageos֊ի կամ այլ ազատ անդրոիդների տակ։
առհասարակ, «sailfish»֊ն ըստ դիզայնի օգտագործում ա libhybris՝ «wrapper» գրադարան, որը թոյլ ա տալիս օգտագործել փակ անդրոիդ միջուկների փակ գրաֆիկական դրայւերներ լինուքս միջավայրից։ աշխատող եւ կիրառելի, համեմատաբար հեշտ իրագործելի լուծում ա, որը չի աւելացնում օգտուողի ազատութիւնը։
էսօր լինուքս սարքերի հետ վիճակը միայն աւելի վատն ա, քան եղել ա տաս տարի առաջ։
ու այսօր ես յոյս ունեմ այն օհ նախագծերի մէջ, որ օգտագործում են ազատ մէյնլայն միջուկներ։ ոչ պարտադիր ա «փայնֆոնի» վրայ, զի օրինակ մաեմօ֊լեսթէն բաւական լաւ աշխատում ա «մոտորոլա դրոիդ 4»֊ի վրայ՝ որը էներգախնայման լաւ դրայւերներ ունի։ չունի, ճիշտ ա խցիկի դրայւեր։ ու մաեմօն էսօր օգտագործման մէջ աւելի ա նման համակարգչի, քան հեռախօսի։
#լինուքս #հեռախօս #խելախօս #փայնֆոն #նոկիա #պոստմարկէտօս #մաեմօ #սարք #ազատութիւն #ծրագրակազմ
այսօր խօսեցի մաեմօյի չաթում, ասում են փայնֆոնի երկաթը համեմատելի ա Qualcomm Snapdragon 410 MSM8916֊ի հետ։
այսինքն համեմատելի ա նաեւ jolla֊ի հետ, որը qualcomm snapdragon 400 էր։ թէ՞ ա։ ինձ մօտ աշխատում ա, ու արագ։
ասում են, իսկ google nexus s֊ը motorola droid 4֊ից մի չորս անգամ թոյլ ա, մօտաւորապէս droid 2֊ի հետ ա համեմատելի։
ես անգլերէն հոսքում հարց էի տուել այն մասին, ինչի՞ ա փայնֆոնը լրիւ քնում, ու երբ ես իրան կպնում եմ, դինօ֊ն երեւում ա որ քնած ա, բզում եմ մի երկու անգամ, քիչ քիչ սկսում ա արթնանալ, քնաթաթախ հաղորդագրութիւններ ա սինք անում։
իսկ sailfish֊ն ու maemo fremantle֊ը անմիջապէս ստանում էին ջաբերի հաղորդագրութիւնները, տեսնում էի, թէ ոնց ա այլ մարդու ստատուսը փոխուել։ հէնց օրինակ, անդրանիկի անդրոիդի էկրանը մարում էր՝ իր conversations֊ը դարձնում էր իրան away, եւ ինձ մօտ անմիջապէս գոյնը փոխւում էր։ անհնար էր նկատել ուշացումը։
պարզւում ա, հարցը շատ սարքերի համար մէյնլայն միջուկում էներգիայի կառավարման բացակայութիւնն ա։ սարքը, օրինակ փայնֆոնը, չի կարող քնեցնել gpu֊ն, քնեցնել չօգտագործուող պորտերը, որ ահագին էներգիա են տանում։ ու պոստմարկէտօսը պարզապէս որոշում ա սարքը քնեցնել ամբողջութեամբ։
իսկ իմ օգտագործած sailfish֊ը մէյնլայն միջուկով չի՝ անդրոիդ միջուկով ա։ չգիտեմ, @{https://vostain.net/users/kamee} քեզ մօտ ո՞նց ա սէյլֆիշի ներդրուած ջաբերն աշխատում մէյնլայն միջուկով, կարծես փայնֆոնի սէյլֆիշը ազատ միջուկով ա։
ստանո՞ւմ ես անմիջապէս, թէ՞ երբ հեռախօսը քնած ա… աաա, գուցէ քեզ մօտ չի էլ քնում, ու ստիպուած ես հա սնել իրան։
իսկ ֆրեմանթլը դէ TI OMAP էր, որը միջուկում լաւ աջակցութիւն ունի։
#փայնֆոն #լինուքս #միջուկ #ծրագրակազմ #նոկիա #պոստմարկէտօս #սէյլֆիշ #մաեմօ
