այսուհետ փակ գրառումներին չեմ պատասխանելու։ ջանքս ափսոս ա։
այսուհետ փակ գրառումներին չեմ պատասխանելու։ ջանքս ափսոս ա։
https://www.youtube.com/watch?v=75R6VDAkBno
#լտպ #հարցազրոյց
դէ ակնյայտ ա որ բան են ուզում մեզնից, որ չենք տալիս։ արդէն քանի ամիս ա։
ու տէնց աւելի շատ են բզում, որ ուշադրութիւն գրաւեն։ ոնց որ ուշադրութեան պակաս ունեցողները։
երբ կարդում եմ «լհկ», մտածում եմ՝ լուհանսկի ժողովրդական հանրապետութիւն», չգիտեմ ինչի։ (:
ինչքան տարօրինակ չհնչի, բայց պաղէստինի ժողովրդի ամենալաւ «ընկերը» իսրայէլն ա։ եթէ ոչ պաղէստինի իշխանութիւնները, եւ եթէ ոչ համասը, եւ եթէ ոչ յորդանանը՝ վաղուց անկախ պետութիւն էին լինելու, իսրայէլի հետ հարցերը հարթելու էին, ու իրար կողք կողքի ապրելու էին։
իհարկէ շատ չէին սիրի իրար, բայց էս ձեւ չէր լինի։ ու դրա առաջին կամեցողը իսրայէլն էր։ իսկ նշածս ուժերի օրակարգը՝ իսրայէլ չլինելն ա։ կամ denial֊ի մէջ են, կամ գիտեն որ էդ անհնար ա, բայց իշխանութեան եւ զբաղմունքի համար մարդկանց մանիպուլացնում են կեղծ օրակարգով։ զի այլ բան անել չեն կարող բացի կռուից եւ կոնֆլիկտներից, իրենց այլ ձեւ իշխանութեան մէջ չեն տեսնում։
#իսրայէլ #պաղէստին
այստեղ պոբեդինսկին պատմում ա ընտրական համակարգերի եւ դրանց թերութիւնների մասին։
սկսում ա յայտնի դէպքից՝ ինչպէս չնայած հիլարի քլինթոնը ստացաւ 48.2%, 46.1% հաւաքած դոնալդ թրամփն ա անցել։ գիտենք՝ զի նահանգներ եւ ընտրիչներ։
այդ վիճակը կարելի ա ստեղծել՝ այդպէս մասաչուսեթսի նահանգապէտ էլբրիջ թոմաս ջերին փոխելով ընտրական շրջանների սահմաններն այնպէս որ իր կուսակցութիւնը գրաւի աւելի շատ տեղ սենատում, չնայած նրան, որ ստացել ա ձայների փոքրամասնութիւն։
քարտէզի փոփոխութիւնը ներկայացուել էր ծաղրանկարում սալամանդրի տեսքով
եւ նման փոփոխութիւնը ստացել ա «ջերիմենդերինգ» անուանումը։ այդ մասին նոյնիսկ կայ յօդուած «սովետական հանրագիտարանում» որն այսօր հասանելի ա վիքիում։
ընտրութիւնների ժամանակ ամենակարեւոր ու տարածուած խնդիրներից ա՝ ձայների բաշխուածութիւնը։
թոյլ թեքնածուներ, որ չունեն յաղթանակի շանս, ձգում են իրենց վրայ ձայների որոշ քանակութիւն, ինչով թուլացնում են հիմնական մրցակիցների դիրքերը, եւ խանգարում են նրանց յաղթել։
յաճախ հնչող օրինակը՝ գերմանիան ա, եւ հիտլերի՝ իշխանութեան գալը։
հիմնական թեքնածուներն էին՝ նացիստների աջակցութիւնն ունեցող պաւլ ֆոն գինդենբուրգը եւ ցենտրիստ վիլգելմ մարկսը։
