ահագին տառապեցի, որ աշխատեցնեմ postmarketos֊ում amazfish֊ը։ ինչպէս զգացւում ա ծրագրի անուանումից, այն ի սկզբանէ ստեղծուած ա sailfish֊ի համար։
ու ի պատիւ ադամ փիգզին, պէտք ա նշել, նա ջանք դրեց եւ ստեղծեց ինտերֆէյսի եւս մի տարբերակ, որ sailfish֊ի սեփականատիրական silica կոմպոնենտներին կպած չի։
այդ պատճառով, մէկը փաթեթաւորել ա յաւելուածը alpine֊ի համար։ ես յիշում էի, որ այն ժամանակին օգտագործել եմ, բայց էս անգամ ոչ մի ձեւ չուզեց աշխատել։
տառապեցի, տառապեցի, փիգզը չաթում ասաց՝ լոգերը տեսնենք։ բայց նա առաջարկում էր լոգերը նայել journalctl֊ով, systemd֊ի լոգերը։ իսկ postmarketos֊ը systemd չունի՝ openrc ա։ ասում ա՝ ոչինչ, ապա syslog եմ գրում, չկա՞յ ոչ մի բան /var/log/messages֊ում։ ասում եմ՝ չկայ, էդ ֆայլն էլ չկայ։
ես ունէի ինչ֊որ /etc/init.d/syslog, ու այդ սերուիսը սթարտ եղած էր, տեղակայեցի ինձ gentoo֊ից ծանօթ syslog-ng֊ն՝ ստեղծեց messages֊ը, բայց բան չգրուեց իր յաւելուածից, կամ դրա դեմոնից։ տեղակայեցի rsyslogd — ոչ մի արդիւնք։
նշեցի դեմոնը՝ /usr/bin/harbour-amazfishd֊ն։ փիգզն ասում ա՝ եթէ կոնսոլից սթարտ անես՝ կը տեսնես ինչ ա գրում, ինչ ա ասում։ բայց երբ ես պրոցեսը սպանում էի, ու կոնսոլից էի սթարտ անում՝ քրեշւում էր, բողոքում էր որ չի կարողանում կպնել dbus֊ին եւ հերոսաբար մեռնում segmentation fault արձանագրելով։
դա անում էի ssh եղած, դէ որ յարմար լինի նաեւ տեքստ պատճէնել փակցնել։ փիգզն ասում ա՝ ոնց որ մի բան էն չի քո միջավայրի փոփոխականների հետ։ մտածում եմ՝ բայց ապա ինչի՞ ինքն իրան սթարտ ա լինում, ես եմ երբ սթարտ անում՝ չի լինում։
սթարտ արի հէնց հեռախօսի տերմինալից՝ եղա՛ւ։
սարքեցի սթարտափ սկրիպտ, որի մէջ գրեցի նաեւ էկրանին աշխատող կոնսոլից export հրամանով ստացուած մի քանի միջավայրի փոփոխական, ներառեալ՝ DBUS_SESSION_BUS_ADDRESS ու XDG_RUNTIME_DIR՝
export XDG_RUNTIME_DIR="/run/user/10000"
export
export DBUS_SESSION_BUS_ADDRESS='unix:path=/tmp/dbus-6vb3xFo8hf,guid=3c57d616e26d848a3e4c373563bc67df'
export DESKTOP_SESSION='gnome'
export GDMSESSION='gnome'
export SESSION_MANAGER='local/pine64-pinephone:@/tmp/.ICE-unix/3080,unix/pine64-pinephone:/tmp/.ICE-unix/3080'
export XDG_SESSION_CLASS='user'
export XDG_SESSION_DESKTOP='gnome'
export XDG_SESSION_TYPE='wayland'
/usr/bin/harbour-amazfishd
ու սթարտ եղաւ, տեսնում եմ ինչ ա գրում, բայց չի լինում, մէկ ա, ժամացոյցի հետ աշխատեցնել։ յաւելուածում պէտք ա ընտրել pair with watch, ու յետոյ ցանկից ընտրել ժամացոյցը։ երբ ընտրում էի իմ amazfit bip֊ը, այն չէր էլ ընտրւում։ կապտում էր իր տողը, իսկ մատը բարձրացնում էի՝ էլ ընտրուած չէր։
փոխարէնը պիտի նոր էկրանին անցնէր, փնտրէր ժամացոյցը, առաջարկէր ընտրեմ գտածը։
աշխատեցրի ապա harbour-amazfish-ui֊ը կոնսոլից, որ տեսնեմ, դա՞ ինչ ա ասում։
եւ գտա՛յ։
ասում ա՝
File /usr/lib/qt5/qml/org/kde/kirigami.2/PageRow,qml:916: Error while loading page: qrc:/qml/pages/PairPage.qml:2 module "org.kde.bluezqt" is not installed.