իսկ մաեմօյի մենիւն նաեւ հաւէսն ա ու չդախ, զի ընդամէնը ֆոնը մնում ա, ու չֆոկուս ա լինում, իսկ պատկերակները դառնում են լաւ արտայայտուած։
#մաեմո #մաեմօ #էկրանահան
ես՝ oberon֊ը հաւէսն ա հէնց նրանով որ single threaded օպերացիոն համակարգ ա։
էլի ես՝ maemo֊ն հաւէսն ա նրանով որ իսկական բազմախնդիր համակարգ ա, տեսնում ես միաժամանակ՝ էս պատուհանում ֆիլմ ա ցոյց տալիս, էն պատուհանում չաթն ա թարմանում, եւ այլն։
#անկապ #տեք #օպերացիոն_համակարգեր #օբերոն #մաեմօ
փայնֆոնի ու մաեմօ֊լեսթէի տակ աշխատեցրի բլութութ ստեղնաշար։
բացեցի իշիւ, որ աւելացնեն լռելեայն պատկերի մէջ՝
https://github.com/maemo-leste-extras/bugtracker/issues/25
#փայնֆոն #մաեմո #մաեմօ #մաեմօ-լեսթէ
եթէ յիշում էք, ես ունէի մաեմօյի համար գրուած լուսանկարչի գործիք՝ photographic light meter։ այն վերցնում էր լոյս սարքի «ambient light sensor»֊ից, եւ հաշւում խցիկի կարգաւորումները՝ պահաժամը, բացուածքը։
ահա, այսպէս աշխատում էր մոտորոլա դրոիդ չորսի վրայ, մաեմօ լեսթէ համակարգի տակ՝ https://toobnix.org/w/bdb44078-0236-43bf-a189-6f6865f60d7a
տառատեսակի չափսը յետոյ ֆիքսեցի։
իսկ երէկ գիշերը նստեցի, բաւական հեշտ տեղափոխուեց անդրոիդի վրայ՝ delphi֊ի fmx֊ի միջոցով։
մի քանի փոփոխութիւն պէտք եկաւ՝ օրինակ LCL֊ի Label.Caption֊ը FMX֊ում՝ Label.Text ա։
ու եթէ լինուքսի վարկածում վազում եմ /sys/bus էդ կողմերով, որ գտնեմ լուսաչափի նիշքն ու կարդամ դրանից տուեալներ, ապա այս դէպքում պարզապէս անդրոիդի ափին եմ կանչում՝ իհարկէ FMX֊ի կլասի միջոցով։
տեղափոխելը տեւեց մի երեք ժամ, բայց եթէ հմտութիւններ արդէն ունենայի՝ կարող էր տեւել տասնհինգ րոպէ։
դեռ թեստաւորել եմ միայն մի նոկիա 8֊ի վրայ, աշխատում ա՝
նկարները երէկ գիշերն եմ արել։
ու տէնց։
#անդրոիդ #լուսաչափ #մաեմօ #մաեմո #պասկալ #դելֆի #լուսանկարչութիւն #ֆոտո
photolightmeter֊ս այսօրուանից նաեւ աշխատում ա փայնֆոնի վրայ՝ մաեմօ֊լեսթէ համակարգում։
#փայնֆոն #մաեմօ
քամու այս գրածին եմ արձագանքել խօսենքում, ստեղ էլ փակցնեմ՝
հմմ, շատ հետաքրքիր ա, շնորհակ կիսուելու համար։
ես չեմ ընկալել փֆ֊ի երկաթը որպէս թոյլ, ինձ թւում էր համեմատելի ա իմ xperia xa2֊ի երկաթի հետ։ չնայած գուցէ դա էլ ա թոյլ համարւում։ իսկ կարող ա շփոթում եմ մի բան։
ամէն դէպքում ինքը թոյլ կարող ա ընկալուել վիդեօ դրայւերների պատճառով։ օրինակ, փայնբուքն էլ ա այդպէս ընկալւում հէնց այն պատճառով որ գրաֆիկան ա դանդաղ լինում երբեմն։ ոնց որ էս երկու ամսուայ մէջ նոր mesa պիտի դուրս գայ, որ այդ խնդիրների մեծ մասը լուծելու ա։ փայնբուքի մասին եմ։
