<p>
  <a href="http://reckless2.livejournal.com/67070.html"> այստեղից </a><br /> Իսկ երեկ երկու ժամում հավաքվեց ~4400 ստորագրություն, այսպիսով ավելին, քան 13000 մարդ էս մի քանի օրում ստորագրել են բացօթյա դահլիճը պահպանելու համար<br /> Այսօր և վաղը, ժամը 5-7pm, Թամանյանի արձանի տակ, դուք դեռ կարող եք ստորագրել հետևյալ տեքստի տակ՝
</p>

<blockquote style="border-left: 2px solid #FFCC00; padding: 10pt; margin-left: 30pt; background-color: #FFFCEC;">
  <p>
    Մենք, ներքո ստորագրյալներս,<br /> պահանջում ենք վերականգնել «Մոսկվա» կինոթատրոնի ամառային դահլիճը Երևան քաղաքի մշակութային անշարժ հուշարձանների պետական ցուցակում և կասեցնել այն քանդելուն ուղղված գործընթացները հետևյալ հիմնավորումներով՝<br /> &#8211; «Մոսկվա» կինոթատրոնի ամառային դահլիճի կառույցը հանվել է վերը նշված ցուցակից օրենքի բացահայտ խախտմամբ և առանց մասնագիտական հիմնավորման,<br /> &#8211; Հայաստանի հեղինակավոր ճարտարապետների միաձայն կարծիքով «Մոսկվա» կինոթատրոնի ամառային դահլիճը (ճարտարապետներ Սպարտակ Կնտեղցյան և Թելման Գևորգյան) հանդիսանում է հայկական արդի ճարտարապետության լավագույն նմուշներից մեկը։<br /> &#8211; Գտնում ենք, որ քաղաքային միջավայրի ձևավորումը չպետք է հիմնված լինի քանդելու սկզբունքի վրա։ Այն պետք է տեղի ունենա մշակութային շերտերի կուտակման և համադրման միջոցով։<br /> &#8211; Ամառային դահլիճը միակ բացօթյա կինոդահլիճն է (այն նաև ամենատարողունակն է Երևան քաղաքում) ինչի շնորհիվ այդ կառույցը կարևոր դեր ունի քաղաքային մշակույթում։
  </p>
</blockquote>

<p>
  Եթե դուք գիտեք, որ ծանոթները հաճույքով կստորագրեին, բայց իրենց հարմար չէ հասնել Թամանյանի մոտ, ապա կարող եք քաշել պետիցիայի տեքստը <a href="http://norayr.am/tmp/petition_01_final.pdf">այստեղից</a>, հավաքել ստորագրությունները, ու բերել արձանի մոտ<br /> (Լռացնել պետք է միայն երեք դաշտ՝ անունը, մասնագիտությունը, ու ստորագրությունը)<br /> ու տենց
</p>