վեհ չդարձայ, շարունակում եմ սայֆայ կարդալ։ (: #ֆանտաստիկա #գիրք
վեհ չդարձայ, շարունակում եմ սայֆայ կարդալ։ (: #ֆանտաստիկա #գիրք
ուրեմն մի անգամ աչաջուրի մօտ կանգնած թէյ էի խմում, մէկ էլ մի աղջիկ մօտեցաւ, նստեց կողքս պարկած մեքենայի մէջ, ու այդ աղջկայ ողջ կերպարը ահաւոր գրաւիչ էր, քանի որ նա անկեղծելի անկախ էր, ու էդ որոշ մեր փաբերի աղջիկների կեղծ անկախութիւնը չէր, էդ ամէն շարժման մէջ էր, կերպարի մէջ էր, լրիւ ներծծուած էր անկախ ու ինքնուրոյն լինելով, ու ես յիշեցի որ ես իրան գիտեմ, նա պարսկահայ է, ու իմ ընկերոջ քոյրն է, ու հայաստանում էլ չի ապրում, թեհրանցի է։
նա տենց սպանիչ կարճ մազեր ունէր, գժանոց հագնուած էր, ահաւոր ինքնավստահ եւ փորձառու մեքենան հանեց ու գնաց, ու ես մտածեցի, որ իրանը չնայած այդքան ոչ ազատ երկիր ա, մէկ ա այնտեղ հնարաւոր ա այսպիսի մարդիկ մեծանան, ձեւաւորուեն, իսկ տեղացի այսպիսի աղջիկ ես պարզապէս չգիտեմ ու չեմ պատկերացնում։ մեր սովետական ժառանգութիւնը ահաւոր ներծծուած է բոլորիս մէջ, եւ նրանց մէջ ով սովետը չի սիրում շատ կայ, ու ես գիտեմ որ իմ մէջ էլ կայ, ես էլ դրանից ունեմ, ու ես էլ եմ որոշ չափով սոց֊ռեալիստական։
ու երբ խօսում են կապիտալիզմի մասին, որ ճնշում ա կանանց, ես գիտեմ, որ իրենք չգիտեն որ էդ կապիտալիզմի ժամանակ ա, երբ հնարաւոր է որ ձեւաւորուեն անկախ եւ ինքնուրոյն մարդիկ։ պարտադիր չի բայց հնարաւոր է։
հ․ գ․ իսկ վերջերս թուիթերում մէկը գրել էր էն շաբլոն թեմայից, թէ ո՞նց անեմ, որ ծնողներս կեանքիս մէջ իրենց քթերը էդքան չխոթեն ու չասեն ոնց ա ճիշտ ապրելը։ ու ես պատասխանեցի, բայց նրան չհասաւ, որ իմ կարծիքով դա դէ ֆակտո եւ դէ իւրէ անկախ եւ ինքնուրոյն լինելն ա։ ու դա ոչ բաւարար պայման ա որ քո՝ շփման ձեւաչափը ընդունուած լինի, ուր ոչ մէկդ միւսի սահմանը չէք անցնում։
ես շատ եմ շփւում դրսի մարդկանց հետ, բայց էդ շփումը բաւարարութիւնն տուող չի լինում սովորաբար, քանի որ մենք իրար դժուար ենք հասկանում։ ամենապարզ օրինակը որ հիմա մտքիս եկաւ որ ցոյց տամ՝ արտագաղթն է։ եթէ ես յայտնեմ, որ մտահոգուած եմ հայաստանից արտագաղթի չափսերով, դրսի մարդը սովորաբար կասի թէ դա խնդիր չի, շատ լաւ ա, ով ուր ուզում ա թող ապրի, նաեւ շեշտելով իր՝ միգրանտներին հանդուրժող եւ առաջադէմ վերաբերմունքը։ ու արի իրան կէս ժամ բացատրի որ ես չեմ ուզում երկրից ելքն արգելուի, բայց էդ լուրջ խնդիր ա մեզ բոլորիս համար։
եւ նոյն պարլամենտական համակարգն է իրեն լաւ քայլ թուալու, եւ դպրոցում շախմատ անցնելն է հիացնելու, եւ նա չի ջոկում որ մեզ մօտ աւելի ֆեոդալիզմ ա քան կապիտալիզմ, ու իր չտեսած սովետի լուծումներին կը կարօտի, եւ կապիտալիզմը կը մեղադրի կանանց ճնշուած պահելու համար, չիմանալով ինչ ֆարսի է վերածուել ասենք մարտի ութը սովետում։ (այստեղ ուզում էի մի տեքստիս յղուել ու հասկացայ որ այն չեմ գրել, էսա գրեմ)։
ու նենց ա որ եթէ նա փաստարկներդ հասկանայ էլ, մէկ է չի իւրացնի։ նա պէտք ա ստեղ երկար ապրի, թաթախուի էս կեցութեան մէջ, ու իզոլացուած չլինի դրսի մարդկանց պղպջակում այս իրականութիւնից, որ սկսի քիչ թէ շատ զգալ ու իւրացնել այն ինչ դու իրան ընդամէնը բացատրելով երբեք չես հասցնի։
#կեցութիւն #շփում #արտագաղթ #
էս ցուցահանդէսը փակել են, իսկ խսհմ զինանշանով նոստալգիկ ցուցահանդէսը փարպեցու վրայ արդէն մի տարի ա բաց ա։
#արտագաղթ #փողոց #արուեստ
առաւօտ՝ https://www.youtube.com/watch?v=wsxFsiIVEBI #լսելիք
մտածում եմ որ ես ճանաչել եմ թուիթերն ու ինստան։ ես չէի ճանաչում դրանք, դիւանագիտական յարաբերութիւններ չունէի, քանի որ ես այդպէս արտայայտւում էի դրանց իշխող վարչակարգի, ներքին եւ արտաքին քաղաքականութեան դէմ։
սակայն բացի վարչակարգից այնտեղ նաեւ կան քաղաքացիներ։ ու այսօր ճանաչելով թուիթերը ես նաեւ ճանաչում եմ դրա քաղաքացիներին։
տարօրինակ իրավիճակ ա, երբ սոցիալիստական, կենտրոնացուած կառավարմամբ երկրում մարդիկ աւելի լաւ են իրենց զգում քան ազատական, բայց ես իհարկէ հասկանում եմ պատճառները, ու մասնաւորապէս մէկը՝ կորպորացիաները իրար հետ մրցում են ու ունեն ռեսուրսներ աւելի լաւը կամ գոնէ գրաւիչը լինելու։
ես երեւի թուիթերի քաղաքացիութիւն չունեմ, ընդամէնը մուտքի վիզա, կամ եթէ եւ ունեմ, մէկ է հիմնականում սփիւռքից եմ հեռարձակում, իսկ այնտեղ գնում եմ շփուելու, մեզ մօտ բնակչութիւնը քիչ ա։
ամէն դէպքում հիմա ես գիտեմ այն մարդկանց քանի որ ճանաչում եմ թուիթերը։ ու մենք ունենք կապ, չնայած իրենք իհարկէ մեզ մօտ շատ չեն այցելում։ հետաքրքիր տեղ չենք զբօսաշրջիկների համար։
իսկ նրանք ով գալիս են այստեղ ապրելու, չեն էլ սիրում այցելութիւններ։ գալիս են ոչ թէ որովհետեւ ասենք նիւ֊եօրքի պէս աշխոյժ տեղ է, այլ որովհետեւ կորած գիւղի պէս՝ հանգիստ եւ աշխարհից կտրուած։
#սփիւռք