2022-08-01-13053569

տարածքը դէ վերջն ա, ու մի քիչ փոխել էին՝ առաջ պարկէտ էր, հիմա՝ լինոլեում։

դասթի քիդը սկսեց հէնց T.R.O.T.S.O.L գործով, իմ սիրած գործերից մէկով։

այն սկսւում ա գեներալ մակարթուրի 1951 թուի ելոյթի ձայնագրութեամբ։

մենք անցանք շատ մօտ, որ իրան տեսնենք։ այնտեղ ամէն բիթի ալիքը զգացւում էր, խփում էր, ու մի քիչ աւելի ուշ, քան բիթը։ որը շեղում էր։ ու տեղափոխուեցինք պատի մօտ, կողքից։ այնտեղից նոյնիսկ էլ աւելի լաւ էր երեւում դասթիի աշխատանքը։

նա ունէր մի միդի կոնտրոլլեր, ու մի նոութբուք։ բաւական պարզ թեթեւ սեթափ էր։ ես չնկատեցի արտաքին ձայնային քարտ, ըստ երեւոյթին լափթոփի ներքինն էր օգտագործում։ հիմնականում միդի կոնտրոլերով էր նուագում, մէկ մէկ շրջւում էր դէպի կարգիչ, ու մկնիկով էր գործ անում։

մի պահ կցել էր կոնտրոլերի քառակուսի կոճակներից մէկը հարուածայինների շարքով շերտի։ մի անգամ էր սեղմում ստեղնը՝ մի հարուածային հասցնում էր ձայն հանել, ու տէնց հէնց մատով հարուածային էր միացնում (էդպէս յաճախ դիջէյները cue կոճակով են անում)։ սեղմում պահում էր՝ շարքն էր հնչում։

նուագում էր լայւ սէթ՝ ունէր տարբեր շերտեր, որոնք կարողանում էր կառավարել եւ միքսել։

միքսում էր բաւական հմուտ՝ որը հազուադէպ ա լինում երաժիշտների դէպքում։ սովորաբար երաժիշտներն իրենք իրենց գործերը լաւ միքսել չեն կարողանում, բայց նա ակնյայտօրէն լաւ պարապած էր, ու լաւ փորձ ունէր նուագելու լայւ։

մէկ մէկ լարուածութիւնը աւելացնում էր, լսում էր դահլիճի ձայները, գոհունակութեամբ ժպտում էր, ու շարունակում, բաց թողնում։

հետաքրքիր ա, որ մի երկու անգամ տուֆտեց, խառնուեց իրար։ մի անգամ՝ ինչ֊որ պտուտակ էր փակել, մոռացել էր, դէ բարդ ա, լիքը գործ ես անում միաժամանակ, յետոյ չէր ջոկում ինչի ձայն չի գալիս։ այլ անգամ՝ երեւի ծրագրակազմն էր տուֆտել, զի ոնց որ ամէն ինչ ճիշտ արել էր՝ ու իր սպասած շերտի ալիքը չէր գալիս։ ու նա տէնց շփոթուած մնաց, իսկ մի քանի վայրկեան անց ալիքը հասաւ։

ծրագրակազմը երեւի «էյբլթոն» էր, համ լաւ չէր երեւում, համ նէնց չի որ ես էյբլթոն լաւ տեսել եմ՝ միայն կողքից ուրիշների մեքենաների վրայ։

կրկնեմ, ընդհանուր շատ հմուտ էր նուագում, ու լրիւ վերջն էր ելոյթը, ահաւոր լաւն էր։ ու դէ երաժշտութիւնը իր շատ եմ հաւանում։

#լսելիք #երաժշտութիւն #միջոցառում #երեւան #տերեան

բնօրինակ ծմակուտում(եւ մեկնաբանութիւննե՞ր)

պիտակներ՝ լսելիք  երաժշտութիւն  միջոցառում  երեւան  տերեան