հետաքրքիր ա, ես մաեմօն չէի ընկալել օլդսքուլ, բայց հիմա որ ասացիր՝ հաւէս ա, ու աւելի եմ դրդուած իրանով աշխատելու, չնայած կրկին չեմ հասկանում որն ա իր օլդսքուլութիւնը։ ինձ համար գուցէ նոր ա, զի նախ ես յիշում եմ հին մաեմօն՝ դիաբլօն, որը չէր օգտագործում վիդեօ աքսելերացիա, ու ունէր մենիւ, որը նման էր ուինդոուսի մենիւին, ծրագրեր ընտրելու համար։
մաեմօ֊ն իսկապէս, ինձ էլ թուաց, բարդ ա օգտագործել առանց երկաթի ստեղնաշարի։ ու ես հիմա քշում եմ այն դրոիդ չորսի վրայ։
հարցն այն ա որ դրոիդ չորսը երեւի թէ կարող էր էսօրուայ իմ պահանջները ծածկել, բայց քանի որ այն իմ միակ հեռախօսը չի, ու ես ունեմ շատ մրցունակ սէյլֆիշ՝ որոշակի ջանք ա պէտք այն օգտագործելու համար՝ ես պէտք ա չմոռանամ իրան լիցքաւորել, ու հետս մի սարք շատ տանեմ։
փոխարէնը, ի՞նչ եմ ես անում մաեմօ֊ով (դրոիդում կամ փայնֆոնում, յետոյ կը պատմեմ որն ա տարբերութիւնը)՝
— ես ունեմ իմ dhr.sh֊ն ու anonradio.sh֊ն՝ որ կանչում են mplayer ու նուագարկում այդ ռադիօները։
— ունեմ moc (music on console) իմ հին սիրած նուագարկիչը, որ շատ հարմար ա երկաթի ստեղնաշարով օգտագործել։
— կպնում եմ անոնռադիօյի կոնսոլ չաթին — շատ հարմար ա կրկին երկաթի ստեղնաշարի պատճառով։
— կպնում եմ սերուերիս կարճ գործերի համար։
սա փաստօրէն մինի մինի լափթոփիկ ա, որ ունի հարմար տերմինալներ։
բայց չունի լաւ նուագարկիչ (կամ չգիտեմ որ դեբիանից վերցնեմ) եւ այլն։
ունի ebook reader, կարելի ա լցնել մէջը մի երկու գիրք, բայց երեւի թէ xperia֊ի էկրանով աւելի հարմար ա կարդալը։
— միդորի, որպէս դիտարկիչ։ բայց ֆայրֆոքսն էլ ա աշխատում դրոիդի վրայ։
— pidgin, hexchat, dino — չաթերին կպնելու համար։
այ հիմա մենք եկանք մաեմօյի ամենամեծ խնդիրներին։
բայց շեղուեմ կարճ ու ասեմ, որ էս պահին փայնֆոնի մաեմօյում չի աշխատում maemo-battery-indicator֊ը, բայց դա կուղղեն։
փայնֆոնում, երբ բացում ես vkb֊ն՝ հպէկրանի ստեղնաշարը, ինքը երբեմն չի նկարւում (գրաֆիկական դրայւերներ) ու պիտի մի տեղ սեղմես, որ ստեղները սկսեն երեւալ։
բայց դա էլ ամենամեծ խնդիրը չի։
մաեմօ ստեղնաշարն ունի երկու բեքենդ՝ աւանդական հիլդոն բեքենդ (որ ուղարկում ա նիշեր հիլդոն յաւելուածներին, այսինքն հին նոկիայի մաեմօ յաւելուածներին) ու x11 բեքենդ, որը կարծեմ նոր են աւելացրել, ու որ նիշերն ուղարկում ա սովորական x11 ծրագրերին։
պէտք ա իմանալ, որը միացնել՝ եթէ պարզապէս մուտքի դաշտի ես մատով կպնում՝ աշխատում ա հիլդոն ստեղնաշարը, իսկ եթէ սեղմում ես յատուկ նախատեսուած հարդուեր կոճակ՝ դրոիդի վրայ դա «փնտրել» կոճակն ա, իսկ փայնֆոնի վրայ՝ ձայն բարձրացնելու թէ իջեցնելու (չեմ յիշում), ապա յայտնուող ստեղնաշարը x11 բեքենդով ա։
