ասք քրիքեթ խաղալու մասին

Անհնար է նրանք երբեւէ դառնային ոչ միայն աշխարհի չեմպիոններ, այլ եւ պարզապես լավ խաղացողներ առանց անկախության։ Պարզապես не до игр было бы

Փառատոնի ամենալավ ֆիլմերից էր իմ համար։
Խորհուրդ եմ տալիս։

ու տենց

ասք ժամանակի արկածների մասին

Իմ մոտ funtoo֊ներում ու gentoo֊ներում բնականաբար, փոխվել է։

Մայքրոսոֆթը խոստացել է ժամագոտու նորացումը ներառնել «կումուլյատիվ» ափդեյթի մեջ, որը դուրս է գալու օգոստոսին։ Այսինքն, իսկ մինչ այդ, խորհուրդ է տվել ինսթալ անել փաթչեր, ընդ որում, ասենք իքսփիի համար իր փաթչը, յոթի համար՝ իրենը, ու օգտագործել Moscow, St. Petersburg, Volgograd ժամանակային գոտին։
Որը շատ «տեղեկատվություն» տվեց, որովհետեւ առանց այդ էլ, կարելի էր, ասենք օգտագործել Աբու Դաբիի ժամանակային զոնան։

Քանի որ կորպրորացիաներում մինչ այժմ օգտագործվում են հնադարյան եւ չնորացված redhat֊ներ, նրանց /usr/share/zoneinfo/Asia/Yerevan ֆայլը պետք է կրկին քոմփայլ անել zic (zone info compiler) ծրագրով, ու փոխել։
Netapp ընկերությունը տրամադրում է փաթչեր, ու իրենց փաթչ ֆայլի md5 գումարը համապատասխանում է մեր ձեռքով քոմփայլ արված ֆայլի md5 գումարին։
Ի դեպ, նույն բինար ֆայլը աշխատում է Սոլարիսներում, աշխատում է Անդրոիդում, ու երեւի թե բոլոր իրենց հարգող ՕՀ֊երում։
HPUX֊ը իրեն չի հարգում, դա ակնհայտ է։ ։Պ
Իսկ բացելով սոուրսի միջի asia ֆայլը իմանում ենք հետաքրքիր բաներ՝

# From Alexander Krivenyshev (2012-02-10):
# According to News Armenia, on Feb 9, 2012,
# http://newsarmenia.ru/society/20120209/42609695.html
#
# The Armenia National Assembly adopted final reading of Amendments to the
# Law “On procedure of calculation time on the territory of the Republic of
# Armenia” according to which Armenia [is] abolishing Daylight Saving Time.
# or
# (brief)
# http://www.worldtimezone.com/dst_news/dst_news_armenia03.html

Սա վերջին փոփոխության մասին է, ու հետո՝

# Zone  NAME            GMTOFF  RULES   FORMAT  [UNTIL]
Zone    Asia/Yerevan    2:58:00 -       LMT     1924 May  2
                        3:00    -       YERT    1957 Mar    # Yerevan Time
                        4:00 RussiaAsia YER%sT  1991 Mar 31 2:00s
                        3:00    1:00    YERST   1991 Sep 23 # independence
                        3:00 RussiaAsia AM%sT   1995 Sep 24 2:00s
                        4:00    -       AMT     1997
                        4:00 RussiaAsia AM%sT   2012 Mar 25 2:00s
                        4:00    -       AMT

Ու չի կարելի չնկատել, որ մինչեւ 1924 թիվը Հայաստանում գործում էր ինչ որ անկապ ժամանակ, ուր Գրինվիչից շեղումը կազմում էր 2 ժամ 58 րոպե։ Ենթադրում եմ, որ՝
ա ֊ Հայաստանում ոչ ոք ժամացույց չուներ եւ ժամանակը չափվում էր աքլորներով։
բ ֊ Փորձում էին այսպես ասած ֆայն թյունինգ անել ժամանակի, որոշելով, որ երկու րոպեն կարեւոր է։

Իրականում ես կարող եմ միայն ենթադրել ինչպես էին նրանք ապրում, ու սինխրոնիզացնում ժամանակը, ու համոզվում, որ այն ճիշտ է։ Օրինակ, որ Գրինվիչից 2.58 շեղում ունի։