ահա՛։ qt֊ի bluetooth֊ի հետ աշխատելու գրադարանն էր պակաս։
մտածեցի, ո՞րը կը լինի այն alpine֊ում, փնտրեցի bluez apk֊ով, գտայ bluez-qt֊ն։ տեղակայեցի, վերամեկնարկեցի յաւելուած ու ամէն ինչ աշխատեց։ յէ՛յ։
հիմա մտածում եմ՝ պէտք ա փաթեթի մէյնթէյներին գրել, որ աւելացնի կախուածութիւնը։
գտնում եմ amazfish֊ը alpine֊ի կայքում՝ https://pkgs.alpinelinux.org/packages?name=amazfish*&branch=edge&repo=&arch
էս մարկօ շրոդերի վրայ կտացնում եմ՝ բան չի լինում։ անջատում եմ ջաւա սկրիպտ բլոկ անող յաւելումը՝ մէկ ա։
վերջում հազիւ գտայ սա՝
https://git.alpinelinux.org/aports/commit/?id=91ed2ff6af04fe23eecbeb7e3011b91c88fa1ecd
ու էնտեղից պեղեցի մարկօյի մէյլը։ գրեցի իրան իմակ։
երբ ասացի՝ ամէն ինչն աշխատում ա՝ մի քիչ սուտ ասացի։
ամէնը֊ամէնը չէ։ բայց դա ըստ երեւոյթին amazfish֊ի խնդիրը չի, այլ phosh֊ի։ ուրեմն, phosh֊ը գալիս ա purism֊ի կողմից գրուած chats յաւելուածով, որը, ոնց հասկանում եմ, եւ sms֊ի հետ ա աշխատում, ե՛ւ xmpp֊ի։ ու դրա ծանուցումները երեւի ինչ֊որ ձեւ սխալ են, ինչ֊որ ձեւ այլ հոսքի մէջ են։
դրանք amazfish֊ը չի բռնում, ու ժամացոյցին չի ուղարկում։ իսկ այ մնացած բոլոր յաւելուածների ծանուցումներն հաճոյքով ուղարկում ա։
էսպիսի տեսք ունի, եթէ ինչ՝
ու տէնց
#ամազֆիշ #էկրանահան #տառապանք #հաւէս #տեք #ժամացոյց #գրանցամատեան #կարգաւորում #ծանուցում
վերջին օրերի ռուսաստանին վերաբերող լրահոսը ահաւոր սիւր ա՝
դէ նա կովիդն էլ էր արգելել։
դպրոցական նորութիւններ՝
դպրոցականներին շարել են ու նկարել որ ստացուի «պուտինն իմ նախագահն է» արտայայտութիւնը՝ https://t.me/TeamSobol/10676
մասնաւոր ռազմական ընկերութիւնից հիւր դպրոցում, քարոզչական՝ «կարեւոր բաների մասին զրոյցներ», դասին՝ https://novayagazeta.eu/articles/2022/10/07/v-krasnodarskom-krae-k-treteklassnikam-na-urok-v-kachestve-pochetnogo-gostia-prishel-boets-chvk-vagnera-news
յետոյ անցաւ նորութիւն որ դպրոցի կայքը ջնջել ա այդ նորութիւնը, բայց այն մնացել ա համացանցի արքիւներում՝ https://zona.media/news/2022/10/09/school
5֊րդ դասարանի աշակերտուհուն տարել են ոստիկանութիւն իր կապտադեղին աւատարի համար՝ https://www.svoboda.org/a/pyatiklassnitsu-zabrali-v-politsiyu-iz-za-razgovorov-o-vazhnom-i-avatarki/32071438.html ու https://meduza.io/feature/2022/10/09/direktor-shkoly-v-moskve-pozhalovalas-v-mvd-na-pyatiklassnitsu-iz-za-ee-avatarki-s-zhelto-sinimi-tsvetami-politseyskie-zaderzhali-devochku-vo-vremya-urokov
