ընկերս երէկ չէ առաջ օրը աւտովթարի մէջ ա ընկել։
գիշերը, մէկոտ, գնում էր տուն տաքսիով, դիմացից եկող մեքենայի միջի մարդը, կարծես, յետոյ պարզուեց որ համ խմած էր, համ քնած։
ընկերոջս վարորդը փորձեց խուսափել հարուածից, բայց չկարողացաւ։
պատմեց, որ վարորդի ձեռքը մտել էր դիմացի պանելի մէջ, լրիւ արիւնոտ էր։
ընկերս հետեւում էր նստած, աջից՝ ամենաապահով տեղում։ նա միշտ ամրագոտի ա կապում, բայց էնտեղ հետեւում չկար ամրագոտի։
նա հասցրեց լարել մկանները, ոտքերով հպուեց դիմացի նստացանին, բայց հարուածից ամէն դէպքում թռաւ, գլուխն էլ վնասեց, ոտքերն էլ։
բայց բաւական լաւ պրծաւ։
եթէ ամրագոտի լինէր ու նա կապած լինէր՝ երեւի ոչ մի բան իրան չէր լինի։
շտապ օգնութիւնը եկաւ չորս րոպէ անց։ այն կանչեց հետեւից եկող մեքենայի վարորդը։
իրան չտարան, տարան այդ երկու մեքենաների վարորդներին։
միւս օրը նա գնաց հիւանդանոց՝ ստուգուելու, իսկ ես իրան հիւանդանոցից յետոյ վերցրի։ հիւանդանոցի մուտքը բաւական բարձր էր, ու այնտեղ լիքը լիքը աստիճաններ էին։ «սիթի» արին, ռենտգէն արին։ մի ռենտգէնի նկարը սխալ էին արել, մի հատ էլ արին։ 🤦
ու չեն ջոկել դեռ նախագծողները, ճարտարապետները, որ ոչ միայն ընդհանրապէս պէտք չեն մուտքի մօտ աստիճանները, այլ առաւել եւս հիւանդանոցի մուտքի մօտ պէտք չեն։ 🤷
բայց այս ամէնը գրում եմ մի պատճառով, որ մտքումս ա՝ եթէ ամրագոտի լինէր ու կապէր՝ ոչ մի բան չէր լինի իրան։
#անկապ #վթար #ամրագոտի #պատահար #պատմութիւն