ափթայմը։
#էկրանահան #ժամանակ #տերմինալ #տեք #կոնսոլ
ափթայմը։
#էկրանահան #ժամանակ #տերմինալ #տեք #կոնսոլ
ուրեմն, տարսոնացի ալիծը (ալիսը) կիլիկիայի լեւոն գ թագաւորի դուստրն էր երկրորդ կնոջից։ յայտնի ա, որ լեւոն գ֊ն էլ ա գնահատել գրականութիւնը եւ սատարել գրողներին, նաեւ որ ինքը գրում էր։ օրինակ, նա դարձել էր տաթեւի միաբանութեան անդամ, եւ այդ իր ցանկութիւնն արտայայտուած ա իր բանաստեղծութեան մէջ։
սա ալիծի բանաստեղծութիւնն ա, որի մէջ նա ասում ա, որ իր սիրտը կը շահի նա, ով կը կարողանայ իրեն նման ձեռագրով գրել։
վերջը ̶ա̶լ̶ի̶ծ̶ի̶ն̶ ̶ա̶մ̶ո̶ւ̶ս̶ն̶ա̶ց̶ն̶ո̶ւ̶մ̶ ̶ե̶ն̶ ալիծն ամուսնանում ա վրաց թագաւորի որդու՝ դաւթի հետ, որը դժուար թէ այնքան ճարտար էր որ կարող էր ալիծի հայերէն ձեռագիրը կրկնօրինակել։
Նա է իմ տեսոյն արժանի, ով ոք որ…
Ասեն, թէ էր կոյս մի ի Տարսոն, եւ անունն Ալիծ, որ եւ
նա էր գրագիր յոյժ հմուտ։ Գրեաց զայբուբենս եւ ասաց,
թէ՝ Ով ոք որ սմա նմանեցընէ, նա՛ է իմ տեսոյն արժանի։
Որ եւ գրեալ՝ բերին զերկուքն։ ոչ հաւանեալ՝ ասէ․
Ծայրն Ձա֊ին, ծակն Ծա֊ին՝
Չի՛ նմանիր գիրն Ալիծին։
Եւ դարձեալ ասէ վասն ուզողացն, թէ՝ Ով որ գրէ
Զծայրն Ձա֊ին, զծակն Ծա֊ին,
Նա՛ կու լինայ փեսայ Ալիծին։
Եւ ոմն ի նոցանէ գրեալ եդիր, եւ հաւանեալ ասէ․
Ծայրն Ձա֊ին, ծակն Ծա֊ին՝
Կու նմանի՛ գիրն Ալիծին։
#բանաստեղծութիւն #արուեստ #ալիծ #ալիս #սէր #գիր #տարսոն #ձ #ծ #ձա #ծա #փեսայ #գրագիր
վայ, ես ժամանակին էնն էփլբաումի հոսքը թուիթերից բերում էի spyurk.am որ հետեւեմ։
հիմա նա եկել ա դաշնեզերք։
#դաշնեզերք
վայ, ես ժամանակին էնն էփլբաումի հոսքը թուիթերից բերում էի spyurk.am որ հետեւեմ։
հիմա նա եկել ա դաշնեզերք։
#դաշնեզերք
երեխային առակների գիրք են ձեռք բերել, այն սկսւում ա եզոպոսի գործերով, բայց այլ հեղինակներ էլ կան։
իսկ վերջում եզրակացութիւն են գրում, չհասկացողների համար։ (:
ասում ա՝ իսկական բարեկամները ճանաչւում են վտանգի պահին։
նաեւ, իսկական չբարեկամները։
#հապկ #անվտանգութիւն #քաղաքականութիւն
երեւի «թուիթերոտ» մշակոյթում, ի տարբերութիւն «դիասպորայոտի», կարելի ա առանձնացնել հիմնական երեք կէտ՝
— գրառումն ու մեկնաբանութիւնը մի տեսակ հաւասար կարեւորութիւն ունեն։ կարելի ա մեկնաբանութիւնը տարածել ու կարելի ա այն տեսնել վերեւից, հոսքում։
