https://m.youtube.com/watch?v=L-06qTNSNNU
համասեան եւ ֆարահանի։
https://m.youtube.com/watch?v=L-06qTNSNNU
համասեան եւ ֆարահանի։
#oric #pravetz-8d #տպասալ
https://m.youtube.com/watch?v=glR7lvtrGRI
այ պարագուայում երկիրը բառացիօրէն երկիր չի՝ ճահիճ ա։ իսկ մեզ մօտ լաւ էլ երկիր ա, ժայռ ա։
#միջանցքային_տրամաբանութիւն
կեղտե՛ր, ինչի՞ էք էդքան ջս֊ախեղդ անում։
#էկրանահան
քանի որ տան կողմերում քարտով չեմ վճարում, կանխիկ չունէի, ու ջերմուկ էի ուզում, մինչ մեքենայ նստելը մօտակայ խանութին մօտեցայ, որ մի երկու շիշ վերցնեմ։
ինչ֊որ գեադոտ տղամարդիկ էին, որ վաղուց չեմ տեսել նման մարդկանց, բաւական տհաճ ինձ համար։
հարցրի՝ ապակէ շշով ջերմուկ ունե՞ն, մօտեցայ վերցրի սարնարանից, տեսել էի նախապէս որ վճարային տերմինալ ունեն, ասացի որ քարտով եմ վճարելու։
ասաց՝ քարտով թանկ ա լինում։
ես պատկերացրի արդէն որ մի բան էն չի։ բայց ձեւացրի թէ զարմացայ։
ասաց՝ քարտով միջնորդավճար կայ՝ քսան տոկոս։
ես գիտեմ որ կայ բանկի միջնորդավճար, բայց գրեթէ համոզուած եմ որ քսան տոկոս չի։
իսկ քսան տոկոսը գիտենք ինչն ա՝ աահ֊ն ա՝ աւելացուած արժէքի հարկը։
այսինքն էդ մարդը հարկ չի տալիս, ու ապրում ա։ ըստ որում իր խանութը կառավարութիւն սպասարկող հիմնարկի հէնց կողքն ա։
ես չգիտէի որ տէնց բաներ դեռ կան։
ասացի՝ հա թող թանկ լինի։ երկու շիշ ջերմուկը հաշուեց 480 դրամ։ քարտով վճարեցի, գնում էի, ասաց՝ չէքը։ գուցէ զգաց որ ուզում էի հարկը վճարուի։ բայց դէ երբ քարտով ես վճարում, արդէն էական չի չէք պահանջելը։ իսկ գուցէ մտածեց որ ինձ հէնց չէքն ա պէտք որ վերադարձնե՞մ յետոյ այդ ծախսը։ ասացի՝ դէ վճարեցի արդէն, զի երբ քարտով ես վճարում, հարկը չի կարող թաքցնել։
լաւ, բայց դրական նոտայով աւարտեմ՝
մօտակայքում կայ սիրիահայերի մեքենայ լուանալու տեղ։ իրանք, ինչպէս միշտ սիրիահայերը՝ քաղաքակիրթ են, ջերմ, եւ ազնիւ եւ մեքենան լուանում են, մեքենայի մէջ արդէն «չէքը» թողնում են։ գինը դրանից իհարկէ չի բարձրանում։ նոյնիսկ իրենց մօտ աւելի էժան ա, քան սովորաբար։
չեմ իմանում ինչ են (էին) սովէտահայերը էդքան դախ։ եւ էդքան փակ ու վատ երկրում ոնց իրանն ա՝ հայերը շատ լաւն են, եւ էդքան ահաւոր երկրում ոնց լիբանանն ա։ միայն սովէտում են տէնց ահաւորը դարձել։ :/ ու մենք չունենք ուրիշ հայաստանի հանրապետութիւն՝ միայն սովէտական հանրապետութեան ժառանգն ունենք։ ինչի պատճառով սդ֊ի նախագահը՝ կոմկուսի մարդ էր։
ինչի պատճառով երկու նախագահները կոմերիտմիութիւնից էին։