ես դա հասկացայ երբ փիջինով չէի կարողանում չաթ անել՝ զի էնթեր էի սեղմում, եւ փիջինը ստանում էր մի քանի տող, ոչ թէ ուղարկում էր տողերը էնթեր սեղմելուց յետոյ։ պարզուեց՝ հիլդոն բեքենդի բագերից ա։ ու ժամանակակից x11֊ի բեքենդով ստեղնաշարը ուղարկում ա հաղորդագրութիւնները։ պարզապէս պէտք ա յիշել ու կոճակով բացել որ այդ ստեղնաշարը դուրս գայ։
ի դէպ արտաքնապէս չեն տարբերւում։
հիմա, բնականաբար, «սովորական» իւզերներին բարդ ա բացատրել որ կայ ստեղնաշարի երկու բեքենդ։ միւս կողմից «սովորական» օգտատէրեր մաեմօյին երեւի չեն սպառնում դեռ երկար ժամանակ։ իսկ երբ լինեն, արդէն գուցէ եւ ստեղնաշարի հարցը կը լուծուի։
նաեւ բաւական անսովոր ա, որ ստեղնաշարը հպելիս չես տեսնում ինչ ա կատարւում հէնց մուտքի դաշտում՝ ստեղնաշարի հետ միասին բացւում ա առանձին մուտքի դաշտ, ու դու այնտեղ ես գրում։ երբ ստեղնաշարն անջատում ես, տեսնում ես որ տակից եղած մուտքի դաշտում ներմուծածդ կայ։
դա բաւական անկապ ա այսօր, բայց սովորելու հարց ա՝ ես նախկինում չէի զգում որ էդպէս ա, ու որ խնդիր ա։ հիմա նոր եմ զգում։
հաւէս ա որ դրոիդի վրայ կարողանում եմ հայերէն եւ երկաթէ ստեղնաշարով հաւաքել։ բայց պիտի անեմ setxkbmap am տերմինալում։ ու մի տառ կայ, որ իր ստեղնաշարի վրայ բացակայում ա։ այդ համար պէտք ա առանձին xkb mapping անել, որ այդ տառը մի տեղ տեղաւորուի։
ու մաեմօն՝ այո, արագ ա, պլազմայի համեմատ (այլ բան չեմ տեղադրել)։
հիմա գիտակցում եմ որ այն ինչ ես ուզում էի մաեմօյից՝ իրականում կայ մանջարօյում։ այսինքն՝ սովորական լինուքսի ծրագրեր աշխատեցնելու հնարաւորութիւն։
ու մանջարօյում չկան ստեղնաշարի խնդիրներ։
բայց մէկ ա մաեմօյին կպած եմ՝ եւ թեթեւ ա, եւ այդ մշակութային շերտը, կամ գուցէ նոստալգիան, ինձ պահում են։
էլի բաներ ունէի ասելու, գուցէ յիշեմ ասեմ։
#փայնֆոն #մաեմօ #մանջարօ #պլազմա #միջավայր #լինուքս #դիւրակիր #հեռախօս #խելախօս #օպերացիոն_համակարգեր #տեք
փող եմ հաւաքել, պատուիրել եմ փֆ, մատներս խաչած (փառք աստծոյ հաւատացեալ չեմ) սպասում եմ՝ կը հասնի՞։
մտածում եմ՝ ի՞նչ օհ եմ քշելու, ու հասկանում եմ որ maemo-leste։
զի՝
#մաեմո #մաեմօ #մաեմո-լեսթէ
վայելում եմ droid4֊ի վրայ մաեմօ֊լեսթէ։
իրականում հասկանում եմ որ մարդկանց մեծ մասի համար կիրառելի չի, ու կիրառելի չի նոյնիսկ սրանից զգալիօրէն աւելի ողորկ սէյլֆիշը, բայց ես պարզւում ա իսկապէս մինիմալիստ եմ, ինձ շատ բան պէտք չի, բայց այ էսպիսի բաներ շատ են պէտք, ու ես դրանցից հրճւում եմ։
ի դէպ, տեսէ՛ք, ես աշխատեցնում եմ 1992֊ի խաղ՝ զի այն կայ դեբիանում (ու ջենթու֊ում էլ) ու սա ինձ համար շատ կարեւոր ա, որ զուր չի մարդու երեսուն տարի առաջ գրածը, որ մենք ազատ ծրագրակազմի աշխարհում կարողանում ենք պատչեր անել եւ մինչ այսօր այդ հին խաղն աշխատեցնել, առանց ճարպի շերտեր մեր համակարգերում աւելացնելու։ (դէ լաւ, սա sdl-1 ա գրած, sdl-2֊ի փորտ չեն արել, բայց ահագին բան փաթչած ա, պատշաճեցրած ա։ (:
իհարկէ, ափսոս որ գոնէ մաքուր c չի, c++ էլ կայ, ու որ էդ ձեւ զարգացանք, բայց դէ լաւ, ինչ արած, զատո փոխարէնը յուսանք մեր ծրագրակազմի զգալի մասը շատ էֆեկտիւ ա աշխատում, հնարաւորինս էֆեկտիւ, երբ չի պայթում։ (:
լաւ արդէն շատ շեղուեցի։
#ծրագրակազմ #էկրանահան #պատմութիւն #դեբեան #դեբիան #մաեմո #մաեմօ #մաեմօ-լեսթէ #մաեմո-լեսթէ #լեսթէ #խաղ #մաելսթրոմ #մինիմալիզմ #դրոիդ #մոտորոլա #օհ #օպերացիոն-համակարգեր #օպերացիոն_համակարգեր #ողորկ #տեք
hexchat maemo-leste֊ի էկրանին։
նէ՛նց լաւ օհ ա, կարողանում եմ ssh -X լինել, այնտեղից յաւելուածներ աշխատեցնել։ այդպէս արի, որ hexchat֊ը կարգաւորեմ, մի քիչ բարդ էր փոքր էկրանով։ բայց աշխատեց՝ սեւ, մութ, մաեմօյի թեմայով։
այդ պատճառով թեստային gtkrc սարքեցի, ու կանչեցի յաւելուածը (ծրագիրը, էլի) իմ gtkrc֊ով որ նորմալ տեսնեմ, նման ձեւ՝
GTK2_RC_FILES=.gtkrc_test hexchat
կարելի ա դեբիանի շտեմարաններից ծրագրեր տեղակայել, ու այս hexchat֊ը հէնց այդպէս էլ տեղակայուած ա։
ամենամեծ խնդիրներից ա (դե՞ռ) որ հպէկրանի ստեղնաշարը չի աշխատում լինուքսի ծրագրերի հետ։
լաւ չեմ հասկանում ինչպէս ուղղել, ու արդե՞օք դրա վրայ աշխատում են։
#լինուքս #մաեմո #մաեմօ #մաեմո-լեսթէ #մաեմօ-լեսթէ #տեք #դիւրակիր #էկրանահան
ինչի՞ ա մաեմօ֊լեստէն կամ պոստմարկէտօս֊ը օգտագործում միայն մէյնլայն միջուկ՝ դա միայն գաղափարական֊քաղաքական որոշում չի, այլեւ տեքնիկական՝
որովհետեւ բարդ ա յետոյ նայել ու թարմացնել տարբեր սարքերի համար միջուկների բազմազանութիւն։ եթէ դիցուք ունենք 100 սարք (հեռախօս), ամէն մէկն իր միջուկով, ապա ունենք նոյնքան միջուկի առանձին ֆորք՝ ֆիքսած վարկածներով, ու պարզ սեքիւրիթի փաթչ աւելացնելը դառնալու ա գլխացաւանք՝ լաւագոյն դէպքում պէտք կը լինի բեքփորտ անել այն հարիւր տարբեր կոդի մէջ, իսկ վատագոյն՝ ոչ մի բան էլ անել չի լինի, քանի որ նոյնիսկ միայն էդ կոնկրետ միջուկի վարկածը հասանելի ա միայն բինար ձեւով։
նաեւ, էն լինուքս միջուկը որը հեռախօսների մէջ ա, շատ ա տարբերուում մէյնլայնից ու մեր իմացած լինուքսից՝ ահաւոր շատ փոփոխութիւն ա պարունակում՝ սկսած գուգլից, վերջացրած soc֊ի՝ չիպսետի, ու հեռախօսի արտադրողի փաթչերով։ եւ տարբեր soc֊երի ու հեռախօսների արտադրողների մօտ լրիւ տարբեր փաթչեր են, որ անկապ տեղերում կոնֆլիկտներ կառաջացնեն։
https://wiki.postmarketos.org/wiki/The_Mainline_Kernel
#միջուկ #մաեմո #մաեմօ #պոստմարկետօս #պոստմարկետ #պոստմարկէտօս #պոստմարկէտ #մաեմօ-լեստէ #մաեմո-լեստէ #լինուքս #սեփականատիրական_ծա #սեփականատիրական_ծրագրակազմ #ազատ_ծա #ազատ_ծրագրակազմ #տեքնոլոգիաներ #ազատութիւն