«պոզեր եւ սմբակներ» մսի խանութում մոբիլիզացուածներին բաժանում են խոզաճարպ՝ https://oblast45.ru/publication/50426
իսկ գորնօ֊ալտայսկում աղջիկներին, որ շտապ ամուսնանում են մոբիլիզացուածների հետ, ձրի «մէյքափ» են անում՝ https://t.me/mobilizationnews/981 (սա, ոնց որ, ասում են, կառավարական աղբիւր ա, զգօ՛ն)
իսկ եակուտիայում կազմակերպել են ազգային պարեր զօրակոչուելու առթիւ՝ https://t.me/sakhainformbiuro/12321
կոմունալ վճարումների հետ գալիս են զօրակոչուելու ծանուցագրեր՝ https://t.me/mobilizationnews/1474 — տնային կառավարումը օգնում ա զինկոմներին։
ինչ֊որ նորութիւն էր անցել, որ դասատուներին էին կցել այդ կարեւոր գործին՝ դուռ առ դուռ գնալու եւ ծանուցագիր բաժանելու։
իսկ ահա այլ լուր՝ տնային կառավարիչների մասին, կրկին՝
կոմունալշիկներին հաւաքել են որ իրենց տան ծանուցագրերը, նրանք էլ գնան տներով ու բաժանեն, բայց փոխարէնը հէնց իրենց են տուել ծանուցագրեր ու տարել բանակ՝ https://istories.media/news/2022/10/06/kommunalshchikov-zastavili-vruchat-povestki-zhitelyam-a-zatem-mobilizovali-ikh-samikh/index.html
ծանուցումները բաժանել են նաեւ սայլակի օգնութեամբ տեղափոխուող, ցածր շարժունակութեամբ մարդու՝ https://t.me/mozhemobyasnit/13759 — իսկ սա այդ մարդու գրառումը՝ https://vk.com/wall303923752_1364
պետդուման հագել ա բոհեմիայի եւ մորավիայի (այդպէս էին կոչում գերմանացի օկուպանտները չեխոսլովակիան) դրօշ՝ https://t.me/chtddd/55585
եկար պոլիկլինիկա՝ ահա քեզ ծանուցում՝ https://t.me/chtddd/55849 եւ https://fontanka.ru/2022/10/07/71717438/
#սիւր #նորութիւններ #լուրեր #զօրակոչ #ծանուցում
https://www.youtube.com/watch?v=02mIRnPJm6g
մարդկանց համար փախուստը դէպի դեբիլախօս նրանից չի, որ «խելախօսը» վատն ա, չարն ա, իրանց ծանուցումախեղդ ա անում։
էդ խելախօսը չի ծանուցումախեղդ անում։
խելախօսը՝ դասական, ֆոն նոյմանի ճարտարապետութեան համակարգիչ ա։ ունի օպերատիւ յիշողութիւն, ունի ծրագրերի պահոց, ունի պրոցեսոր։ ծրագիրը բեռնւում ա պահոցից՝ օպերատիւ յիշողութիւն եւ կատարւում ա։
սարքն ունի մարդու համար հաղորդակցուելու միջոցներ՝ stdout՝ էկրան, եւ stdin՝ հպէկրանի ստեղնաշար։
բա ի՞նչ ա եղել որ մարդիկ չեն ուզում համակարգիչ օգտագործել։ արդե՞օք երկաթի մէջ ա խնդիրը։