Ապա գնանք տեսնենք ինչպե՞ս էր ժամանակի գործերը այլ Ասիական պետությունների մոտ՝

# Azerbaijan
# From Rustam Aliyev of the Azerbaijan Internet Forum (2005-10-23):
# According to the resolution of Cabinet of Ministers, 1997
# Resolution available at: http://aif.az/docs/daylight_res.pdf
# Rule  NAME    FROM    TO      TYPE    IN      ON      AT      SAVE    LETTER/S
Rule    Azer    1997    max     -       Mar     lastSun  4:00   1:00    S
Rule    Azer    1997    max     -       Oct     lastSun  5:00   0       -
# Zone  NAME            GMTOFF  RULES   FORMAT  [UNTIL]
Zone    Asia/Baku       3:19:24 -       LMT     1924 May  2
                        3:00    -       BAKT    1957 Mar    # Baku Time
                        4:00 RussiaAsia BAK%sT  1991 Mar 31 2:00s
                        3:00    1:00    BAKST   1991 Aug 30 # independence
                        3:00 RussiaAsia AZ%sT   1992 Sep lastSat 23:00
                        4:00    -       AZT     1996 # Azerbaijan time
                        4:00    EUAsia  AZ%sT   1997
                        4:00    Azer    AZ%sT

Շեղումը 3 ժամ 19 րոպե 24 վայրյան։ Ինչի՞։
Դա է՞լ է անկապ թե թյունինգ արված ժամ է։

Լավ, մեր մոտ ժամանակը «բարդակ» էր մինչեւ 1924 թիվը։ Ըստ այդ ֆայլի, Չինաստանում մինչեւ 1940 թիվը առհասարակ ժամանակի մասին տեղեկություններ չկան։

Սաուդյան Արաբիայում ժամանակիին չէին հետեւում մինչեւ 1950 թիվը՝

# Saudi Arabia
# Zone  NAME            GMTOFF  RULES   FORMAT  [UNTIL]
Zone    Asia/Riyadh     3:06:52 -       LMT     1950
                        3:00    -       AST

Իսկ այ Բանգլադեշում արդեն 1890 թվականին ժամանակի մասին որոշում կա՝

# Zone  NAME            GMTOFF  RULES   FORMAT  [UNTIL]
Zone    Asia/Dhaka      6:01:40 -       LMT     1890
                        5:53:20 -       HMT     1941 Oct    # Howrah Mean Time?
                        6:30    -       BURT    1942 May 15 # Burma Time
                        5:30    -       IST     1942 Sep
                        6:30    -       BURT    1951 Sep 30
                        6:00    -       DACT    1971 Mar 26 # Dacca Time
                        6:00    -       BDT     2009
                        6:00    Dhaka   BD%sT

Հնդկաստանում, նույնիսկ տաս տարի ավելի շուտ, 1880 թվին՝

# India
# Zone  NAME            GMTOFF  RULES   FORMAT  [UNTIL]
Zone    Asia/Kolkata    5:53:28 -       LMT     1880    # Kolkata
                        5:53:20 -       HMT     1941 Oct    # Howrah Mean Time?
                        6:30    -       BURT    1942 May 15 # Burma Time
                        5:30    -       IST     1942 Sep
                        5:30    1:00    IST     1945 Oct 15
                        5:30    -       IST