— դա ներգրաւուող «ֆիչըր» ա՝ տեսնում ես մեկնաբանութիւնը հոսքի վերեւից։ եթէ մեկնաբանած լինէին երեք ամիս առաջուայ դիասպորայի գրառում, որին դու չես մասնակցել՝ չես ստանայ որ մի բան։ գուցէ տեսել ես այդ գրառումը, բայց լռելեայն դու դրանից թարմացում չես ստանայ՝ պիտի զանգակը սեղմես որ ստանաս։
— «թուիթերոտ» վիճակը նման ա ժամանակակից չաթի։ պարզապէս թարմացումները վերեւից են երեւում։ ու շղթաներ կան՝ երեւում ա ով ինչին ա պատասխանել։ սովորական չաթում դա երբեմն բարդ ա հասկանալ։
ի դէպ, եթէ լինէր հասկանալ, սովորական չաթի լոգերից կը լինէր գեներացնել թուիթերոտ վիճակի հոսքեր։ բայց երեւի պէտք չի։
#մշակոյթ #համացանց #թուիթեր #դիասպորա #մաստոդոն #տեք
երբ սկսեցի մարդկանց հետ կիսուել, ասել ինչքան եմ երազում գիւմրում ապրել, զարմացայ ստանդարտ արձագանքից։
ես չգիտէի, որ երեւանցիների մէջ էլ կայ այդ մայրաքաղաքային սնոբիզմը։ նոյնիսկ արուարձանների երեւանցիների մօտ։
հէնց այլ քաղաքի մասին լուրջ խօսում ես՝ թռնում են դէմքիդ, ասում են՝ «չէէէէ, դու չգիտես, էդ դու սէնց ու հիմա ես ասում, բա որ հիւանդանո՜ց պէտք լինի, բա դպրոցնե՜ր չկան էնտեղ» եւ նման բաներ։
ու ես մտածեցի՝ երեւի սփիւռքահայերն էլ, երբ հաւաքւում են, ու մէկը փորձում ա խօսք գցել որ միտք ունի հայաստան տեղափոխուելու, իրեն նման բաներ են ասում՝ «չէէէէ, դու չգիտեեեես, էնտեղ սա չկայ, նա չկայ», ասենք ինչպէս մոսկուացիներն են բողոքում որ մեր ուտելու տեղերում ինչ֊որ բաներ չկան։
ու ես հա մտածում եմ՝ բայց մենք ապրում ենք չէ՞։
ինձ վաղուց կանչել էին մատրիքսի ինչ֊որ հայաստանի վերաբերեալ չաթ։ էնտեղ հիմնականում սփիւռքահայեր են, ու անգլերէն մտորում են, խորհում են հայաստանի մասին։
ու ես չգիտեմ, իրենց հետ ի՞նչ խօսել։ չկայ խօսելու բան։
միայն մի բան ունէի ասելու, վերջերս մտայ, վերջապէս, եւ գրեցի՝ մարդիկ, ի՞նչ էք ստեղ գրում։ ուզո՞ւմ էք ռեալ օգուտ տալ՝ եկէք ստեղ ապրէք, հաց առէք խանութից։ դա կը լինի ձեր լուման։ էն ա, պարզուեց հարիւր հազար մարդ էլ չեկաւ՝ հնա֊ն բարձրացաւ։ բա որ մի միլիո՞ն գար։ կամ չգնար։
ու զգացի որ կասեն՝ բա ո՞նց էնտեղ ապրել։ ասացի՝ մենք մի ձեւ ապրում ենք չէ՞։ դէ դուք էլ մի ձեւ չէք մեռնի։ կը դիմանաք։ ուրիշ ասելիք չունեմ։
ու գնացի։
ու յետոյ երբ կպայ, կարդացի որ մէկը լայքել ա, ու գրել ա որ դէ չէ, էդ իր համար շատ ա, ինքը կը մնայ եւ կը պայքարի իր այլ հայրենիքի համար։
ինչեւէ։
#երեւան #մայրաքաղաք #սփիւռք #անկապ