խնդիրը ծրագրակազմն ա։
էդ ծրագրակազմն ա որ մանիպուլատիւ ա։ էդ ծրագրակազմն ա որ ծանուցումախեղդ ա անում։ էդ ծրագրակազմն ա որ ներգրաւում ա։
ի՞նչ ծրագրակազմ։ փակ ծրագրակազմ։ ոչ ազատ ծրագրակազմ։ սեփականատիրական ծրագրակազմ։ ոչ էթիկ ծրագրակազմ։
մարդիկ ուզում են լինուքսով (կարդա՝ ազատ ծրագրակազմով) հեռախօս, իսկ յետոյ բողոքում են որ դրա վրայ չունեն պայմանական «ինստագրամի» յաւելուած։ ու չեն օգտագործում։
բա էլ ինչի՞ էիք ուզում ազատ ծրագրակազմով սարք։
իմ կինը չունի լրիւ ազատ ծրագրակազմով հեռախօս։ նա ունի գուգլի անդրոիդով հեռախօս։
երբ սկսում ես գուգլի անդրոիդ օգտագործել, նա հաշիւ ա պահանջում, որ «փլէյ սթորն» աշխատի։
գուգլի անդրոիդի մէջ նախապէս դրուած էր «ֆէյսբուքի» յաւելուած։ բայց այդ անդրոիդը ձեռքից չի բռնել, չի ստիպել մուտք գործել ֆէյսբուքի յաւելուած։
այդ անդրոիդը ձեռքից չի բռնում ու չի ստիպում ունենալ «թուիթերի» կամ «ինստագրամի» յաւելուած։
այդ անդրոիդն ունէր պոդքաստներ, ու նա այդ ծրագիրն օգտագործում էր։
սա ամէնը՝ առանց իմ ազդեցութեան։
ես ապշում էի, որ տեսնում էի՝ նստում ա սրճարանում ու հեռախօսի մէջ չի նայում։ տէնց մենակ նստում էր, սուրճ էր խմում, ու ոչ մի բան չէր անում։ կամ իջնում էր իր նկուղը, ժամերով փայտի գործ էր անում։ գործիքներին շատ լաւ ա տիրապետում։ գործիքներից հասկանում ա՝ ես չեմ հասկանում։ վաչագանի գրապահարանը առանց իրա չէինք հաւաքի։ (:
հեռախօս օգտագործում էր նկուղում՝ երբեմն նոյն դինջերի գործն էր դնում, մի օր լուփով լսում։ ահագին յուզիչ էր դա ինձ համար։
իմ ազդեցութիւնն իր համար ինտերնետացնող էր։
իմ ազդեցութիւնն այն ա, որ իր հեռախօսի մէջ կայ fdroid ու կայ conversations։
ու ծանուցում ա գալիս ինձնից։ ծանուցում ա գալիս մեր ընկերներից։
իմ ազդեցութիւնն ա, որ երբ գործնական «զում» միթինգները չեն աշխատում, առաջարկել եմ «ջիթսի» փորձեն, ու դա իրենց մօտ աւելի կայուն ա աշխատում։
ո՞րն ա խնդիրն այդ հեռախօսի։ շատ օգտակար սարք ա։
նոյնիսկ գուգլի անդրոիդով հեռախօսը՝ օգտակար սարք ա։ էդ դուք էք որ դնում էք իրա մէջ ինչ ասես, յետոյ էլ բողոքում էք, ու հեռախօսից հրաժարւում։ (դուք ասելով նկատի ունեմ յղածս տեսանիւթի դեբիլախօս անցնողներին)
ես իհարկէ, գուգլի անդրոիդ չէի քշի։ ես եթէ անդրոիդին սովոր մարդ լինէի՝ կընտրէի սարք, որի վրայ հնարաւոր կը լինէր անդրոիդի որեւէ ազատ բիլդ տեղակայել՝ ասենք թող դա այսօր լինի լինեէյջը։ ու իհարկէ առանց gapps։ ի՞նչ իմաստ ունի տեղակայել լինեէյջ, որ յետոյ gapps դնես։ (հա, լինեէյջը գոնէ թարմանում ա, իսկ արտադրողի անդրոիդն էդքան չի թարմանում։ բայց դա կրկին՝ ազատ ծրագրակազմի մասին ա)