կրկին ինչ որ անկապ շեղում։

Շրի Լանքայում նույնպես 1880 թվից ժամանակ կա։

Իսկ ավելի շուտ են սկսել ժամանակին հետեւել Ջաքարթայում 1867
Ֆիլիփիններում՝ 1844

# Zone  NAME            GMTOFF  RULES   FORMAT  [UNTIL]
Zone    Asia/Manila     -15:56:00 -     LMT     1844 Dec 31

Ֆիլիպինները Ասիայի պիոներներն են։ Այնտեղ ժամանակի մասին որոշում կա դեռ 1844 ին։

Այնպես որ զգոն եղեք, որ չշփոթվեք։ Եւ իհարկե տոկուն։

եւ այդպես

ասք մեկ օրում կյանքի մասին

Փաստորեն, Ռիդլի Սքոթը ուզում էր «Օտարից» ավելի լավ ֆիլմի հետ կապ ունենալ։
«Կյանքը՝ մեկ օրում» պետք է ծնվեր հենց այս ժամանակաշրջանում, երբ բոլորը ունեն պորտատիվ թվային ավտոմատներ, կամերաներ, ու ինտերնետ, երբ էական չէ որտեղ ես ապրում հաղորդակցվելու, գիտելիք փոխանակելու համար։
Ու իմ համար ֆիլմը այդ մասին է, կամ ես կարեւորում եմ իր մեջ հենց դա՝ մենք վերջապես ջնջել ենք հաղորդակցվելու սահմանները, հիմա ժամանակն է հասկանալ եւ ընդունել տարբերությունը։ Ու ոչ թե վերացնել այն, քանի որ այդ տարբերությունն է մեզ դարձնում հետաքրքիր միմյանց համար։

Նաեւ, ինձ դուր եկան եւ հիանալի օպերատորական աշխատանք ներկայացնող կադրերը, եւ լավ մոնտաժը, եւ անկապ մարդկանց նկարված կադրերը։
Դա այն մասին է, որ մենք այժմ ունենք երկուսն էլ։ Մենք ունենք թույլ արհեստով, բայց հավես բովանդակությամբ արժեք ներկայացնող մեդիա։ Ու մենք ունենք բարձր արվեստ ու արհեստ կերտելու հնարավորություն՝ Աֆղանստանի լուսանկարիչը միշտ ունի իր հետ երկու խցիկ, կոշիկ մաքրող Ասիացի երեխայի ամենասիրված առարկան իր լափթոփն է։ Դա «մեկ լափթոփ ամեն երեխային» ծրագրի արդյունքն է, շատ էժան լափթոփներ ոչ հարուստ երկրների համար։ Ու այդ երեխան մեկնաբանում է, ինչի համար է այն թանկ՝ որովհետեւ նա կարդում է Վիքիփեդիա, (ինչպես թարգմանեցին մեր գրագետները՝ Ուիքիփեդիա), այնտեղ կա հետաքրքիր տեղեկատվություն մաթեմի մասին, ու դա փաստացի ամենամեծ գրադարանն է։ Այսինքն կոշիկ մաքրելով փող աշխատող երեխան պայթած երկրում զարգանալու շանս ունի։ Իհարկե, դա ֆիլմի սկզբում զարգացած երկրի աղջկա մասին չէ, ով ասաց «այփադս դա իմ ոգին է», որովհետեւ այփադ չէ բնավ, բայց մեկ է, գործիք է, որ թույլ է տալիս զարգանալ։ Ու եթե ես առաջ կասկածում էի, որ գուցե այնքան էլ լավ չի օգտագործվելու մարդկանց մեծ մասի կողմից ինտերնետը, ապա ավելի ու ավելի եմ համոզվում, որ մարդիկ հետաքրքրասեր են, դա նրանք էության մասն է, ու նրանք չեն կարող չզարգանալ երբ զարգանալու հնարավորություն է լինում։

Ինձ դուր չէին գալիս «կյանքի» մասին մասերը։ Այն, ինչ մենք կյանք ենք համարում։ Ինձ չէին հուզում ծննդաբերությունները (նույնիսկ ընձուղտների), ինձ հետաքրքիր չէր ինչպես են հիանում փոքր երեխաներով, կամ ճուտերով, ինձ տհաճ էր, երբ եփված բադի ճուտով ձու էին ուտում, ինձ տհաճ էր, երբ կով էին մորթում։
Որովհետեւ դա մարդկային կյանքի մասին չէ։
Դա կենդանական կյանքի մասին է։
Իսկ մենք բանական ենք ապրում։ Ու ինձ հավես չի թվում այն էտապն որ մենք անցել ենք։
Ինձ հավես չի թվում դա բնավ։

Սակայն ինձ ահագին դուր է գալիս, օրինակ այս կադրը՝


Դա մարդկային կյանքի մասին է։
ի՞նչ է նավակը։ Դա մոդելավորում է, դա կոնստրուկցիա է, դա ինժեներական միտք է։
Նաեւ դա երազանք է, դա հետազոտություն է, դա նորը իմանալու ձգտում է՝ հետաքրքրասիրություն։

