անապատային

Հրէաների մօտ կայ այսպիսի հասկացութիւն՝ «wilderness»։ Երբ Մովսեսը հանեց նրանց Եգիպտոսի ստրկութիւնից, որ տանի իրենց երկիրը ստեղծելու, արանքում էր այս «ուիլդերնես», անապատ վայրը։

Ու հրէաներից շատերը մտածում էին՝ ինչների՞ս էր պէտք այս արկածախնդրութիւնը, մենք ունէինք ձրի կերակուր, ապրելու տեղ, ու ընդհանուր առմամբ, այսչափ չէինք տառապում Եգիպտոսում։

Մտածում եմ, երբ մենք հոգում ենք ազատութեան մասին, կորցնում ենք զանազան հնարաւորութիւններ․ կենտրոնացուած սոց․ կայքերում շփման, շոյուած լինելու, ընկերներ ձեռք բերելու հնարաւորութիւններ, կայքերի միջոցով նիշքեր փոխակերպելու, նկարներ խմբագրելու հնարաւորութիւններ։

Ու մարդիկ տարակուսում են, արդե՞օք իրենք չեն կորցնում ազատութիւն, այն ձեռք բերելու փոխարէն։

Սա յիշեցնում է այդ միջանկեալ վիճակը, որ հրէաներն ապրել են անապատում։

Այնպէս որ մենք անապատում ենք, «ուիլդերնես»֊ում։ Մենք զբօսնում ենք անապատով ազատութեանը ձգտելով։

պատմություն հրեական մտածելակերպի մասին

֊ դա հրեական մտածելակերպ է որովհետեւ ֊ մեկնաբանեց քաղաքական իրադարձությունները մի տղամարդ մի կորպորացիայի ճաշարանում։

նա չնկատեց, որ կողքի սեղանին դնում էր իր սկուտեղը նույն կորպորացիայի աշխատող, ով քիչ թե շատ հայտնի էր նրանով, որ հրեա է։

ճաշից հետո նա, ով հայտնի էր որպես հրեա մոտեցավ որոշակի ազգերի մտածելակերպը քննադատող տղամարդուն։

֊ բա ի՞նչ եղավ մեքենադ։

֊ օֆ չգիտեմ է

֊ ուզո՞ւմ ես այսօր նայենք։

֊ բայց այնտեղ չգիտես ինչ է կատարվում

֊ այնտեղ իրականում պարզ համակարգ է, կամ սա է, կամ դա է փչացել։ (չեմ հիշում անվանումները)

֊ դե հա, գործից հետո նայենք, թե հարմար է։

֊ լավ, դու չմտածես, պետք է որ կարողանանք սարքել։

ու տենց

ասք դեբատների մասին

ահագին նայվում է։ «ես հասկանում եմ արաբներին, արաբները հասկանում են ինձ, բայց մեզանից ոչ մեկ չի հասկանում պրոֆեսոր Դերշովիցին»։ լրիվ վերջն է։

ու տենց