այն օրն էլ գործընկերոջս հետ էի խօսում, ասում էր՝ չեմ կարող կենտրոնանալ, չեմ կարողանում գործ անել, հա ուզում եմ բացել թուիթերում նայել ինչ եղաւ, չեմ կարողանում առանց իմ հոսքերի, բայց ինձ վատ ա դրանից։
« — բժիշկ, երբ ես այսպէս եմ անում ինձ ցաւում ա։
— մի արա էդպէս։ »
դրանից էլ հեշտ բա՞ն։
իսկ ի՞նչ անել։
ունենալ գրքի ընթերցիչ հեռախօսի մէջ։
ունենալ ռսս ընթերցիչ հեռախօսի մէջ։
դուք չէք հաւատայ, բայց ինձ համար հեռախօսի մօտ ժամանակը՝ ընթերցելու ժամանակն ա։
կամ feeder֊ն եմ բացում, լուսանկարչութեանը վերաբերող հոսքեր եմ կարդում։
կամ գիրք եմ կարդում։ ես գիրք հեռախօսով եմ կարդում։ շաաատ հազուադէպ՝ ընթերցիչով։ (ինձ, երեւի պէտք ա A4 կարդալու ընթերցիչ, որ ընթերցիչին կպնեմ՝ թղթեր լինի կարդալ։)
պառկում եմ քնելու, մի քիչ կարդում եմ, նոր եմ քնում։
դա կարգչի մօտ ա, որ եօթիւբ կը դիտեմ, որ ծմակուտ կը մտնեմ։ բայց դա էլ վատ չի։
ու ի դէպ՝ ծմակուտում ես չունեմ լայք։ ու չունեմ ծանուցում։ ծանուցում միայն մէյլով ա ուղարկում։ ինչի՞ ա էդպէս։ զի ջէյսընը «սոշըլհոմն» ինքն իր համար ա գրել։ մարդը չի ուզում ինքն իրան մանիպուլացնի ու ինքն իրան ներգրաւուի։ որ ինքն իր վրայ փող աշխատի՞։
ինձ էջը ծանուցում չի ուղարկում։ սերուերը որ փոխեցի՝ մի ամսից շատ ծմակուտի ծանուցումները մէյլով չէին էլ աշխատում։ դէ չէին աշխատում՝ ոչինչ, աշխարհը չփլուեց։ էդպէս ապրեցի, մինչեւ ժամանակ գտայ խորանալու, ուղղելու։
ուզում եմ կարդալ՝ բացում եմ էջը կարդում եմ։ ու նէնց չի լինում, որ ամբողջ օրը նստեմ թարմացնեմ։
ու իսկապէս, արդե՞օք պէտք ա այդ «լայքը»։ ինձ ա պէտք լինում, կուզէի երբեմն մարդուն իմաց տալ որ «էմփաթայզ» եմ անում, բայց ոչինչ՝ ես չունեմ էմոջի ստեղնաշար ու դրա կուլտուրա, կամ բառեր կը գտնեմ, կամ չեմ գտնի, չեմ ասի։ հասկացողը կը հասկանայ որ լաւ եմ վերաբերւում։ համ էլ բոլորին էլ լաւ եմ վերաբերւում։ ես չեմ ճանաչում նէնց մարդ որ վատ վերաբերուեմ։ ոչ մէկի հետ կիսելու բան չունեմ։ մրցակցութիւն չեմ հասկանում։ ես ուզում եմ ինչ֊որ բաներ ստեղծուած լինեն։ եթէ չկան՝ ստիպուած անում եմ։ դէ հաճելի էլ ա անելը։ ու լաւ, էստեղ էլի ասեմ, որ ինձ մրցոյթներն բացարձակապէս չեն հետաքրքրում։