իսկ մի նախագահն որ սիրիահայի որդի էր՝ թէկուզ եւ կոմունիստ սիրիահայի՝ ամենալաւ ժառանգութիւնն ա թողել։ բայց աւաղ՝ կոմերիտականներին։
ուրեմն երէկ ոլոմ֊ում ինչ֊որ աղջիկներ էին, ում անունը չգիտեմ (չգիտէի) բնաւ, ու ինձ ասին՝ կարո՞ղ ա ֆլեշկա ունենաք։
սովորաբար ունեմ ventoy֊ով լիքը ֆլեշկաներ։ բայց էս անգամ չունէի։
փնտրեցի, ասացի՝ չէ։ տխրեցին։
իրականում լաւ ա որ չունէի, որովհետեւ կը տայի, կը տառապէին իզուր։ փոխարէնը ասացի՝ իսկ ինչի՞ համար էր պէտք։
ասաց որ ֆայլ ա տալիս մարդկանց մէյլով, բայց մակօսի տակ էդ ֆայլը «չի բացում», իսկ ուինդոուս համակարգում բացում ա։
ասում եմ՝ էս ի՞նչ ֆայլ ա։ ասում ա՝ զիպ ֆայլ ա։
ասի մի հատ տեսնեմ՝ ինձ էլ հետաքրքիր եղաւ ինչ ա կատարւում։ բացեց իր կարգիչը՝ պարզուեց մակ ա։
ասաց տես՝ էս ա, գուգլ դրայւից եմ քաշում էս պանակը (ու լիքը ինչ֊որ համարակալուած պանակներ ունէր) որպէս զիպ՝ ու ահա իմ ներբեռնումների մէջ ա։
ասում ա՝ տես, հէնց ուզում եմ բացել՝ ահա, մի պահ ցոյց ա տալիս նկարները։ իսկապէս՝ պատուհան ա բացւում, ցոյց ա տալիս։ ասում ա՝ էստեղից կարողանում եմ պատճէնել, փակցնել այլ տեղ։ բայց հէնց սա փակեցի՝ այլեւս չեմ տեսնում պանակը որ «անզիպ» էր եղել։
ու իսկապէս՝ էդ պանակը մի պահ երեւում ու անհետանում էր։
փորձեցի աջ կտոցով (չեմ կարողանում մակում թաչփադով աջ կտոցներ անել, հա իրան էի խնդրում ամէն ինձ համար բարդ գործողութիւնն անել), տեսնեմ կայ՝ «անքոմփրես» հնարաւորութիւն։ օկէյ, անում եմ՝ կարծես եթէ ճիշտ եմ յիշում՝ էլի մի պահ յայտնուեց ու կորաւ։
մի հատ էլ՝ ու էլի թէ չյայտնուեց էլ, թէ յայտնուեց ու կորաւ։
բայց յիշում եմ որ որոշ դէպքերում յայտնւում կորում էր։
դէ չեմ հասկանում էդ ֆայլերի կառավարիչը ոնց ա աշխատում, գտայ տերմինալը, դրա մէջ գտայ պանակը, գտայ զիպ ֆայլը, ձեռքով արեցի unzip ու տեսնեմ բացել ա՝ .2 3 պանակում։
նայեմ՝ էլի շատ պանակներ կան՝ .2, 2. 1, 2.2 ու նմանապէս .1, .1 1, .1 2, 1. 3 … , .3, .3 1 .3 2 եւ այլն։
հասկանում եմ որ զիպի միջի պանակի անունը .2 ա ու էդ աղջիկը երբ գրաֆիկայով զիպը բացում էր, ստեղծւում էին այդ պանակները ամէն անգամ։ նոյն ֆայլերով։ արեցի՝
mv .2 2
ու տեսնեմ ֆայլային կառաարչի մէջ յայտնուեց 2 անունով պանակ։ արեցի՝
mv .2\ 1 2_1
ու յայտնուեց նոյն ֆայլերը պարունակող 2_1 պանակը։
եւ այլն։
տեսնեմ՝ գուգլ դրայւի մէջ իսկապէս, էն պանակներո որ նա քաշում ա որպէս զիպ ֆայլեր, կէտով սկսուող անուններ ունեն։