չնայած քիչ շանսեր ունենալուն, եւ իր կուսակցութեան՝ ընտրութիւններին չմասնակցելու որոշմանը, առաջադրուեց նաեւ կոմունիստ էրնստ թելմանը։
արդիւնքում, թելմանը հաւաքեց 6.4%, որոնց զգալի մասը պիտի հասնէր վիլգելմ մարկսին։ մարկսը ստացաւ 45.3%, իսկ պաւլ ֆոն գինդենբուրգը՝ 48.3%, յաղթեց ընտրութիւններում, եւ նշանակեց հիտլերին՝ կանցլեր։
եթէ թելմանը չմասնակցէր ընտրութիւններին, ըստ երեւոյթին յաղթանակը (51.7%) կը հասնէր վիլգելմ մարկսին, եւ նացիստները իշխանութեան չէին գայ։
նման դէպքեր յաճախ են լինում։ ամն 1992֊ին երրորդ թեքնածուն փաստօրէն օգնեց ընտրուել բիլլ քլինթոնին տանելով 18.9% ձայն ջորջ բուշից, իսկ 2000 թուին՝ 2.7% հաւաքած երրորդ թեքնածուն օգնեց ընտրուել ջորջ բուշ կրտսերին։
այս վիճակը ստեղծւում ա ինչպէս ինքնաբերաբար, այնպէս էլ արհեստականօրէն՝ այդ դէպքում մենք ունենք գործ «սփոյլեր թեքնածուների» հետ։ ու իրենց պատճառով կարող ա յաղթել թեքնածու, որ չունի մեծամասնութեան աջակցութիւնը։
նիւթիում հետաքրքիր այլ բաներ կան, իսկ ես ասեմ որ արդէն երկու անգամ յիշում եմ ինչպէս եմ տուել ձայն ոչ հիմնական թեքնածուին, ու դրանով փաստացի սատարել իմ ամենաչսիրած քաղաքական ուժերին։
#քաղաքականութիւն #ընտրութիւններ #ժողովրդավարութիւն #մաթեմ #պատմութիւն
ինձ ծանօթներից, հետեւեալ սենեակները տեղափոխուել են լիբերա՝
ada, fpc, pascal
oberon֊ը մնաց ֆրինոդում։
freebsd, gentoo, netbsd, openbsd, plan9, inferno,
ֆրինոդում մնաց՝ helloSystem֊ը։
postmarketos, posmarketos-offtopic, maemo, maemo-leste, mer-meeting, nemomobile
սակայն, jollafanclub֊ը մնաց ֆրինոդում՝ երեւի բարդ ա տեղափոխել կապուած ալիք։
mastodon, diaspora, indieweb, indieweb-chat, scuttlebutt
ֆրինոդ՝
socialhome, thefederation
e, icewm, windowmaker
programming (երկու վանդականիշով), pidgin, darktable, lesswrong
այլ, ֆրինոդ՝
techrigths, tokipona, ու մի կոնսպորոլոգների չաթ, որի անունը չեմ կարող տալ։ իրենցով կարողանում եմ դատել, որ ճիշտ որոշումը տեղափոխուելն էր, զի իրենք ամէն ձեւ թարս են մտածում, եւ պատուաստումներին էլ են դէմ։
միւս կողմից, զարմանում եմ որ techrights֊ը մնաց։ իրենք նաեւ այս թուղթը հրապարակեցին, որը ես կարդացի, բայց չզգացի որ դա չտեղափոխուելու պատճառ ա։
մինչդեռ, gentoo.org֊ի հրապարակումն ասում ա, որ իրենց չաթերը գրաւել են ֆրինոդի աշխատողները, եւ խրախուսել են տեղափոխուել լիբերա։
ֆրինոդի հրապարակում այն մասին որ իրենք լաւն են։
ֆրինոդի նախկին աշխատողների դուրս գալու նամակներ։
յայտնի kline֊ի հրապարակումը
#համացանց #նորութիւններ