@{Avatar EminO ; emin__o@spyurk.am} Հնգ 03 Հլս 2014 09:17:08 AMT

որպեսզի սերունդը ոչ մի հնարավորություն չունենա թպրտալու մի այլ բախտի համար, ձեռ ու ոտը կապում է պատճառաբանված ատելության (հանդեպ Թուրքիան) եւ նույնքան չպատճառաբանված սիրո (հանդեպ Ռուսաստանը) քառատման դժոխային սարքին։ Անցյալը մոռանալ անհնար է, հետեւաբար, անցյալը չմոռանալու կոչն է շինծու։ Անցյալը ինքնին, ինքնապահպանման բնազդով, մոռացվում է այնքանով, որքանով խանգարում է ապագային։ Դրա համար էլ մեռնողին թաղում են։ Վանո Սիրադեղյան


#Վանո֊Սիրադեղյան #քաղվածք #մեջբերում #Ռուսաստան #Թուրքիա #սէր #քաղուածք #մէջբերում #Վանո֊Սիրադեղեան #ապագա #ապագայ

բնօրինակ սփիւռքում(եւ մեկնաբանութիւննե՞ր)

… Մենք ընդունում էինք մի երկրի մոդել, ուր անհատ մարդուն բարոյական արժեքը զերո էր: Այն ժամանակ, երբ ցույցեր էին կատարվում Հայաստանի մեջ, ես բոլորովին չէի հավատում, որ էդ ժողովուրդը էն նյութն է, որմե կարելի է որեւէ բան ստեղծել: Դա մի պահ էր, ուր մարդիկ լիցքավորվելու համար իրենց տարիներու գանգատներեն հավաքվում ու ոգևորվում էին, երբ մի հռետոր խոսում էր, իրենց լավ էին զգում, բայց դա համագործակցելու նշան չէր: Մեկ քառակուսի մետրի վրա երբ 10 հոգի կանգնած է կողք-կողքի, դա համագործակցության նշան չէ:

Համագործակցությունը անկախ մարդոց գործ է. անկախ երկիր կրնա ստեղծվիր, երբ իր ամեն քաղաքացին անկախ մարդ է, ունի իր աշխատանքը, իր ապրուստը: Ստրուկներով անկախ պետություն չի ստեղծվիր: Ես իբրև մի հայ մարդ, որ ապրում է այս ժամանակը, վերլուծություններ եմ անում մարդկային իմ հարաբերություններիցս ելնելով, իմ անհատական փորձառությամբ:

Ինչպես մարդու տեսակ մը կա՝ հիվանդ մարդու (անունը չգիտեմ, պիտի հոգեբանի մը հարցնեմ), այնպես էլ ժողովուրդ մը. ուրեմն մարդ կա, որ իր ձախորդության համար չի ուզում որևէ բան անել՝ դուրս գալու իր ձախողված վիճակեն, այլ դրա համար մեղադրում է մեկ ուրիշի: Բայց երբ ասում ես՝ բայց քու պատասխանատվությունդ ի՞նչ է, դուն ինչո՞վ պատասխանատու ես, ասում է՝ հանցավորը ուրիշն է՝ գոնե ես կրնամ հայհոյել այդ մարդուն ու հանգստանալ: Էս հոգեբանությունը տարածվեցավ ամբողջ ժողովուրդին վրա՝ մեկ հոգիի կամ մի փոքր խումբի հետ կապել ամբողջ ձախորդությունը: Դա արդեն ցույց է տալիս այն արատավոր հոգեբանությունը, որ նստել է մարդոց մեջ, և դա պարզ մարդը չէ փողոցի, մտավորական մարդն է նաև: Եվ ուրեմն ես ոչ մեկ հույս ունիմ այդ մարդուն վրա, որ որևէ բան կրնա ընել այս երկրին համար: Մարդու տեսակ մը կա, որ եթե իրեն համաձայն չես, ուրեմն իրեն թշնամի ես, և չի ուզում քննարկել քեզի հետ որևէ բան…

աղբյուր

#hakob-hakobian #hakob-hakobyan #armenian-painters #art #ՀակոբՀակոբյան #Հակոբ֊Հակոբյան #արվեստ #մեջբերում #մէջբերում #անհատ #հայաստան #ցույց #հավաք #ցոյց #հաւաք #պատասխանատվություն #պատասխանատւութիւն #հոգեբանություն #հոգեբանութիւն #ազատություն #ազատութիւն

բնօրինակ սփիւռքում(եւ մեկնաբանութիւննե՞ր)

Նրանց անունները գիտի ամեն երեխան, նրանց մեծարում են երկրպագուները, իսկ այստեղ, իրենք վախվխելով շուրջն են նայում, ու բնավ չեն զգում իրենց վեհ հայրենիքի զավակներ, զգում են իրենց ուրջուներ։

— Վերջացրեք տղերք, քսան րոպեից մեր զբոսանքն ավարտվում է,— հնչում է իրենցից մեկի ձայնը։

Եւ խմբերն տխուր շարժվում են դեպի ավտոբուսները։ Այնտեղ իրենց հաշվում են, ինչպես հաշվում են բանտարկյալներին՝ բակում զբոսանքից հետո։

http://lab.am/2013/11/կորտինա-դʼամպեցո/

#խսհմ #սովետ #կգբ #պրոպագանդա #սպորտ #մարզիկներ #օլիմպիադա #ազատություն #քաղաքականություն #1956 #Կորտինա֊Դʼամպեցո #Իտալիա #պատմություն #մեջբերում #բանտ #ռադիո

