ֆրինէթի ժամանակներում, կարգիչս ունէր այսպէս կոչուած «սոֆթ» մոդէմ, որի գործառոյթների զգալի մասը իրականացւում էր ծրագրակազմով, ոչ թէ «երկաթով»։ ու երբ «ուինդոուս էքսփլորերի» սքրոլ բառից բռնում էի, քաշում էի, կարգչի ռեսուրսները չէին հերիքում, անջատւում էր կապը։
դրա պատճառով (նաեւ նրա պատճառով որ պէտք էր հեռախօսի գիծն ազատ պահել ծնողների համար), ես աշխատում էի՝ ինչ֊որ ծրագրիկներ էի փորձում գրել, կամ կայքիկներ պատրաստել, անցանց, միաժամանակ կապի մէջ չէի։
ու դա ինձ ահագին չշեղուած էր պահում։
էս քանի օրը ես անցանց եմ, զի գործի չեմ՝ պահանջ չկայ։ ստեփանաւանում դէ կարիք էլ չունէի, ում հետ ուզում էի շփուել՝ շուրջն էին։ իսկ երեւանում, այսօր, որ գործի չեմ, էնքա՛ն յաճելի ա որ չպէտք ա կպած լինեմ ցանցին՝ երբ կը լինեմ վայֆայ տիրոյթում՝ կը լինեմ, չէ՝ չէ։
ու նաեւ յաճելի ա որովհետեւ «իրանք» չգիտեն ես այս պահին ուր եմ։ կամ ես չէ՝ էս եսիմում անունով քարտը, որ իմ վայֆայ ռաութերի մէջ ա։
ու տէնց։
#անկապ #անցանց
ուզում եմ ասել, վերջին ցանցառների այս մասը, այստեղից սկսած որ դիտէք՝ էնտեղ պատմում եմ, ու քննարկում ենք շշուկի հաղորդակարգը, որ թոյլ ա տալիս ոչ թէ ապակենտրոն, այլ բաշխուած հաղորդակցութիւն։
կարճ ասեմ՝ քո տեղեկատւութիւնը քո սարքի մէջ ա։ տարածւում ա ընկերներիդ, եթէ հանդիպում ես իրենց նոյն վայֆայ տիրոյթում, ու ձեր սարքերը սինք են լինում։ կարող էք նաեւ չաթ անել այդպէս, մի տիրոյթում, յղում ուղարկել իրար, ձեր յղումը սարքից սարք ա գնալու, սերուեր պէտք չի։
եթէ մի ֆիզիկական տիրոյթում չէք՝ կարող էք կապի մէջ լինել կպնելով այսպէս կոչուած «փաբ» սպասարկչի։ որը իրականում մարդու, կոնտակտի պէս բան ա։ ու ապա փաբ սերուերը առանց տեսնելու փակ գրառումները, կը կարողանայ կապել քեզ ու ընկերներիդ։
ամենակարեւորը՝ եթէ աած֊ն, յանցաւոր էլեմենտները, ով ուզում ա լինի՝ գողանայ սպասարկիչը, կամ անջատի սպասարկչի լոյսը, ինտերնետը՝ բան չի փոխուի՝ ձեր տեղեկատւութիւնը, բովանդակութիւնը՝ ձեր սարքի մէջ ա։ կարող էք կպնել այլ «փաբ» սերուերի, ու սինք լինել ընկերների հետ։
վատ կողմն այն ա, որ ստիպուած ես ընկերներիդ կիսածները պահել հէնց քո սարքում։ ու դա տեղ ա զբաղեցնում։
անդրոիդի յաւելուածը կոչւում ա manyverse — այն, որը ես փորձել եմ։ վախենում եմ որ մի քիչ ներդի ա «սովորական» մարդու համար։ այօսի համար կայ planetary յաւելուածը։
կարգչի համար կայ patchwork֊ը։ բայց ինքնութիւնդ չի կարող լինել նոյնը՝ երկու սարքերում, օրինակ՝ կարգչում ու հեռախօսում։ տարբեր հաշիւներ են դրանք։ դա էլ շատ լաւ կողմ չի։ բայց շատ լաւ կողմ ա այն, որ քեզ բան անել հնարաւոր չի մինչեւ ամբողջ աշխարհը քեզ բան չանի։
ուզում եմ ասել՝ փորձէք, խնդրում եմ։ իսկ ես ձեզ կարող եմ տալ իմ փաբ սպասարկչի հրաւէր։ բայց իմը կարեւոր չի՝ կարելի ա ցանկացած այլ փաբ սպասարկչով օգտուել։
#շշուկ #ապակենտրոնացում #համացանց #կապ #անցանց #առցանց #տեք #համայնք
