#գրասենեակ #աշխատանք #վանաձոր #քաղաք

@{ Հոնէ ; hone@spyurk.am} 03.05.2019, 20:15:25

Վանաձորում(գուցե մարզերում ընդհանրապես, գուցե Երևանում նույնպես) «օֆիս»(ոչ «գրասենյակ») բառը ունի հետաքրքիր հարանշանակություններ: Հատկապես խորհրդային սերնդի համար: «Օֆիսը» խորհրդանշում է կայունություն, դիրք, մշտական եկամուտ, գործընկերային հարաբերություններ, ոչ շարժուն, հետևաբար ավելի ապահով կյանք: «Օֆիսում» աշխատող մարդը իրենից կարևոր մարդ է ներկայացնում: «Օֆիսում» աշխատող մարդը գործնական է ու լուրջ: Անկախ նրանից, որ շարժուն, անկայուն, ոչ գրասենյակային աշխատանքով աշխատում ես կրկնակի շատ գումար և սիրում ես այդ անկայունությունը, աշխատանքի բնույթը, աճելու հնարավորությունը, «օֆիսի» մասին նման պատկերացումներով մարդկանց համար քո կյանքը «էդպես էլ չստացվեց, չգտար քո արժանի տեղը, չես անում այն, ինչ կարող էիր անել»: Իմ խնդիրը ոչ թե նման կարծիքներն են, այլ օտար, խորհրդային անցյալի հետ չկապվող ու հետևաբար միստիք բառի(քանի որ «գրասենյակը» չունի այդ հարանշանակությունները) հանդեպ վերաբերմունքն ու ընկալումը, կայունության հադեպ սերն ու դրա գնահատումը:

#օֆիս #միստիք #շարժ

բնօրինակ սփիւռքում(եւ մեկնաբանութիւննե՞ր)