հիմա հիլդոն ափլիքէյշն մենեջերում։ հէհ։
#մաեմօ #մաեմո #ֆոտո
երէկ տառապել եմ դեբիանի փաքաջինգի հետ։ եւ ջենքինս բիլդերի։
ուզում էի photolightmeter֊ը աւելացնել maemo-leste֊ի ռեպօներ։ ահաւոր երկար տեւեց։
ամենաբարդ խնդիրն էր, որի վրայ լռուել էի՝ բիլդ լինում էր ինձ մօտ, բիլդ լինում էր իրենց վմ֊ի մէջ, բայց չէր լինում նման վմ֊ի մէջ ջենքինսում։ որն արդէն երեք պլատֆորմի համար շինում ա՝ amd64, armhf, arm64։ ծրագիրս գրուած ա պասկալով, օգտագործում էի lazbuild այն կազմարկելու համար։
ուրեմն, սէնց փախած սխալ էր տալիս՝
Fatal: (10022) Can’t find unit FastHTMLParser used by Clipbrd
ուրեմն էս lazbuild֊ը չգիտեմ ինչի չէր հաւանում եղած քոմփայլ արած .o ու .ppu նիշքերը որ գալիս են իր հետ՝ LCL գրադարանի մաս են, կամ նրանք, որ ստանդարտ ֆրիպասկալի մաս են, ու ուզում էր կրկին կազմարկել ելատեքստից։
իսկ դէ փաթեր չէր գտնում։
տեղակայեցի fpc-source-3.0.4 ու դրա մէջ գտայ այդ fasthtmlparser.pas֊ը։ արդէն շինում էի ոչ թէ lazbuild֊ով այլ հէնց fpc֊ն կանչելով ու երկար երկար փաթեր տալով ամէն մի գրադարանի։
տուեցի՝ սա՝ -Fu/usr/share/fpcsrc/3.0.4/packages/chm/src/ — ոնց որ պէտք ա հէնց առանց բացատ աւելացնել -Fu արգումենտին
էլի չի գտնում։ վերջը դրա վերեւի դիրեկտորիայում գտայ ինչ֊որ fpmake.pp
root@devuan:/usr/lib/x86_64-linux-gnu/fpc/3.0.4# ls /usr/share/fpcsrc/3.0.4/packages/chm/
Makefile.fpc fpmake.pp src
root@devuan:/usr/lib/x86_64-linux-gnu/fpc/3.0.4#
ու յիշեցի որ ինչ֊որ fpmake կայ, որը փաքաջներ ա սարքում, ու այդ ուղին տուեցի նաեւ քոմփայլերին։ եւ այո, ստացուեց։ կազմարկուեց։
ապա միակ խնդիրը որ մնացել էր՝ ռեսուրս կոմպայլերը՝ fpres֊ը չէր գտնում։ որովհետեւ ես fpc֊ն կանչել եմ լրիւ ուղղով՝ /usr/bin/fpc, իսկ այ որտեղ ա fpres֊ը չէր գտնում։ չգիտեմ, գուցէ makefile֊իս մէջ պէտք ա ինչ֊որ աւելի յստակ PATH֊ը export անէի, բայց fpc֊ն յատուկ արգումենտ ունէր իր ուզած բինարնիկները գտնելու համար՝ -FD, այսպիսով աւելացրի՝ -FD/usr/bin ու յէյյյ, եղաւ քոմփայլը։
էդ ամենակարեւորն էր։
յետոյ պարզուեց որ armhf մեքենայի վրայ մէկ ա կազմարկումը չի անցնում։ ու չգիտես ինչի էնտեղ fpc֊ն աւելի շատ բան ա ուզում կազմարկի ու չի գտնում։ երեւի դեբիանի armhf սբորկան մի քիչ այլ ձեւ էր, չնայած նոյն վերսիաներն էին ծրագրերի, ու նա ուզում էր աւելի շատ լիբ ինքը շինել, քան արդէն ստացել էր։ ու օկ, էդ արդէն բարդ չէր՝ պոչը բռնել էի։ ինչը ասում էր որ չի գտնում, գտնում էի lcl֊ի կամ fpc֊ի ելատեքստերի մէջ՝ տալիս էի իրան։ armhf բիլդն էլ եղաւ։