բնօրինակ սփիւռքում(եւ մեկնաբանութիւննե՞ր)

#վիշապ #բանտապան #բուրգոմիստր #քաղաքագլուխ #զրույց #լանցելոտ #եվգենի֊շվարց #հակաուտոպիա #հեքիաթ #ազատություն #հայերեն #թարգմանություն #անկախություն #գրաֆիտի #քաղվածք #մեջբերում #գրականություն

բնօրինակ սփիւռքում(եւ մեկնաբանութիւննե՞ր)

Թաղիադյանը, 1821 թվականին Եփրեմ կաթողիկոսի հետ գտնվելով Շուշի քաղաքում, պատմում է, որ Շուշում այն ժամանակ բնակվում էին երկու վաճառաշահ տներ, որոնք խոշոր կապիտալների տեր էին եւ ահագին գործարքներ էին կատարում։ Այդ առեւտրական տներից մեկը Հախումյանների տունն էր, որը ռուսական կայսրության գանձարանում մոտ մեկ միլիոն ռուբլի փող ուներ եւ առեւտուր էր անում Իրանի, Սիբիրի եւ Եվրոպայի քաղաքների հետ, ուներ մեծ քանակությամբ գործակատարներ։ Երկրորդ վաճառաշահ տունը եղբայրք Զոհրապ եւ Մեսրովբ Թառումյանների տունն էր, որը արտոնություններ ուներ Կասպից ծովի ձկնորսության եւ նավագնացության մեջ եւ ոչ պակաս առեւտրական գործեր էր վարում, քան Հախումյանների տունը։

Եղբայրք Թառումյանները իրենց հաշվին Շուշում կառուցել են Ագուլյաց եկեղեցին, թեեւ իրենց Ղազանչեցվոց ծխին էին պատկանում։ Թառումյանի մահվանից հետո նրան թաղում են «մեծ պատվով, ինչպես Արտաշես Արշակունի թագավորին», գրում է Թաղիադյանը, «հայոց կաթողիկոսի, եպիսկոպոսների եւ ժողովրդի ահագին բազմության ներկայությամբ»։

Ռ․ Հ․ Գասպարյան, Շուշի քաղաքը, Հայաստանի ԳԱ հրատարակչություն, 1993, 47 էջ։

#1993 #1821 #Շուշի #մեջբերում #քաղվածք #պատմություն #քաղաք #Արցախ

բնօրինակ սփիւռքում(եւ մեկնաբանութիւննե՞ր)

Սակայն ամենածանրը 2012թ. ԱԺ նախընտրական քարոզարշավի ու ընտրությունների օրերն էին, աշխատանքից հետո ժամերով տաղտկալի ու հոգնեցուցիչ փորձերը, որոնցով նախապատրաստվում էին հանրապետական կուսակցության և այժմ արդեն պատգամավոր ընտրված ՍԱՍ-ի սեփականատեր Արտակ Սարգսյանի քարոզարշավին.

«Մի տասը օր շարունակ միտինգի փորձեր, դրոշակներ էին տալիս ձեռդ, ուզես-չուզես պիտի գնաս, սովորացնում էին, երբ ինչ գոռաս, օրինակ, դուրս ա գալիս Արտակ Սարգսյանը պիտի գոռաս՝ Արաբկիր(Սարգսյանի թեկնածությունը առաջադրված էր Երևանի Արաբկիր շրջանում), հետո ինչ որ պահի պիտի գոռաս՝ Հանրապետական, կամ ուղղակի գոռաս: Ցուցում էին տալիս, երբ ծափեր տաս, դրոշները երբ իրար տաս, փուչիկները երբ իրար տաս: Տանջված գնում էիր տուն, հաջորդ օրը էլի գործի, հետո էլի փորձեր: Վերջում էլ միտինգները»:

http://www.tert.am/blog/?p=7247

#մեջբերում #ընտրություններ #հհկ #հանրապետական #կեղծիքներ # սաս #քաղվածք #ադվանս֊մեն #քարոզարշավ #հավաք #2012 #քաղաքականություն

բնօրինակ սփիւռքում(եւ մեկնաբանութիւննե՞ր)

Տպավորություն կա, որ մեր հասարակական օրակարգը, ներհայաստանյան բանավեճն ուզում են բզկտել արտաքին քաղաքական «մոլությունների» միջեւ, պարտադրել մեզ կեղծ ընտրություն «մետություններից» մեկի օգտին՝ այդպիսով վերանայման ենթարկելով մեր անկախության կարեւոր հիմքերից՝ «Երրորդի բացառման» օրենքը: Սա ոչ այլ ինչ է, քան վերադարձ դեպի միջնադարյան մտածողություն՝ ինչպիսի զգեստավորման տակ էլ հանդես գա՝ ռուսամոլության թե արեւմտամոլության: http://ilur.am/news/view/16166.html #մեջբերում #Ուստա֊Հրանտ #Ռաֆայել֊Իշխանյան

բնօրինակ սփիւռքում(եւ մեկնաբանութիւննե՞ր)