Ինձ հետաքրքիր չէին ամուսնությունները, նույնիսկ այն տժժոցներով, ու Էլվիսներով, բայց դա արդեն ավելի մարդկային է, քան ծննդաբերությունը։ Որովհետեւ այնտեղ մշակութային էլեմենտներ կան։
Ինձ շատ դուր եկավ երբ այն սեւամորթ աղջիկը ցուցադրելով ինչպես է ընդունված իրենց մոտ չոքել տղամարդկանց առջեւ, երբ նրանք երկուսով ծիծաղեցին բացատրեց՝ «սա մշակույթ է»։

Ու դա ֆիլմի երկրորդ ամենակարեւոր մասն է իմ համար՝ մշակույթը ու տարբերությունը։
Մենք հաղորդագցվում ենք, մենք ունենք բավականին նման հարդ, բայց մեր սոֆթը բավական տարբեր է։ Ու ոչ մեկիս դուր չի գա, որ մեզ ասեն՝ «քո ապրելու կերպը սխալ է, ճիշտը այս մեկն է»։ Ապա մենք պետք է սովորենք «հանդուրժել» ու ընդունել այլ մարդկանց, այլ մշակույթները, ու ուրախանալ որ նրանք կան։ Այստեղ ես տեսնում եմ սահմանափակումներ։ Իհարկե, մշակույթի հարց է, ով է ուտում կով, ով՝ խաշած ձվի մեջ ճուտ, ով ձի կամ շուն։ Որովհետեւ մեկի համար շուն ուտելը անհնար է, իսկ մյուսի համար՝ նորմա է։ Այդ պատճառով «նորմալ»֊ը լրիվ կախված է մշակույթից։
Բայց ես կարծում եմ, որ չի կարելի բացառել որ կա հետամնացություն։ Որ այսօրվա աշխարհում հիմարություն է կետ սպանել «տղամարդ» դարնալու արարողությունը, ծեսը կատարելու համար, ինչպես անում են Իսլանդիայում։
Որովհետեւ ժամանակակից վեհը դա կետ սպանողը չէ, ժամանակակից վեհը կետ պաշտպանողն է։
Ու չի կարելի կետերի սպանությունները արդարացնել ազգային ծեսերով՝ դա արդեն ազգայինից դուրս է, կետերը մեր ընդհանուրն են։

Այսպես, այն ինչ կապ ունի սպանությունների հետ, քիչ քիչ դառնում է ավելի ապազգային, ավելի ընդհանուր։ Ոչ ոք չի հանդուրժի երկիր, ուր մարդ սպանելը ազգային ծես է, ու պետականորեն աջակցվում է։ Շուտով չի լինի երկիր, ուր մարդու իրավունքների խախտումներն են «նորմ» որովհետեւ շփման ընթացքում մարդիկ կզարգանան, ու կհասկանան, որ դա ժամանակակից նորմ չի կարող լինել։ Դա այլեւս նորմ չէ։ Ու «երկիր քանդել», «գրանտ ուտել» ձեւակերպումները իրենց սպառել են։ Զարգացումը կարելի է միայն դանդաղեցնել, բայց չի կարելի ընդհատել։ Այն էլ մեր դեպքում, ուր ոչ զարգացումը ազգի համար տապալում է, մահ։
Այնուամենայնիվ ես չեմ կարծում որ ֆիլմը պատրաստողները առանձնապես լավ գիտակցում էին այն, ինչի մասին ես գրում եմ։ Նախ, դա իմ ընկալումն է, ու նրանք պարզապես ժամանակակից մարդիկ են, ովքեր կրում են ժամանակակից արժեքներ, գուցե չգիտակցված։
Այսպիսի ֆիլմերը հիմա «մոդա» են, արվում են, նոր, հանուն մարդու տեխնոլոգիաների դարաշրջանի առաջին ֆիլմերը պետք է այսպիսինը լինեին։ Այս մեկը պարզապես լիամետրաժ էր։
Ու բնական է, որ այ ֆիլմը կա օնլայն, կարող եք հենց այժմ դիտել։
ու տենց

պատմություն մեքենա ներկելու մասին

Մի տիկին որոշեց ներկել իր մեքենան։
Դրա համար նա բերեց Ֆրանսիայից բավական քանակի մանիկյուր։
Այսպես, ուստաները դատարկում էին փայլուն մասնիկներով սրվակները՝ մեկը մյուսի հետեւից, ողողում տարաները որպեսզի ոչ մի կաթիլ չմնա չօգտագործված։