էդ պահերին մտածել էի որ arm64 բիլդը իզուր տապալուում ա ու պէտք ա ինչ֊որ ձեւ նշել որ չշինի դրա համար, զի fpc-3.0.2֊ը չունի դեռ arm64֊ի սափորտ։ fpc-3.2֊ն ունի, բայց էդ debian beowulf֊ի մէջ այն չկայ։ ու մտածել էի՝ դէ մինչեւ դեբիանը չթարմանայ ու մաեմոն չօգտագործի նոր դեբիան՝ դէ չի լինի։
բայց ինչ֊որ ձեւ սխալ էի սահմանափակում որ պլատֆորմների համար շինի, ու վերջը թողեցի՝ any, ու չեմ հասկանում ոնց՝ arm64֊ի համար էլ բիլդը լրիւ նորմալ անցնում ա։
հա, էս բիլդերի հետ մի խնդիր էլ կար։ fpc֊ի համար գրադարանների ուղիներում կայ x86_64-linux ու կայ arm-linux որը armhf֊ի վրայ ա։ ու ես makefile֊ի մէջ ջոկում էի որն ա ճարտարապետութիւնը՝
ARCH = $(shell arch)
arch քոմանդլայն հրամանը կանչելով։ ու արդէն այդ ստացած $ARCH֊ը տեղադրում էի fpc֊ի ուղիների մէջ։ վերջում ստացած ուղին սէնց սարսափելի տեսք ունէր՝
PARAMS = -MObjFPC -Scgi -Cg -O1 -g -Xg -XX -l -vewnhibq -FD/usr/bin -Fi/usr/lib/lazarus/2.0.0/lcl/nonwin32 -Fu/usr/lib/lazarus/2.0.0/lcl/nonwin32 -Fi/usr/lib/lazarus/2.0.0/lcl/forms -Fu/usr/lib/lazarus/2.0.0/lcl/forms -Fi/usr/lib/lazarus/2.0.0/lcl/interfaces/gtk2 -Fu/usr/lib/lazarus/2.0.0/lcl/interfaces/gtk2 -Fi/usr/lib/lazarus/2.0.0/lcl/widgetset -Fu/usr/lib/lazarus/2.0.0/lcl/widgetset -Fi/usr/lib/lazarus/2.0.0/lcl -Fu/usr/lib/lazarus/2.0.0/lcl -Fi/usr/lib/lazarus/2.0.0 -Fu/usr/lib/lazarus/2.0.0 -Fi/usr/lib/lazarus/2.0.0/lcl/include -Fu/usr/lib/lazarus/2.0.0/lcl/include -Fi/usr/share/fpcsrc/3.0.4/packages/chm -Fu/usr/share/fpcsrc/3.0.4/packages/chm -Fi/usr/share/fpcsrc/3.0.4/packages/chm/src -Fu/usr/share/fpcsrc/3.0.4/packages/chm/src -Filib/$(ARCH)-linux -Fu/usr/lib/lazarus/2.0.0/lcl/units/$(ARCH)-linux/gtk2 -Fu/usr/lib/lazarus/2.0.0/lcl/units/$(ARCH)-linux -Fu/usr/lib/lazarus/2.0.0/components/lazutils/lib/$(ARCH)-linux -Fu/usr/lib/lazarus/2.0.0/packager/units/$(ARCH)-linux -Fu. -Fulib/x86_64-linux/ -FE. -o./project1 -dLCL -dLCLgtk
սա արդէն armhf֊ի աւելացումներով։ x86_64֊ի վրայ դեբիանի կազմարկիչն աւելի քիչ բան էր ուզում գտնել։
հա, ու arch հրամանը որ ինթելի վրայ տալիս էր՝ x86_64, armhf համակարգում վերադարձնում էր՝ armv71։
ապա ստիպուած եղայ կեղտոտ հաք անել՝
ARCH = $(shell arch)
ifeq ($(ARCH),armv7l)
ARCH = arm
endif
օկ, սէնց կազմարկուեց։ ու օհ անակնկալ, նաեւ կազմարկուեց arm64 համակարգում։ գտաւ որ կարծես aarch64 ա ճարտարապետութիւնը ու fpc֊ի ուղիներում էլ ամէնը գտաւ ու կազմարկեց։
էսպէս։