չհարցրի ինչի ա էդպէս անուանել։ բայց պարզ ա արդէն ինչի ուինդոուս համակարգը պանակները ցոյց ա տալիս՝ իւնիքսն ա որ կէտով սկսուողները համարում ա թաքնուած։
մտածեցի՝ լաւ, էդ ֆայլային կառավարիչը՝ «ֆայնդեր» ոնց որ, չունի՞ կարգաւորում որ թաքնուած ֆայլերը ցոյց տայ։ փնտրեցի, փնտեցի դրա մէջ՝ չգտայ։ ըստ երեւոյթին՝ չունի։ ինչը շատ նման ա էփլի քաղաքականութեանը՝ պէտք չի օգտատիրոջը տեսնել կարգաւորումների ֆայլերը։ ով գիտի ինչ կանի՝ բա որ մտնի խմբագրի՞՝ այ այ այ։ աւելի լաւ ա թող չիմանա՛յ։ եւ լինի չիմացող, հետեւաբար կախուածութեան մէջ եւ կառավարելի։
ինչեւէ։
հիմա ի՞նչ ա, հնարաւո՞ր չի մակօսում կէտով սկսուող պանակներ տեսնել, եթէ տերմինալի հետ աշխատել չգիտես։ գուցէ այլընտրանքային ֆայլային կառավարիչներ են պէտք։ պայմանական «լինուքսի» իսկ իրականում ամէն ազատ միջավայրի ֆայլային կառավարչում՝ օրինակ «գնօմ»֊ի «նաուտիլուս»֊ում կարելի ա «չէք բոքս» ընտրել որ ցոյց տայ «թաքնուած» նիշքերը։
բայց ես պատկերացնում եմ ոնց ա մարդը «ֆայնդեր»֊ով ստեղծում կէտով պանակ, ու այն իր աչքերի առաջ անհետանում ա։ փորձում ա նոյն անունով ստեղծել՝ ու չի ստեղծւում, զի արդէն կայ։ բայց չի երեւում։
էդ չեմ փորձել, զի համ ուշ էր, ու ոլոմ֊ն կը փակուէր, համ իրա կարգիչն էր նստում, ու պէտք ա ֆայլերն ուղարկէր, կիսէր մարդկանց հետ։
փաստօրէն սկզբից «դրայւի» յղում էր տալիս, քաշում էին զիպ, ու չէին կարողանում հասնել պարունակութեանը։ յետոյ նա մէյլով փորձեց նոյն զիպը նա քաշել, ուղարկել՝ էլի չէին կարողանում «բացել» ու յետոյ նա էլ տեսաւ որ չի կարողանում։
այնպէս որ թողեցի որ վերանուանի, նոր զիպերը կիսի մարդկանց հետ քանի իր կարգիչը չի նստել ու էլ թեստեր չարեցի։
բայց դուք կարող էք անել, պատմել ինչ ա լինում։
իսկ ես ամփոփելով կրկին դնեմ դա շրջանակի մէջ՝ օգտատիրոջը պէտք չի դնել դեբիլի տեղ, որովհետեւ այնպէս նա չի կրթւում։ բայց կարծում եմ՝ դա էլ կապիտալ եւ շահ հետապնդող ընկերութիւններին պէտք ա՝ որ չկրթուի, չիմանայ օգտագործել կարգիչներ։
եւս մի շրջանակ՝ երբ փորձում ես «հեշտացնել», որ մարդը օգտուի ինչ֊որ բանից առանց հասկանալու ինչ ա անում՝ աւելի վատ ա լինում։ դա նաեւ վերաբերում ա ծրագրաւորման լեզուներին, որ օրինակ ցուցիչները մարդուց թաքցնում են։
#կրթութիւն #մակօս #էփլ #ազատութիւն
պատրաստեցի gentoo overlay ու աւելացրի երեք ebuild որ lagrange ջեմինի դիտարկիչը լինի շինել։
#ջեմինի #դիտարկիչ #ջենթու #էկրանահան