յ․ գ․ ես երբ մենակ եմ, հեռախօսի մէջ մտնող մարդ եմ։
երէկ տանը չէի, լափթոփը հետս չէր, դրոիդ4֊ով .bashrc էի խմբագրում, յարմարաւէտ alias֊ներ էի սարքում, որ սերուերիս ֆայլային համակարգը կպցնեմ ու անջատեմ։ ես շատ շփուող եմ։ ու ես շատ սիրում եմ չաթեր կարդալ։ արթնանում եմ, գիշերուայ խօսակցութիւններն եմ կարդում։ էդ ինձ շատ զարգացնում ա, ես շատ բան եմ սովորում այդ չաթերի մարդկանցից։ լիքը հետաքրքիր մարդկանց հետ եմ ծանօթ։ մէկ մէկ էլ (հազուադէպ) ես եմ ինչ֊որ բան իմանում ու օգտակար եմ լինում։ կամ անկապ խօսում ենք։
իթ չաթն ինտերնետի մարդկանց մօտիկացնում ա, իրար գլխի ա հաւաքում, քաղաքի պէս ա դարձնում։ երբ ես չաթում եմ՝ ես իմ քաղաքի կենտրոնում եմ։
ամէն մէկս ունի իր քաղաքը ինտերնետում։ ոչ մէկի քաղաքը միւսի քաղաքի պէս չի։
#համացանց #քաղաք #ծանուցում #կախուածութիւն #դեբիլախօս #խելախօս #հեռախօս #համակարգիչ #կարգիչ #ազատ_ծա #ազատ_ծրագրակազմ #ծրագրակազմ #ազատութիւն
շատ կարեւոր յղում՝ https://dontkillmyapp.com/
այն մասին ինչպէս ամէն տեսակ անդրոիդ համակարգին համոզել, որ յաւելուածը չսպանի։
#անդրոիդ #յղում #ծանուցում
էն օրը շեքսպիրի ու վաչագանի հետ էինք խօսում, փեբլներով հիանում, ու վաչագանն ասաց՝ ես չեմ ուզում ծանուցում գայ ինձ։
ու որ խառը խօսում էինք՝ չհասցրի ասել՝ ես էլ տանել չեմ կարող ծանուցումներ։
այդ պատճառով իմ կոմունիկատոր սարքը չի ստուգում իմ պաշտօնական մէյլը, իսկ դէ ջաբերում էն մարդիկ են, որ գրեն՝ կուզեմ ստանալ։
էնպէս չի որ ում գիտեմ՝ ջաբեր են օգտագործում։ ֆբ մեսինջեր չի ու ծելեգրամ չի, որ շատերն ունենան։
ու հեռախօսս ստուգում ա իմ գաղտնի մէյլը, որը մենակ ընկերները գիտեն։ ոչ սպամ ա գալիս էնտեղ, ոչ լոմոգրաֆիի նամակ, ոչ լայն շրջանակից նամակներ։ էդ հասցէով երեւի շաբաթը մէկ եմ նամակ ստանում։
իսկ «պաշտօնականը» կարգչով եմ լոկ ստանում, երբ ուզում եմ՝ թանդըրբրդի մէջ եմ նայում։ ու ի դէպ թանդըրբրդի ծանուցումներն էլ անջատած են՝ չեմ տեսնում որ եկաւ նամակ։ պիտի ինքս գնամ նայեմ թանդըրբրդի պատուհանին։ որը օրը մի քանի անգամ անում եմ։ բայց ոչ շատ՝ մի քանի անգամ։
#համացանց #ծանուցում #ծանուցումներ #առօրեայ
ֆլիքրը որոշեց ինձ վեց տարուայ ծանուցում ցոյց տալ։
#ֆլիքր #էկրանահան #ծանուցում
ծանուցումախեղդ։
#մատրիքս #սէյլֆիշ #էկրանահան #անկապ #թեստ #ծանուցում
մտայ լքուած ջոյնդիասպորայի հաշիւ։ ուշադրութիւն, հարց՝ քանի՞ ծանուցում պէտք ա ունենամ։ (:
#էկրանահան #ծանուցում