բայց կարեւոր ասածս այլ ա։ սէնց բաներ չեն պահանջում լինել յանճար։ ու լիքը բան չի պահանջում։ ես սրա վրայ նստած էի մօտ 12 ժամ։ ու ամէն անգամ, ամէն պահի վարկած ունէի՝ թէ էլ ո՞նց փորձել։ օրինակ նախորդ գրառման խնդրի հետ՝ թեմայի մէջ չէի ու վարկած չունէի։ իսկ սա՝ ամէն անգամ մի նոր բան էի փորձում։ ու մենք ունենք գործ տարբեր մարդկանց սարքած տարբեր ծրագրակազմերի հետ, տուեալ դէպքում՝ fpc, lazarus, jenkins, debian, ու պէտք ա մօտաւորապէս պատկերացնելով որն ա սխալ գնում բզբզալ մինչեւ ստացուի։ սա հէնց էն not science, trying ձեւն ա։ ու պարզապէս պէտք ա փորձել ու փորձելը երկար ա։ ու խելքը կապ չունի շատ։ համբերատարութիւն ա պէտք։
#տեքնոլոգիաներ #մաեմո #մաեմօ #համբերատարութիւն #փորձ #դեբիան #լինուքս #կազմարկում #ծրագրակազմ
եթէ չգիտէք, փայնֆոնը էսօր գոյութիւն ունեցող ամենաազատ սարքերից մէկն ա։ փաստացի համակարգիչ ա, որի տպասալին կպած ա նաեւ ջիէսէմ չիպ։ այդ ջիէսէմ չիպը հնարաւոր ա անջատել՝ երկաթի մակարդակում։
սարքը նաեւ կարեւոր ա նրանով, որ իր վրայ հնարաւոր ա քշել մէյնլայն լինուքսի միջուկ։ այդ պատճառով նաեւ իր համար կայ maemo-leste, որը պորտ ա լինում միայն մէյնլայն միջուկ ունեցող երկաթների վրայ։
փայնֆոնի համար արդէն կայ նաեւ ubuntu touch, որը լրիւ կիրառելի հեռախօսային օհ ա, կայ նաեւ սէյլֆիշի պորտ։
փայնֆոնի համար հիմա նախագծման մէջ ա ստեղնաշար։ կան սիրողական պատեանների նախագծեր, որ արդէն այսօր կարելի ա քաշել ու տպել։
էս պահին համարձակ սրտի վարկածն ա հասանելի, ես սպասում եմ յաջորդին, որ ձեռք բերեմ։
ի դէպ էժան ա, ու շատ լաւ, էդ գնին չհամապատասխանող որակ ունի։
#փայնֆոն #սէյլֆիշ #ուբունթու_թաչ #մաեմօ #մաեմօ-լեստէ #մաեմո #մաեմո-լեստէ #հեռախօս #փայնֆոն
maemo-leste֊ն հիմա ունի extras շտեմարաններ՝ https://maemo-leste.github.io/maemo-leste-repositories-and-community-packages.html
այնտեղ արդէն կան maemo fremantle֊ից բերած յաւելուածներ http://maedevu.maemo.org/extras/pool/main/
մէկ էլ, maemo-leste֊ն հիմա հասանելի ա նաեւ փայնֆոնի համար։
#մաեմո #մաեմո-լեստէ #փայնֆոն #յաւելուած #հեռախօս #օպերացիոն-համակարգեր #մաեմօ
նոկիա ն900֊ի մաեմօ֊ի ամենակարեւոր նորամուծութիւններից էր այն, որ «յաղորդագրութիւններ» յաւելուածը կարող էր ոչ միայն սմս ուղարկել, այլ՝ ընդհանուր առմամբ ինչ ասես։ կարող էիր նոյն յաւելուածով մի մարդու գրել սմս, միւսին՝ սքայփով, միւսին՝ ջաբերով։ նոյնը զանգը՝ նոյն զանգելու յաւելուածը կարող էր զանգել տարբեր ծառայութիւնների միջոցով։
ու դա կարծես թէ ոչ մէկ չի կրկնել, բացի սէյլֆիշից։ հիմա ամէն մարդ ունենում ա վայբեր, սքայփ, եսիմինչ, ու տարբեր յաւելուածներ ա բացում, տարբեր մարդկանց հետ կապուելու համար։
#մաեմո #մաեմօ #խելախօս #օհ #նոկիա #սէյլֆիշ