ու տենց

ասք մարմելադի հոտի մասին

Այս փողոցով անցնում են «սասունցի դավիթ» մետրո կայարանից դուրս եկած եւ տեխնոպարկ ուղեւորվող ճարտարագետները։
Փողոցը անցնում է «Դարոյնք» գործարանի կողքով ու առավոտյան օդի մեջ մարմելադի հոտ է։

photo2012.02.23_11.32.31.88.sm_

«դարոյնք» գործարանի մի այլ հակտվածի լուսանկարներ
ու տենց

ինչու եմ ես գնալու հավաքի

֊ ինձ դուր չի գալիս, երբ մարդիկ անտարբեր են, որ մարդկանց սպանում են։
ինձ դուր չի գալիս, երբ սպանում են շներին։
ինձ դուր չի գալիս, երբ սպանում են գայլերին։
առավել եւս ինձ դուր չի գալիս, երբ սպանում են մարդկանց։

֊ ինձ դուր չի գալիս այն, երբ մարտի մեկին վերաբերվում են այնպես, կարծես ոչ մի բան չի եղել։
երբ կասեն, որ սա ու սա ու սա լավ չէ, բայց չեն ասի, որ քաղաքում մարդ սպանելը վատ է։

(իսկ գուցե կապ կա այդ «վատերի» մեջ՞։ եթե մարդ կսպանեն, կրպակ դնելն կամ անտառ կտրելը ի՞նչ խնդիր է)

֊ ինձ դուր չի գալիս, երբ այդպիսի դեպքերին վերաբերվում են վերեւից։
ինձ դուր չէր գալիս այն, ինչպես էին գրում այդ մասին ԿՄ֊ի որոշ ռուսալեզու մատյաններում 2008֊ին։
այնպես, ոնց որ իրենց հետ դա կապ չունի։
այնպես, ոնց որ եղանակի մասին գրված լիներ։
(ի՞նչ անեմ ավտոյիս հետ, գառաժ դնե՞մ չթրջվի, թե չէ։)

֊ ինձ դուր չի գալիս, երբ ասում են, որ «նրանք» թմրամոլ էին, կողոպտիչ էին, փող էին ստանում, կամ հանցագործ էին։
Որովհետեւ դա նույնն է, ինչ ասել, որ հայը պպզած եւ չսափրված սեւազգեստ է, ամերիկացին՝ համբուրգեր կրծող չաղ մարդ, իսկ ռուսը՝ հայհոյող եւ անբարոյական։
Որովհետեւ դա ժողովրդի մասին ոչ խորը ու ընդանրացնող կարծիք է։
Որովհետեւ ժողովուրդը չի լինում թմրամոլ ու կողոպտիչ։
Այո, նրանց մեջ կարող են լինել մի քանի հոգի, ով խառնաշփոթից օգտվելով կզբաղվի կողոպուտով։
Բայց նրանք կապ չունեն տասնյակ հազարների հետ, ով փողոցներում էին։

֊ինձ դուր չի գալիս երբ դեպքերը եւ մարդկանց բացասում են։
երբ ասում են, որ դա մասսայական գիպնոզ էր։
երբ ասում են, որ դուրս եկածները հիմար են։
եթե ազգի մաջ այնքան շատ հիմար կա, ապա մեկ է, մենք լուրջ խնդիրներ ունեք։

֊ ինձ դուր չի գալիս, երբ ասում են՝ «նրանք ով մահացել է, իրենք են մեղավոր, չգիտե՞ին ուր են գնում»
որովհետեւ չէ, նրանք մեղավոր չեն։
Որովհետեւ մինչ մարտի մեկը ոչ ոք չէր պատկերացնում, որ հավաքի ժամանակ գնդակից մարդ կմահանա։
Կծեծվի, կթրջվի, բայց չի մահանա հրազենից։
Մեր մոտ այդպիսի նախադեպ չի եղել մինչ այդ։

Այո, ինձ դուր չի գալիս, երբ մարդիկ իրենց պահում են, ոնց որ այդպիսի բան չի եղել։
եղել է։ Երեւանում։ Ինչքան էլ անհավատալու չլինի։ Եղել է։

Ես գնալու եմ, որովհետեւ ես չեմ կարող անտարբեր լինել։

ու տենց